ZAKHARIA 8:13 - KITAB NU TUMPU ALLA LELE MA'IMAI'

¹³ O, mian anu jojoong i Yehuda ka' i Yerusalem! Naipuan mae de to mia-mian anu i salipu'an mae mompaha toto totobi'akonmo, aha motatae, ‘O'amalakon da balaa' anu nontuda'imo Yehuda tiba Israel suele ahi' montuda'i belemiu!’ Panyo Ku posalamatje na belemiu sahingga to mia-mian anu isalipu'an mae aijo' motataemo hi bubuu' aha, ‘O'amalakon da balakat anu toka hi aha Yehuda tiba hi aha Israel, suele toka ahi' hi butong nu belemiu!’ Kalana aijo' pohoson na kinyonyoa nu belemiu ka' boli ahi' mabuhuk!”

ZAKHARIA 8:13 ပူးပေါင်းရင်းမြစ်များ

KAJADIAN 26:4

Ku bee'ije na beleyum lee' sumo mandala' i langit na konjoo'nyo, ka' songko-songko na da'erah aiya Ku bee'mo hi aha. Iwi-iwi' na bansa i dunia aiya mompoitaje hi beleng-Ku da Ku balakati na aha susumo Aku mombalakatimo lee' nu beleyum.

MAZMUR 44:16

Sansina-sinaa na aku o'alu, montanggung ambang ka' madi'mo opalesaya,

MAZMUR 72:17

O'amalakon da sanggo i tomundo saja' o inau' sampe toka sidu-sidutu', ka' mompaka togilele na sanggonyo kopinnyo daagi' ko batu nu sinaa. O'amalakon da tobansa-bansa mongkakase hi Tumpu da obalakati susumo ia, ka' iwi-iwi' na mian montaloakonmo ia, tukoonyo nu aha ia nohumpakmo ka'ima'an.

MAZMUR 79:4

Kami tinimbalimo han anu lewa' o aluu ka' okokojoi nu to bansa-bansa anu mompaha ohani, aha lewa' mongkokojoi ka' mongalu kami.

YESAYA 43:28

Aha to ima-imam nu beleyum nohumimi'imo Laigan-Ku. Sahingga Israel Ku bee'mo da lewa' o, alu, lee' i Yakub Ku pojohokmo da opateimo.”

YEREMIA 24:9

Ku silakaimo totu-totu'u na aha sahingga iwi-iwi' na bansa isongko-songko na dunia mabuhukmo. Maumo iya mae na pombee'an-Ku, aha tataap sola' oletakon ka' opojadimo anu sola' okokojoi ka' o'alu. Sanggo nu aha opakemo salaku bau pongkutuki mian.

YEREMIA 25:18

Yerusalem tiba iwi-iwi' na kota' nu Yehuda tiba to tomu-tomundo' ka' mian anu ko pangkatnyo pino inumankumo anggur aijo', sahingga aha jinadimo susumo padang tampat anu kinunmo ka' okabuhukmo. Sampe toka sinaa uuka sanggo nu aha opakemo bau pongkutuki.

YEREMIA 26:6

Panyo de belemiu tataap panggaga, laigan anu bau ponsomban aiya Ku pojadimo susumo Silo, sahingga sinin na bansa idunia aiya mompakemo sanggo nu kota' Yerusalem aiya salaku bau pongkutuki.”

YEREMIA 29:18

Aha Ku pototumputimo nu pahampatean, kasusa'an i anu okaan, tiba panyakit anu molele, sahingga songko-songko na bansa idunia aiya anu montoa aha mabuhukmo na montoa kantumuu'an nu aha. Maumo pa' iyaya mae na pongga'a-ga'atakonan-Ku aha mian mabuhukmo, ka' meatmo na montoa apaa na anu jinadimo aijo' hi aha. Aha sola'mo okokojoi ka' mule' sanggo nu aha opakemo salaku bau lewa' pongkutuki.

YEREMIA 33:24

“Pinalahatikanmo nu beleyum apaa na anu pinoto'imo nu mian mongkona aijo' Israel tiba Yehuda? Aha nontaloakonmo tukoonyo nu aha Aku nongalinmo ohu-ohua' na bansa aijo' anu pinile'an-Kumo. Mokonyo aijo' nu toa nu aha na mian anu palesayamo hi Belengku aijo' madi'mo kinokaliangan-Nyo, ka' madi'mo daagi' monganggap aha salaku sa'angu' na bansa.

YEREMIA 42:18

Susumo Aku, Tumpu Allah Israel nompobuntumo tambuha'-Ku ka' pusang-Ku hi aha mian anu jojoong i Yerusalem sumo aijo'mo na Aku mompobuntu tambuha'-Ku kona hi belemiu anu mambamo i Mesir. Mian saidi' mae mabuhukmo na montoa belemiu; belemiu sola'mo o'alu, ka' sanggo nu belemiu lewa'mo opake' salaku bau pontotobi'akon. Belemiu madi'mo daagi' po ule' montoa lipu' nu belemiu aiya.”

