ZAKHARIA 8:19 - KITAB NU TUMPU ALLA LELE MA'IMAI'

¹⁹ “Puasa' anu obau nu belemiu toka i bitu'on ko opatnyo, ko olima'nyo, ko popitu'nyo tiba ko sampulu'nyomo timbalimo sinaa anu olame'akon ka' obau bila-bilahi, ka' timbali kasanangan nu mian anu jojoong i Yehuda. Ka'ima'i na kahondoan tiba kadamean!”

ZAKHARIA 8:19 ပူးပေါင်းရင်းမြစ်များ

2 TOMU-TOMUNDO' 25:1

Lapas aijo' i Zedekia notomuhukmo hi Nebukadnezar tomundo' nu Babel. Kalana aijo' i Nebukadnezar tiba suludadunyo iwi-iwi' tinokamo mae nontumbuhi Yerusalem i tanggan sampulu' bitu'on ko sampulu'nyomo, i taun ko osio'nyomo na i Zedekia nompalentah. Aha nombaumo palung i sambiha'nyo nu kota' ka' nontambunmo tano' bau pontikuan

2 TOMU-TOMUNDO' 25:25

Panyo kinona i bitu'on ko popitu'nyomo taun aijo' i Ismael anak i Netanya lee' mae i Elisama anu daagi' mae lee' nu tomundo', nambamo tiba aha 10 na mian nu Mizpa. Tinumbuhanmo nu aha ka' pinateanmo nu aha na i Gedalya tiba mian nu Yehuda ka' mian nu Babel anu kiijo' hi Gedalya.

ESTER 8:17

Ka' mule' i toto sa'angu' na kota' ka' propinsi, anu binasa'akonmo na sulat palentah i tomundo, to mia-mian nu Yahudi ilame'mo, lewa'mo binasanang-sanang ka' nombaumo bau-bauon. Sahingga nanjoo'mo na aha tumpu nu lipu' tinimbalimo bansa Yahudi, kalana aha nabuhukmo hi nu aha na bansa aijo'.

ESTER 9:22

Kalana i sinaamo aijo' na aha iwi-iwi' nompatundu'mo sampobali' nu aha iwi-iwi', sahingga kasusa'an ka' kasansala'an nu aha tinimbalimo kalame'an ka' kabilahian. Kalana aitu aha tionyo molame'akon sinaa haha aijo' obauakon bau-bauon mongkakaan ka' mompaha bagibagii kaanon ka' mule' mombee'i apa-apaa hi mian kasiasi.

MAZMUR 30:11

Potombihingakon mae o Tumpu ka' kalibosiakon mae na aku. O Tumpu tulungiakon mae na aku!”

MAZMUR 34:15

patikojo'on ipalabuatan anu ma'idek, anu ma'ima' ahi' na saja' obau o'usahakan ahi' totu-totu'u na paladamean.

YESAYA 12:1

Tokaje mae na tempo'nyo belemiu manyanyimo: “O, Tumpu aku montalima kasehmo hi Belento, kalana Belento nohase'mo mae aku. Naipuan mae Belento nontambuha'imo mae aku, panyo uuka aiya Belento madi'mo notambuha'.

YESAYA 35:10

Aha to mia-mian anu pinobebasmo nu Tumpu na minsusule'mo; aha minsoopmo ikota' Yerusalem ka' lewa'mo montaligalai, ohup nu aha balasahayamo kalana ilame'mo sampe toka sidu-sidutu'. Aha saidi' mae bilahimo ka' lame'mo; pikilan susa' ka 'mule' sola' motusa' imadi'anmo.

YESAYA 51:11

Sahingga aha to mia-mian anu pinobebasmo nu Tumpu minsusule'mo mae aha minsoopmo i Yerusalem ka' lewa'mo montaligalai ohup nu aha balasahayamo kalana kalame'an anu madi'mo kokamingkotannyo. Aha bilahimo ka' mule' lame'mo, kaduka'an tiba pengeluhan imadi'anmo.

