ZAKHARIA 8:3 - KITAB NU TUMPU ALLA LELE MA'IMAI'

³ Aku po ule'mo minsusule' i Yerusalem, kota'-Ku anu susi' aijo' ka' jojoongmo ikiijo' mae. Yerusalem saidi mae nu sumbu'je nu mian salaku kota' anu tulu-tulutan, ka' puge'nyo nu Tumpu Anu Daka Na Kuasanyo osanggohije Puge'nyo anu Susi'.

ZAKHARIA 8:3 ပူးပေါင်းရင်းမြစ်များ

MAZMUR 2:6

Ia notatae, “Kiita' mae i Sion puge'Nyo anu susi' aijo' anung-Ku i hangkatkumo na tomundo' anu pinile'an-Kumo.”

MAZMUR 48:1

Mazmur nu aha sa'anakan i Korah.

NOSABATMO 29:45

Aku jojoongmo hi aha bansa Israel ka' timbalimo Tumpu Allah nu aha.

YESAYA 1:21

Imonanyo kota' aijo' tulu-tulutan, uuka aiya sumomo samian na anu lewa' masala'! Imonanyo iwi-iwi' na miannyo anu monjojoongi adin ka' mohongo-hongo, panyo uuka aiya jinojoonganmo nu anu topopatei mian.

YESAYA 1:26

Belemiu po ule'mo Ku bee'i to mia-mian ko pian ka' mule' anu lewa' mompokinde'i susumo nai puan mae. Sahingga Yerusalem osanggohimo kota' anu adin ka' mule' susi'.”

YESAYA 11:9

I Sion, Puge'nyo nu Tumpu anu Susi', madi' ko anu ma'idek kabai ko anu mongidei. Lipu' kahomo monsumbu' apaa na aijo' Tumpu, pokakanamo susumo uee mompobuke'imo ndalangon.

YESAYA 12:6

Pontaligalaimo o, belemiu anu jojoong i Sion, opolame' ahi na manyanyi. Tumpu nu aha Israel anu susi' memang talasanggo hondo, Ia jojoongmo atina' hi belemiu.”

YESAYA 32:16

Isongko-songko na lipu' madi'mo daagi' ko anu tageo' nakinyonyoa nu aha ka' daagi'mo ko ka adilan.

YESAYA 60:14

To ana-anak anu nonsakisa beleyum tokamo tolodadupu monsombah, beleyum, anu toho'mo nongalu beleyum ta'alukmo, beleyum osanggohimo ‘Kota' nu Tumpu’, ‘Sion, Kota' nu Tumpu Israel anu Susi'.’

YESAYA 65:25

Serigala tiba anak nu domba mogalumo na mongotot hempu'; singa mongototmo haat susumo sapi', ka' mule' ulo madi'mo ahi' monsilakai. Isongko-songko na puge'nyo anu susi' anu Aku na tumpunyo madi'mo daagi' ko anu mompolugi kabai mombau palabuatan anu ma'idek.”

YESAYA 66:20

Lengkat mae ilipu' haha aijo' nu boamo mae nu aha na to utu-utus nu belemiu anu bubuu' bansa nu belemiu salaku palasen anu obee' hi beleng-Ku. Nu boamo mae nu aha na mian haha aijo' i puge'nyo anu susi' anu Aku na tumpunyo i kota' Yerusalem monsake'i mae ajahan, keledai tiba unta ka' mule' kareta tiba loda susumo kabiasa'an nu aha Israel momboa palasombahan i Laigan nu Tumpu aijo'mo gandum anu o'isi i gumbang anu belesi'.

YESAYA 8:18

Aiya na aku tiba to ana-anak anu binee'mo nu Tumpu hi belengku. Tumpu Anu Daka' na Kuasanyo mompalentah i Bungkutnyo nu Sion nonsaimo mae kami da timbali tanda hi aha Israel.

