ZAKHARIA 8:23 - KITAB NU TUMPU ALLA LELE MA'IMAI'

²³ I sinaa haha aijo' aha sampulu' na mian anu isalipu'an tokamo mae hi samian na Yahudi ka' motatae, ‘Kami mongkahanda'i suele da mohumpak dale' susumo belemiu'.’ ” Tumpu Anu Daka' na Kuasanyo notataemo.

ZAKHARIA 8:23 ပူးပေါင်းရင်းမြစ်များ

KAJADIAN 31:41

Sumo aijo' na bau-baunyo aku tempo'nyo nokalaja hi belento babo', sinampe uwampulu' na taun na kopinnyo. Sampulu' ka' opat na taun na kinopinnyo aku nokalajamo da mongosoai anak nu kita Babo' ua-ua'aha aijo' – ka' daagi' inganom na taun da mohumpak pahasan nu mee' ka' domba aijo'. Ka' tempo'nyo aitu mule' kita Babo' nombabali'imo tambongku sampe pinimpitun.

KAJADIAN 31:7

Mau mule' sumo aijo' aku ingakalannyomo ka' ingabali'nyomo na tambongku sampe pininsampulu'mo. Panyo Tumpu Allah madi' mompojohok ia mombau anu ma'idek hi belengku.

2 TOMU-TOMUNDO' 2:6

Lapas aijo' notataemo na i Elia hi Elisa, “Jojoongmo i aiya. Aku sinaimo nu Tumpu da mambamo i kaunyo Yordan.” Panyo' tinaaman i Elisa, “I uno nu sanggo nu Tumpu anu tuumu' ka' kalana nyawa nu belento Tuumangku, aku madi' mompala'i belento Tuumangku.” Jadi aha lau-lausmo namba i Kaunyo Yordan,

1 TAWARIKH 12:18

Samian na anu aijo' mae hi aha, i Amasai anu lapas aijo' i hangkatmo binau kapala nu sa'angu' na gombuan nu mian anu osa-osanggohi “Tridasawira”, kinuasanmo nu Roh nu Tumpu Allah ka' notatae, “O Daud, anak i Isai! Kami monsangaja'i belento! O' amalakon da belento ka' aha anu montulungi belento momboa mae ka'untungan Tumpu Allah atina' hi beleyum!” Sahingga tinalimamo i Daud na aha ka' i hangkatnyomo na aha binaumo suludadunyo anu matangkas na pangkatnyo.

2 TAWARIKH 15:9

Manjoo' na mian nu aha Efraim, Menase, ka' Simeon, naninggalumo hi Asa, ka' jinojoongmo i da'erah kalaja'anyo kalana tinoamo nu aha na Tumpu montulungi ia. I Asa nompalentahmo mian haha aijo' iwi-iwi' tiba aha mian da'isan nu Yehuda ka' Benyamin,

ESTER 8:17

Ka' mule' i toto sa'angu' na kota' ka' propinsi, anu binasa'akonmo na sulat palentah i tomundo, to mia-mian nu Yahudi ilame'mo, lewa'mo binasanang-sanang ka' nombaumo bau-bauon. Sahingga nanjoo'mo na aha tumpu nu lipu' tinimbalimo bansa Yahudi, kalana aha nabuhukmo hi nu aha na bansa aijo'.

AYUB 19:3

Saja'mo belemiu mompopo'ambang aku, ka' madi' ma'ambang na belemiu monsakisa aku.

ANU MOMPOLELE POTATAE NU TUMPU 11:2

Balanjakon na doi nu beleyum ingangahan nu badagangan; Olio na usaha jonjoo'. Kalana mian palalu saja balajaga-jaga; mau ma'isa pe'e ko balaa' montokai mae.

YESAYA 3:6

Tempo'nyo aijo' mian montiju'mo sala' samian na utusnyo ka' motatae hi ia, “Ola beleyum na ko baju' anu pantas opake; kalana aitu timbalimo bau polaya' mami itempo' anu sinusa'mo sumo aiya.”

YESAYA 4:1

Tempo'nyo aijo' aha popitu' na to bou-boune montoongimo samian na mo'ane ka' notatae, “Pobee' mae na kami da mongakuimo beleyum salaku langkai'mo mami, da kami madi' ma'ambang kalana madi' no'osoa. Anu okaan tiba pakean mami oposi tanggungje mami.”