YEREMIA 36:6

Kalana aijo' de maluanyo tokamo na sinaanyo mian bapuasa'mo, beleyum tionyo ahi' mambamo mokiijo' ka' obasa'akon hoso-hoson iwi-iwi' na anu sinisikkumo hi beleyum da nu hongo nu aha iwi-iwi' apaa na anu pinoto'imo mae nu Tumpu hi belengku. Bau na aijo' itampat anu timbali nu hongo nu mian iwi-iwi' kiijo' i Laigan nu Tumpu tiba mian nu Yehuda anu lengkat mae ikota-kota' nu aha.

YEREMIA 39:2

Itanggan osio' bitu'on kino osio'nyomo, bitu'on kino opatnyomo, taun kinosampulu'nyomo ka' sa'angu' na i Tomundo' Zedekia nompalentah, pagan mesen nu kota' ihobo'akonmo nu sampobali',

YEREMIA 52:4

kalana aijo' i Nebukadnezar tiba iwi-iwi' na suludadunyo tinokamo mae ka' nontumbuhimo Yerusalem itanggan sampulu' bitu'on kinosampulu'nyomo kakona itaunmo kino osio'nyo na i Zedekia nompalentah. Aha nombaumo palung isambiha' nu kota', ka' mule' nombaumo mesen da bau pontumbuhian,

YEHEZKIEL 18:8

Ia madi' toho' momposaboli mian opakeakon bunganyo. Ia madi' mongka'oho' mombau palabuatan anu ma'idek ka' de painggagamo tiba mian sangga'at ia mombee'i kaputusan anu madi' tageo'.

YEHEZKIEL 24:1

I tanggan sampulu', bitu'on kinosampulu'nyomo kakonamo i taun kino osio'nyomo tempo'nyo kami ihakopmo ka' binoamo, Tumpu notataemo mae hi belengku,

ZAKHARIA 7:3

Aha mule' ahi' sinai da mompokilawakon hi to ima-imam ka' hi to nabi-nabi sumo uuka, “Pa daagi' palalu na kami mohangi Laigan nu Tumpu iha-ihansunmo ka' opuasa'akon de kakonamo i bitu'on ko olima'nyomo susumo anu saja'mo obau mami nonotau-taunmo na kopinnyo?”

ZAKHARIA 7:5

Pinoto'i-Nyo, “Poto'i hi mian anu jojoong i lipu' aiya ka' hi to mia-mian, te puasa' tiba mohangi anu nu bau nu aha i bitu'on ko olima'nyo ka' mule' i kopopitu'nyo anu pitumpu pulu'mo na taun na kopinnyo na lewa' binau, misa' bau poholomati Aku.

ZAKHARIA 8:16

Sumo uuka na palentah-palentah anu tionyo ahi' obau nu belemiu: De motatae tionyo ahi' anu totu'u na otaeakon hi sangko manusia. Mian kopian tionyo ahi' momputusi nu ka'adilan ka' momboa kadamean.

ZAKHARIA 8:18

Tumpu Anu Daka' na Kuasanyo nompoto'imo mae potuunon-Nyo sumo uuka hi belengku, da opotokakon hi mian anu palesayamo hi Ia,

ZAKHARIA 8:3

Aku po ule'mo minsusule' i Yerusalem, kota'-Ku anu susi' aijo' ka' jojoongmo ikiijo' mae. Yerusalem saidi mae nu sumbu'je nu mian salaku kota' anu tulu-tulutan, ka' puge'nyo nu Tumpu Anu Daka Na Kuasanyo osanggohije Puge'nyo anu Susi'.

ANU PINOTO'I HI YOHANES 22:15

Panyo to mia-mian anu mombau han anu mahumimi', anu mompake to aji-ajimat, to mia-mian anu mombau to kala-kalakuan masala'; anu mompatei, anu monsombah pilogot, ka' to mia-mian anu baleko', mau anu otaloakon, mau apa-apaa na palabuatan ma'idek, iwi-iwi' na mian aijo' tampatnyo i sambiha' nu kota aijo'.