YEREMIA 14:9

Kadaka' Belento sumomo mian anu biningungmo; sumomo talenga' anu madi'mo moko ala montulungi? Panyo, memang tantu Belento aiya itotonga' mami, o Tumpu! Kami mian anu palesayamo hi Belento, boli ahi' nu pala'i nu Belento na kami!’ ”

YEREMIA 26:18

“Tempo'nyo i Hizkia tinimbalimo tomundo' nu Yehuda, i Nabi Mikha anu lengkat mae i Moresyet nompoto'imo hi aha mian da'isan potatae sumo uutu, lengkat mae hi Tumpu Anu Mahakuasa, ‘Sion opajekomo susumo ale' Yerusalem timbalimo tambulan nu anu na'idekmo, tiba puge'nyo nu Laigan nu Tumpu timbalimo alas.’

YEREMIA 31:23

Tumpu Anu Mahakuasa, Tumpu Allah Israel notatae, “De maluanyo mian anu palesayamo hi beleng-Ku, Ku pojadimo ma'ima' na kantumuu'an nu aha susumo naipuan mae, sahingga ilipu' Yehuda tiba ikampungnyo anu toto ise-ise' ohongo mule' na mian motatae, ‘O amalakon da Tumpu mombalakati puge'nyo anu susi' i Yerusalem tampat samata-mata ola Ia na monjojoongi.’

YEREMIA 33:16

Aha mian nu Yehuda tiba anu jojoong i Yerusalem oposalamatmo ka' tumuu' madi'mo ko anu mompoposia. Kota' Yerusalem osanggohimo ‘Tumpu na Momposalamat Kita’.

YEHEZKIEL 48:35

Songko-songko na pagan mesen aijo' komantannyo osio' na kilometen. Ka' lengkat itempo' aiya mian nonsanggohimo kota' aijo': “DAAGI' KO TUMPU IKIIJO'!”

DANIEL 9:16

Belento nontulungimo mae kami tempo'nyo naipuan mae, kalana aijo' bolimo daagi' otambuha'i na Yerusalem kota' nu Belento, puge'nyo nu Belento anu susi'. Kalana dosa' mami tiba palabuatan anu ma'idek nu mompolee' mami sahingga iwi-iwi' na mian anu aitu mae mompaha ohani tiba kami montoa Yerusalem madi'mo ko angga'nyo ka' mule' kona hi aha mian anu palesayamo hi Belento.

YOËL 3:17

“O, Israel uuka aiya osumbu'mo nu belemiu, saba' Akumo na Tumpu nu belemiu. Aku jojoong i Sion, i bungkutnyo anu Aku na tumpunyo. Sahingga Yerusalem suele timbalimo kota' anu susi' mian anu isalipu'an mae madi'mo daagi mompinsoopi.

MIKHA 4:1

I sinaa anu aiya mae o ahopi puge'nyo pipinombauan Laigan nu Tumpu tuminjomo hodi-hodi' ka' matangkas hondo lebemo moliu-liu to bungku-bungkutnyo ka' to puge-puge'nyo. Iwi-iwi' na bansa mododuyutanmo mambamo mompanjolongi

ZEFANYA 3:13

Aha mian nu Israel anu daagi tuha'nyo madi'mo daagi mombau anu ma'idek maumo pa' hi he; aha madi' modaagi balekos ka' madi'mo lewa' mongakali. Aha mohumpakmo kantumuu'an anu ma'ima' ka' madi'mo daagi mongoa'i mabuhuk maumo pa' hihe.”

ZAKHARIA 1:16

Uuka aiya Aku minsusule'mo i Yerusalem da mombee'imo ka ampunan hi kota' aijo'. Laigan-Ku po ule'mo obau ka' mule' kota' Yerusalem po ule'mo opokopiani.”

ZAKHARIA 12:6

I sinaa aijo' to utu-utus nu aha Yehuda Ku pojadimo susumo apu i uno nu tambulan nu kau' anu pinosunmo kabai susumo potong anu noakmo pinosuhapmo i timpa'an nu gandum; nu silakaimo nu aha na to bansa-bansa anu aitu mae mompaha ohani aha. Panyo mian anu jojoong i Yerusalem na tataap ahi' jojoong madi' ko anu mompoposia i uno nu kota'.