YESAYA 45:14

Tumpu notataemo hi Israel, “Alamo na hasin nu tano' Mesir tiba kauntungan nu aha Sudan. Aha to mia-mian nu Syeba anu toto hoso-hoson, belemiumo, na tumpunyo; aha lumajang aitu mae ihiku nu belemiu hau-haunyo pinungumo nu lante' besak. Aha tolodadupumo ka' mongakuimo, ‘Tumpu totu-totu'u daagi' ko anu atina' hi belemiu; madi' ko tumpu sanga'at ola ahi' Ia aijo'!

YESAYA 45:24

To mia-mian saidi' mae montaloakonmo, ‘Ka'adilan tiba kahosonan samata-mata lengkat mae hi Tumpu!’ Iwi-iwi' na mian anu nongka'idekimo Aku, tokamo mae hi beleng-Ku ka' ma'ambangmo.

YESAYA 55:5

Belemiu molagaje to bansa-bansa anu salipu'an mae, ka' aha sampaje toka mae hi belemiu, kalana Aku, Tumpu nu belemiu, Tumpu nu Israel anu susi', kalana Aku nompopodaka'mo sanggo nu belemiu.”

YESAYA 60:14

To ana-anak anu nonsakisa beleyum tokamo tolodadupu monsombah, beleyum, anu toho'mo nongalu beleyum ta'alukmo, beleyum osanggohimo ‘Kota' nu Tumpu’, ‘Sion, Kota' nu Tumpu Israel anu Susi'.’

YESAYA 60:3

To bansa-bansa mojonjulumo mae toka i jingka nu belemiu to tomu-tomundo kino kinyonyoamo i sahaya anu binete'mo atina' hi belemiu.

YESAYA 66:18

Ku sumbu' na pikilan tiba palabuatan nu aha. Aku toka mae momposihuk to mia-mian anu lengkat mae isongko-songko na bansa. De aha sihukmo aha montoamo kuasang-Ku.

ZEFANYA 3:19

Tokaje mae na tempo'nyo belemiu anu saja' monsansala mian Ku hansunimo, ka' mian anu pengko' Ku posalamatmo iwi-iwi' na anu binoamo ka' pinojoongmo i sa'angu' na tampat po ule'mo Ku sule'akon mae. Ambang nu aha Ku bali'imo timbalimo kaholomatan; maumo iya mae kabai maumo pe'e i songko-songko na dunia aha opopodaka'mo ka' mule' opuji'mo.

NOMBILANGMO 14:22

saba' mian haha aiya madi'mo daagi' ko samian pe'e na anu daagi' tumuu' minsoop i lipu' anu jinanji'-Kumo hi mompolee' nu aha. Kalana aha madi' mongka'oho' tulu-tulutan hi beleng-Ku ka' saja' monsoba-soba Aku. Padahan aha nontoamo jingkang-Ku anu jongkilaban ka' anu okabangangi, anu binaung-Kumo i Mesir ka' i padang bola.

LUKAS 8:44

Boune aijo' nongohani Yesus lengkat mae i hiku, lantas nontiik puus nu juba'-Nyo. Sinangkinihap home nu boune aijo' kinowotmo.

SISIKON NU TO RASUL-RASUL 19:12

De lenso kabai hude pombutu' kompong anu toho'mo pinake i Paulus o boa hi to mia-mian masakit, panyakit nu aha ma'alin ka' roh nu setan pe'e mosabat lengkat hi aha.

1 KORINTUS 14:25

Hahan anu sulu-suluk i kinyonyoanyo osisikakonmo, sahingga ia madi'mo kobubuun, lantas monsombahmo Tumpu. Ia mangakumo taalu' totu-totu'u Tumpu daagi' ko anu itina' hi komiu.

YOSUA 8:35

Batu-batu palentah i Musa binasa'akonmo i Yosua hi aha iwi-iwi' mian Israel anu sinihuk ikiijo' tibamo to bou-boune, to ana-anak, ka' to mia-mian anu lengkat mae i salipu'an anu jojoong kiijo' hi aha.