ZAKHARIA 8:8 - KITAB NU TUMPU ALLA LELE MA'IMAI'

⁸ ka' monsule'akonmo mae aha anu lengkat mae i kabete'an, ka' mule' anu lengkat mae i kinsoban, sahingga aha po ule'mo jojoong i Yerusalem. Aha timbalimo mian anu palesayamo hi beleng-Ku ka' Akumo na Tumpu nu aha. Aku mompalentahmo aha ma'i-ma'ima' ka' mule' adin.”

ZAKHARIA 8:8 ပူးပေါင်းရင်းမြစ်များ

KAJADIAN 17:8

Ku bee'mo hi beleyum ka' hi lee' nu beleyum na tano' aiya, anu uuka aiya kajojoongan nu beleyum salaku mian anu lengkat mae i salipu'an. Songko-songko na tano' Kana'an timbalimo anu nu makumpu nu beleyum sampe toka sidu-sidutu' ka' Aku timbalimo Tumpu Allah nu aha.”

YEREMIA 11:4

Palajanjian-Ku aijo' binaung-Kumo tiba mompolee' nu aha salatan pe'e aha binoang-Kumo nosabat lengkat i Mesir lipu' anu susumo nalaka hi aha. Pinalentah-ngKumo na aha da montuluti Aku ka' mombau sinin na anu pinalentahkon-Kumo. Uuka aiya suele pinoto'ing-Kumo hi aha mian nu Yehuda tiba hi aha mian anu jojoong i Yerusalem taalu' de aha montuluti Aku aha timbalimo mian anu palesayamo hi belengku ka' Akumo ahi' na Tumpu Allah nu aha.

YEREMIA 23:8

panyo atasmo sanggong-Ku, Tumpu Allah anu tumuu' nonomboamo mian Israel nosabat lengkat mae isa'angu' na lipu' anu isasu utara ka' mule' lengkat mae isongko-songko na lipu' sangga'at anu pinongga'a-ga'atakonan-Kumo aha. Aha po ule'mo jojoong iposi tano' kinahampeannyo.”

YEREMIA 24:7

Aku mosu'an, misa' monggautakon aha. Aku mombee'i hi aha da ko kahanda' mangalati', taalu' Akumo ahi' aijo' na Tumpu. Sahingga aha timbalimo mian anu palesayamo hi beleng-Ku, ka' Aku timbalimo Tumpu Allah nu aha, kalana po' ule'mo mae na aha montuluti Aku buke-buke' na kinyonyoa nu aha.

YEREMIA 31:1

Tumpu notatae, “Tokaje mae na tempo'nyo Aku timbalimo Tumpu Allah nu aha iwi-iwi' na tulunan nu bansa Israel ka' aha timbalimo mian anu palesayamo hi beleng-Ku.

YEREMIA 31:33

Sumo uuka na palajanjian anu Ku bauje tiba aha mian nu Israel; Atulan-atulan-Ku, Ku po una'mo i uno nu kinyonyoa nu aha, ka' mule' Ku tulismo i uno nu kinyonyoa nu aha. Aku timbalimo Tumpu Allah nu aha ka' mule' aha timbalimo mian anu palesayamo hi beleng-Ku.

YEREMIA 32:41

Aku sanangmo na mombau palabuatan anu ma'ima' hi aha, ka' mompotataapmo aha ilipu' aiya sampe toka sidu-sidutu'.

YEREMIA 4:2

De belemiu basumpa' i uno nu sanggong-Ku ka' belemiu tumuu' ahi' sahondo-hondonyo, adin ka' madi' mombau kasala'an, saba' iwi-iwi' na bansa momoitamo mae hi belengku da Ku balakati na aha, ka' aha mompuji'mo mae Aku.”

YEHEZKIEL 11:20

Sahingga aha montulutimo iwi-iwi na atulan-Ku ka' mule' tulu-tulutanmo ipalentang-Ku iwi-iwi'. Aha timbalimo mian anu palesayamo hi beleng-Ku ka' mule' Aku timbalimo Tumpu nu aha.