ZAKHARIA 14:10

Songko-songko na lipu' lengkat mae i Geba sasu utara toka-toka i Rimon sasu salatan timbalimo katano'an. Panyo Yerusalem mompaka patangkasmo lebemo matangkas nu liu-liumo na tano' anu i duhu-duhuknyo; kota aijo' mompaka ewamo lengkat mae i Sabatan Daka' Benyamin toka-toka i Sabatan Daka' anu i Pasu'nyo, tampat nu Sabatan Daka' anu Momona ka' lengkat mae i Laigan tangka-tangkas Hananel toka-toka i pompao'an anggur anu i tomundo'.

ZAKHARIA 8:16

Sumo uuka na palentah-palentah anu tionyo ahi' obau nu belemiu: De motatae tionyo ahi' anu totu'u na otaeakon hi sangko manusia. Mian kopian tionyo ahi' momputusi nu ka'adilan ka' momboa kadamean.

ZAKHARIA 8:19

“Puasa' anu obau nu belemiu toka i bitu'on ko opatnyo, ko olima'nyo, ko popitu'nyo tiba ko sampulu'nyomo timbalimo sinaa anu olame'akon ka' obau bila-bilahi, ka' timbali kasanangan nu mian anu jojoong i Yehuda. Ka'ima'i na kahondoan tiba kadamean!”

YOHANES 1:14

Potatae nu Tumpu tinimbalimo mian, Ia jinojoongmo aiya hi kita, ka' kita nontoamo katalasanggoan-Nyo. Katalasanggoan-Nyo tinalimanyomo salaku anak sa'a-sa'angu'nyo nu Tuuma. Kalana Ia, sahingga kita nontoamo Tumpu ka' kalibosan-Nyo hi kita.

YOHANES 14:23

I Yesus nontaami, “Mian anu mongkalibosi Aku, tionyo mombatuki pangajalan-Ku. Tuumang-Ku mongkalibosije ia. Tuuma ka' Aku tokaje hi ia ka' jojoong hingga-hinggat ka' ia.

2 KORINTUS 6:16

Apaa na tuusanannyo Laigan nu Tumpu tiba laigan nu pilogot? Kita aiya Laigan nu Tumpu, aijo'mo Tumpu anu tumuu'. Posi Tumpu na notatae, “Aku jojoongmo hi aha, ka' tumuu' hingga-hinggat tiba aha. Aku timbalimo Tumpu nu aha, ka' aha timbalimo mian anu palesayamo hi beleng-Ku.

KOLOSE 2:9

Kalana iwi-iwi' na lupa nu Tumpu daagi'mo hi Kristus, aijo'mo lupanyo anu sumo mian.

ANU PINOTO'I HI YOHANES 21:10

Sahingga Roh nu Tumpu nongkuasaimo aku, ka' malaikat aijo' nomboamo aku i bawo nu bungkutnyo anu talalo matangkas hondo. Ia nompotoamo hi belengku Yerusalem, kota anu susi' aijo', kota aijo' nintatau' mae lengkat i suluga', lengkat mae hi Tumpu,

ANU PINOTO'I HI YOHANES 21:27

Panyo mian anu mombau hahan anu pahengas kabai mian anu baleko' – o ala kodo-kodo' mau mule' apaa na anu mahenyu, madi' hondo-hondo minsoop i unonyo. Anu minsoop ola ahi' mian anu sanggonyo kiijo' tuli-tulis i uno nu Kitab nu Mian anu Tumuu', Kitab Anak nu Domba aijo'.

ANU PINOTO'I HI YOHANES 21:3

Lantas aku nohongomo potatae lengkat mae i kasuhangan aijo' notatae mae daka-daka', “Tempo' uuka tampat kajojoongan nu Tumpu tibamo mian! Ia tumuu'mo tiba aha, ka' aha timbalimo mian anu palesayamo hi Ia. Tumpu jojoongmo tiba aha, ka' timbalimo Tumpu nu aha.