ZAKHARIA 9:13 - KITAB NU TUMPU ALLA LELE MA'IMAI'

¹³ Yehuda Ku pakemo susumo pana' nu suludadu anu baani ka' mule' Israel susumo hihis nu pana' anu sasadiamo opeletakon. Mian anu jojoong i Sion Ku pakemo susumo bajak tiba bajak aijo' aha to mia-mian nu Yunani Ku tumbuhimo.”

ZAKHARIA 9:13 ပူးပေါင်းရင်းမြစ်များ

MAZMUR 144:1

Lengkat hi Daud. Opuji' na Tumpu anu binaumo pihohungan'anku! Ia nompogulu'mo aku nahampate, ka' nongajanmo aku mosia na mahangewa.

MAZMUR 149:6

Bakas da aha mompuji' Tumpu, otaloakon linsi-linsingan, ka' montoongi bajak anu binoitmo

MAZMUR 45:3

Belento na anu talalo ahi' handa nu hungku'i na manusia, potatae nu Belento saja' kaho ka'ima'an, mokonyo aijo' Belento nu balakati nu Tumpu, sampe toka sidu-sidutu.

YESAYA 49:2

Ia nompotajomo potataengku susumo bajak, Ia nonjagaimo aku nu posi lima-Nyo. Ia nompotimbalimo aku susumo hihis nu pana' anu binoitmo, ka' pino isimo i uno nu bulu'nyo da me bapake-pake.

YEREMIA 51:20

Tumpu notatae, “Babel beleyum sumomo pompaan, baumo toongon-Ku de mahampatemo. Beleyum Ku pakemo bau pompaan bansa-bansa ka' kalaja'an-kalaja'an.

MOHAANGI 4:2

Naipuan mae to ana-anak anu tumimpasmo i kota' Sion sumomo ahi' mosoni' anu mahan na olinyo, panyo uuka aiya binaumo susumo gumbang anu ola ahi' tano' na binau.

AMOS 2:11

Pinile'an-Kumo to pia-piangkuka na anak nu belemiu da timbali nabi, ka' to pia-piangkuka na to oli-olitau nu belemiu tinimbali mian anu Iniatakonmo hi Tumpu. Te misa' aijo' na anu totu'u hei mian nu Israel? Aku, na Tumpu anu notataemo.

OBAJA 1:21

Mian anu jojoong i Yerusalem anu nohumpakmo kabilahian saidi' mae montumbuhimo Edom ka' mule' mompatundu'mo. Sah ingga Aku Tumpu na saidi' mae mompalentah susumo tomundo'.”

ZAKHARIA 1:21

Pinokilawangkumo, “Apaa na kahanda'nu aha toka mae aiya?” Tinaamannyo, “Da mombau kahengge'an ka' mompatundu'mo aha to bansang-bansang anu nohansunimo Yehuda ka' mule' nomposungkehetmo mian anu jojoong ikiijo'.”

EFESUS 6:17

Ala na kasalamatan salaku songko' anu ko aja'nyo, ka' potatae nu Tumpu salaku bajak lengkat hi Roh nu Tumpu Allah.

2 TIMOTIUS 4:7

Aku nombatukimo palalomba'an totu-totu'u ka' nontokaimo katokaan i pupuusnyo. Aku tataap tulu-tulutan hi Kristus sampe toka i aha ahenannyo.

IBRANI 4:12

Potatae nu Tumpu aijo'mo na potatae anu tumuu' ka' mahoson; molingkudui tajom nu bajak anu ko matanyo ohua'. Potatae aijo' monsusuk toka-toka i kinyonyoa ka' santuu'; toka-toka i to losu-losuan ka' touak na buku, sahingga monsumbu' totu-totu'u pikilan ka' tanga'an nu mian.

ANU PINOTO'I HI YOHANES 1:16

Lima-Nyo koanan montoongi popitu' na mandala', ka' aijo' i nganga'-Nyo nosabat mae samata na bajak anu matajom poti-potimbiha'. Ohup-Nyo mangkunining sumo batu nu sinaa de sonsu'unmo.

ANU PINOTO'I HI YOHANES 17:14

Aha mahampateje mongewa Anak nu Domba aijo'. Panyo Anak nu Domba aijo' tiba anu saja' mombatuki Ia, anu tulu-tulutan hondo ka' anu ilaga-Nyomo ka' pinile'an-Nyomo aijo' na mompatundu' tomundo haha aijo', kalana Iamo na Tumpu nu iwi-iwi na Tuan, ka' Tomundo nu iwi-iwi na to tomu-tomundo.”

ANU PINOTO'I HI YOHANES 19:15

Lengkat mae i nganga'nyo nosabatmo samata na bajak anu matajom, ka' tiba bajaknyo aijo' nu hungku'ije saidi' mae na to bansa-bansa, ka' nu palentahje saidi' mae na aha nu tokon-Nyo besak. Ia mompao'je anggur i uno nu tampat pompao'an anggur tambuha' nu Tumpu Anu Matangkas na kuasanyo.

ANU PINOTO'I HI YOHANES 19:21

Ka' suludadu nu aha pinateanmo nu bajak anu nosabat lengkat mae i nganga' nu anu nonsake'i ajahan mopute' aijo'. Sahingga to tomo-tomonsi' suele tinokamo ka' nongkaanmo majoko' hondo i antoknyo nu aha anu pinateanmo aijo'.

ANU PINOTO'I HI YOHANES 2:12

“Toka hi malaikat anu kiijo' hi jama'at nu Pergamus, tulismo sumo uuka: Aiyamo na potuunon lengkat mae hi Ia anu montoongi bajak matajom poti-potimbiha'.