ZAKHARIA 9:12 - KITAB NU TUMPU ALLA LELE MA'IMAI'

¹² Pinsusule'mo mae o belemiu to mia-mian anu bibinoamo ka' pinojoongmo i sa'angu na tampat, tempo uuka belemiu montaha'imanimo. Pinsusule'mo mae i tampat anu timbali monjagai belemiu. Aku tataap mombalakatimo belemiu. Potombihing mae: Pinduan ohu'a na belemiu Ku balakati kalana iwi-iwi na kasansala'an anu ingoa'anmo nu belemiu.

ZAKHARIA 9:12 ပူးပေါင်းရင်းမြစ်များ

AYUB 42:10

Lapas aijo', salatan i Ayub noko balado'amo nondo'akon aha totolu' na sangalunyo haha aijo', Tumpu po'ule'mo nompokaya ia ka' halata'nyo anu u'utu mae pinopinduannyomo na konjoo'nyo na binee' hi ia.

YESAYA 24:22

Aha posihukmo hingga-hinggat susumo anu otahanmo i uno nu liang, ka' oposoopmo i uno nu talungku'sampe toka na tempo'nyo obee'imo hukuman na aha.

YESAYA 38:18

Idunia nu mian anu sinilakamo madi'mo ko anu mompuji' Belento, mian anu sinilakamo madi'mo daagi' montaha'imani kanonongan nu Belento.

YESAYA 40:2

Potenangmo nakinyonyoa nu aha Yerusalem, poto'i taalu' tobotuanan imadi'anmo. Kasala'an nu aha ingampunan-Kumo, iwi-iwi na dosa nu aha ihukum-Kumo lipat pinduan.”

YESAYA 49:9

Mian anu tinalungku'mo Ku palentahmo da mosabat; anu daagi' itampat anu pikat Ku boamo itampat anu majingka. Ka' mule' ipuge'nyo anu madi' ko anu montumuu'i, aha madi' kakulangan, tutus jalan daagi ko anu okaan.

YESAYA 52:2

Tinjomo lengkat mae atina' i abu' o Yerusalem, sapui na abu' anu natikampitmo i butong nu beleyum. Bukai na lante' anu atina' sego-segot i gogohong, nu beleyum. O, mian anu jojoong i Sion anu i hakopmo!

YESAYA 61:7

Kalana belemiu nohumpakmo ambang pininduan lipat ka' kino kalakuanmo anu ma'idek ka' suele pinopo'ambangmo, binaumo bagian nu belemiu sahingga belemiu nohumpakmo bagian pinduan lipat i lipu' nu belemiu ka' mohumpakmo kasanangan sape toka sidu-sidutu'.

YEREMIA 14:8

Ola-olanyomo Belento na anu taha'imani nu Israel, anu nomposalamatmo kami da madi' silaka. Panyo kadaka' Belento sumomo mian anu isalipu'an mae aiya ilipu' mami, sumomo mian anu ilumambanan ola' sinso' male' sampahu lantas mambamo?

YEREMIA 16:19

O Tumpu, Belentomo na nonjagaimo mae aku ka' nombee'imo mae kahosonan hi belengku; Belento nontulungimo mae aku tempo'nyo i uno nu kasusa'an. To bansa-bansa lengkat mae ipuus nu tano' tokamo mae hi Belento ka' motatae, “Mompolee' mami daagi' ko pilogot anu madi' totu'u ka' madi' ahi' hondo-hondo kokaliangannyo.

YEREMIA 17:13

O Tumpu, Belentomo na bau kataha'imanan nu Israel, mian anu palesayamo hi Belento; iwi-iwi' na anu nompala'imo Belento saidi' mae ma ambangmo. Aha saidi' mae mingkotmo madi'mo ko anu idunia aiya ka' mambamo idunia nu mian anu sinilakamo. Kalana, Belento pipinolengkatan mae nu uee anu bau kantumuu'an pinala'ianmo nu aha, o Tumpu.

YEREMIA 31:17

Ko anu otaha'imani nu belemiu aiya mae i ahop; to ana-anak nu belemiu minsusule'mo mae aiya ikampung kinahampean nu belemiu.

YEREMIA 31:6

Memang totu'u tokaje mae na tempo'nyo to mia-mian anu monjaga kota' moloboo'akonje mokiita ibungkutnyo nu Efraim, ‘Imbo' kita mindakomo mokiita' i Sion, hi Tumpu Allah-nto'.’ ”

YEREMIA 50:28

Aha to mia-mian anu nopalaimo namba i Yerusalem lengkat mae i Babel nonsisikmo mosia na Tumpu Allah-nto nombalosakonmo palabuatan nu aha mian Babel kona aijo' hi Laigan nu Tumpu.) p

YEREMIA 51:10

Mian anu palesayamo hi Tumpu notataemo, “Tumpu nompotoamo mae hi kita saba' kita na ipihak ahi' nu anu madi' kosala'nyo. Imbo kita mambamo i Yerusalem da osisikto kiijo' mae apaa na anu binaumo nu Tumpu Allah-nto.”

YEHEZKIEL 37:11

Tumpu Allah notataemo mae hi belengku, “O manusia anu madi' tumuu' batu, buku haha aiya molambangakon bansang Israel. Aha nososonmo koonyo nu aha, aha nanggasmo madi'mo daagi' ko anu otaha'imani isinaa aiya mae i ahop.

HOSEA 2:15

Iwi-iwi' na ale' nu anggurnyo Ku sule'akonje hi ia, ka' Bangka'nyo nu Kasusa'an Ku pojadimo tumban anu otaha'imani. Ikiijo' mae ia montalimamo Aku susumo tempo'nyo daagi' olitau, tempo'nyo ia sala'je no sabat mae lengkat i Mesir.

YOËL 3:16

Tumpu notataemo daka-daka' aita' mae i bungkutnyo nu Sion, lengkat mae i Yerusalem sumomo ahi' gohung na potatae-Nyo. Langit tiba tano' ginayu'anmo kalana kakuasa'an-Nyo. Panyo Tumpu tataap monsangaja'i ka' monjagai Israel, mian-Nyo anu palesayamo.

MIKHA 4:8

Ka' beleyum Yerusalem tampat nu Tumpu monjagai mian-Nyo anu palesayamo susumo polaya' anu monjagai tompukan nu dombanyo, beleyum po ule'mo timbali puso nu kota' nu kalaja'an nu belemiu susumo u'utu mae momona.

NAHUM 1:7

Tumpu aijo' manonong, Ia monjagai mian-Nyo anu pinalesayamo tempo'nyo aha sinusi'mo; Ia monjagai mian anu ninsoopmo palesaya hi Ia.

IBRANI 6:18

Ohua' na han aijo' madi'mo daagi' mongabali': Tumpu madi' toho' baleko' i janji'-Nyo ka' sumpa'-Nyo. Kalana aijo', kita anu ningkongmo hi Tumpu, kinakeha'mo da mahoson na mintoong hi anu otaha'imani anu naningkoyamo i ahopto.

IBRANI 6:19

Anu otaha'imaninto aijo' sumomo tapu nanimpasokmo leleeng anu mahoson na pintoongan ka' madi'mo ko'anu mompoposia i uno nu kantumuu'anto. Anu otaha' imani aijo' so'mo noliu-liu lalanse' i Salipi' anu Susi' hondo i Laigan nu Tumpu i suluga'.