YEHEZKIEL 36:28

Jadi belemiu jojoongmo itano' anu binee'-Kumo hi mompolee' nu belemiu. Belemiu timbalimo mian anu palesayamo hi beleng-Ku ka' Aku mule' timbalimo Tumpu nu belemiu.

YEHEZKIEL 36:33

Tumpu Anu Matangkas na Kuasanyo notatae, “Salatan belemiu Ku pobelesi'mo sahingga madi'mo baladosa'na belemiu, Belemiu Ku pobee'mo mule' jojoong isinin na kota' nu belemiu ka' po ule'mo mombau apaa na anu ihansunmo.

YEHEZKIEL 37:27

Aku jojoongmo tiba aha, Aku timbalimo Tumpu Allah nu aha ka' mule' aha timbalimo mian anu palesayamo hi beleng-Ku.

HOSEA 11:11

Lengkat mae i Mesir aha tokamo mae ko lia'nyo sumomo ahi' tomonsi', ka' lengkat mae i Asyur sumomo ahi' sampahas na malapati'. Lantas aha Ku boamo minsusule' i laigan nu aha. Akumo na Tumpu anu notataemo.”

YOËL 3:20

Baso' nu aha Ku tuntutmo na pombolosinyo, aha nompatei Ku tobus suele nu mompatei. Panyo Yehuda tiba Yerusalem na saja' ahi' ko miannyo anu monjojoongi, ka' Bungkutnyo nu Sion na tataap ahi' saja' bau kajojoongan-Ku.” 12

IMAMAT 26:12

Aku monsangaluimo belemiu; Aku timbalimo Tumpu Allah nu belemiu ka' belemiu timbalimo mian anu pinalesayamo hi beleng-Ku.

ZAKHARIA 10:10

Lengkat mae i Mesir ka' lengkat mae i Asyur na aha Ku sule'akonmo. Ku pojoongmo na aha i posi lipu'nyo. Ku boamo na aha mamba i Gilead ka' suele i Libanon, sahingga songko-songko na lipu' me saja' aha.

ZAKHARIA 10:6

“Mian anu jojoong i Yehuda Ku pohosonmo mian nu Israel Ku posalamatmo. Po ule'mo Ku boa na aha minsusule' i lipu'nyo kalana Ku kanonongi na aha. Ku pojadimo na aha, salaku bansa anu madi' toho' Ku kolilimi. Akumo na Tumpu nu Aha, iwi-iwi' na do'a nu aha po ule'mo Ku palahatikan.

ZAKHARIA 13:9

Me sambagian na dunia na daagi' salamat. Ka' mule' aha aijo' Ku posusi'mo susumo salaka anu osuangmo i apu da madi'mo ko galo'nyo. Aha Ku uji'mo susumo mian monguji'mo mosoni'. Lantas aha balado'amo hi beleng-Ku ka' suele ahi' Ku taamimo na aha. Ku poto'imo hi aha tukoong-Ku aha aijo' mian anu palesayamo hi beleng-Ku, ka' aha suele mongakuimo tukoonyo nu aha; Akumo na Tumpu nu aha.”

ZAKHARIA 2:11

Tempo'nyo aijo' manjoo'mo na bansa anu tokamo mae hi Tumpu da timbalimo mian anu palesayamo hi Ia. Ia jojoongmo atina' hi belemiu ka' mule' osumbu'je nu belemiu talu' Tumpu nompalentahmo mae aku da toka hi belemiu.

ANU PINOTO'I HI YOHANES 21:3

Lantas aku nohongomo potatae lengkat mae i kasuhangan aijo' notatae mae daka-daka', “Tempo' uuka tampat kajojoongan nu Tumpu tibamo mian! Ia tumuu'mo tiba aha, ka' aha timbalimo mian anu palesayamo hi Ia. Tumpu jojoongmo tiba aha, ka' timbalimo Tumpu nu aha.

ANU PINOTO'I HI YOHANES 21:7

To mia-mian anu inguntungmo i uno nu kasabalan montalimaje hahan aijo' hi Beleng-Ku. Aku timbalimo Tumpunyo, ka' ia timbalimo anak-Ku.