ZAKHARIA 9:1 - KITAB NU TUMPU ALLA LELE MA'IMAI'

¹ Aiyamo na potuunon nu Tumpu. Ia momputusimo da mohukumo lipu' Hadrak tiba kota' Damsyik. Misa' ola to tulu-tulunan nu bansa Israel panyo suele ahi' puso nu kota' Siria aijo' suele anumo ahi' nu Tumpu.

ZAKHARIA 9:1 ပူးပေါင်းရင်းမြစ်များ

KAJADIAN 14:15

Ikiijo' mae i Abram nombagimo to mia-miannyo pinaha tompu-tompuknyo lantas nontumbuhimo sampobali' nu aha pihi-pihi ka' nompatundu'mo aha. Ia nololoi'mo aha tinoka-toka kiijo' mae i Hoba sasu utara kota Damsyik.

2 TAWARIKH 20:12

Belentomo na Tumpu Allah mami! Hukumo na aha, kalana kami aiya madi' moko ala mongewa suludadu anu talalo hondo manjoo' aijo', anu kahanda'mo montumbuhi mae kami. Madi'mo osumbu' mami pa' mo sia na mombau, kalana aijo' kami toka hi belento momoita tulung.”

MAZMUR 145:15

Iwi-iwi' na anu ko nyawanyo montaha'imani Belento; Obee'i nu Belento mongkaan na aha de tempo'nyomo nu pongkaanan.

MAZMUR 25:15

Matangku saja' mokiijo' hi Tumpu, kalana Ia nomposalamatmo aku da madi' kinona nu balaa'.

YESAYA 13:1

Aiya na potuunon nu Tumpu anu tinalima i Yesaya anak i Amos mongkona Babel:

YESAYA 52:10

Tumpu mompotoamo kakuasa'an-Nyo, i ahop nu mata iwi-iwi' na bansa. Sahingga songko-songko na dunia timbalimo monsakisi'i kasalamatan anu lengkat mae hi Tumpunto.

YEREMIA 16:19

O Tumpu, Belentomo na nonjagaimo mae aku ka' nombee'imo mae kahosonan hi belengku; Belento nontulungimo mae aku tempo'nyo i uno nu kasusa'an. To bansa-bansa lengkat mae ipuus nu tano' tokamo mae hi Belento ka' motatae, “Mompolee' mami daagi' ko pilogot anu madi' totu'u ka' madi' ahi' hondo-hondo kokaliangannyo.

YEREMIA 32:19

Sinin na tanga'an nu Belento opalias hondo ka' apa-apaa na anu nu bau nu Belento akabangangi hondo; Nu toa iwi-iwi'na anu nu bau nu manusia ka' mombalosakon aha sitimbang tiba palabuatan nu aha.

AMOS 1:9

Tumpu notatae, “Mian anu jojoong i Tirus saja'mo nombau dosa' pa' pimpianmo, kalana aijo', Aku tionyo mohukumo aha. Aha nomboamo sa'angu' na bansa, binoa i sa'angu' na tampat pinompojoongan, ka' nombee'mo hi Edom; aha madi'mo nohongo-hongo palajanjian nu posangaluan.

AMOS 3:12

Susumo samian na anu molaya' potu'on anu nompo'ule' nohumpak ohua' na tengkenyo kabai sambiha' na bihing nu dombanyo anu sina'u nu singa, sumo aitu mule' memo sangkiding na tontuha' na mian anu jojong i Samaria, anu uuka aiya sana-sanang na ko mamale' i kamale'an anu ma'ima'an.”

NAHUM 1:1

Sumo uuka na potuunon nu Tumpu mongkona aha Ninewe. Potuunon aijo' pinonyata ihan anu pinotoa hi Nahum samian na nabi anu nolengkat mae i Elkos.

ZAKHARIA 5:4

Tumpu Anu Daka' na Kuasanyo notataemo tukoo-Nyo pongkutuki aijo' opokona i laigan nu mian anu lewa' mombuling ka' mule' i laigan nu mian anu basumpa' ihan anu madi' totu'u. Laigan haha aijo' saja'mo nu kona nu kutuk sampe timbalimo tambulan nu anu ihansunmo.”

MALEAKHI 1:1

Aiya na potuunon nu Tumpu anu tinoka hi Maleakhi da opotoka hi mian nu Israel.