YEREMIA 44:12

Ka' de maluanyo aha mian nu Yehuda anu daagi' tinontuha' suele ko kahanda' mamba i Mesir, da jojoongmo kiijo' mae, saba' aha suele silakamo ahi' iwi-iwi'. Aha iwi-iwi' anu tu'amo kabai anu daagi' anak silakamo i Mesir i uno nu pahampatean, kabai kalana kasusa'anmo i anu okaan. Mian timbalimo mabuhuk na montoa kantumuu'an nu aha ka' lewa'mo mongalu aha. Sanggo nu aha lewa'mo opake salaku bau pongkutuki.

YEREMIA 44:22

Madi'mo nu poko intim nu Tumpu na montoa belemiu monsombahkon koloban hi to pilo-pilogot sangga'at. Palabuatan nu belemiu atina' ma'idek ka' moko ambang. Belemiu binaladosa'mo hi Tumpu ka' madi'mo tinulu-tulutan hi palentah-Nyo. Mokonyo aijo' uuka aiya lipu' nu belemiu ihansunmo sahingga madi'mo jadi ojojoongi, ka' sanggonyo opakemo lewa bau pongkutuki. Mian anu montoa mabuhukmo'.”

MOHAANGI 4:15

Mian notatae, “Lako'mo lengkat i aiya! Belemiu aiya nahumimi'mo, boli mae montiik kami!” Sahingga nambamo na aha ka' naha lajanganmo lengkat i bansa sa'angu' mokiijo' i bansa sangga'at, panyo maumo pa' ihe madi' mompobee' jojoong tataap.

YEHEZKIEL 34:26

Ku balakatimo na aha ka' mompobee'mo aha jojoong i bungkutnyo anu susi' anu Aku na tumpunyo. Aha Ku bee'imo ujan de nu palalui nu aha.

YEHEZKIEL 37:11

Tumpu Allah notataemo mae hi belengku, “O manusia anu madi' tumuu' batu, buku haha aiya molambangakon bansang Israel. Aha nososonmo koonyo nu aha, aha nanggasmo madi'mo daagi' ko anu otaha'imani isinaa aiya mae i ahop.

YEHEZKIEL 5:15

De Aku motambuha'mo ka' pusamo hi beleyum ka' mule' mohukumo beleyum, iwi-iwi na bansa anu mompaha ohani beleyum mabuhukmo. Aha saidi' mae mongkokojoimo beleyum ka' bubunmo na montoa beleyum.

DANIEL 9:11

Songko-songko na Israel nolanggaimo iwi-iwi' na atulan nu Belento ka' madi' mongka'oho' mompotombihing potatae nu Belento. Kami binaladosa'mo hi Belento kalana aijo' binee'anmo mae nu belento kutuk na kami susumo anu tinulismo i Kitab i Musa posaihon nu Belento.

MIKHA 5:7

Aha mian nu Israel anu daagi' jinojoong hi aha to bansa-bansa sumomo singa itotonga' nu to bina-binatang anu i uno nu alas kabai itotonga' nu tompukan nu domba anu i daerah nu padang hemput. Singa aijo' minsoopmo mokiijo' itotonga' nu tompukan nu domba haha aijo' ka' mompahampeja'akonmo ka' mule' mombente-bentekmo; madi' ko anu moko ala molapasakon domba haha aijo'.

ZEFANYA 3:16

Tokaje na tempo'nyo to mia-mian motataeje, “O Yerusalem bolimo mabuhuk ka' hente na kinyonyoa.

ZEFANYA 3:20

Tokaje mae na tempo'nyo anu jojoong i kota' atina' nono ga'a-ga'atmo po ule'mo Ku boa mae minsusule'. Belemiu Ku potalasanggomo i songko-songko na dunia aiya, Kabilahian nu belemiu i uno nu kantumuu'an po ule'mo Ku bee'.” Tumpu notataemo. 1

HAGAI 2:19

Maumo ahi' madi'mo ko gandum anu tinontuha' tiba kau' anggur, kau' ara, kau dalima, tiba kau' zaitun anu ma'isa nimbua' panyo mulai sinaa uuka Aku mombalakatimo belemiu!”

HAGAI 2:5

Salatanmo belemiu nosabatmo mae lengkat i Mesir Aku binalajanji'mo saja' monjagai belemiu. Jadi boli belemiu bata-bata.

ZAKHARIA 1:19

Pinokilawangkumo hi malaekat, anu notatae mae hi belengku, “Apaa na alati'nyo nu tanduk-tanduk haha aijo'?” Ia nontaami mae, “Tanduk-tanduk haha aijo' salaku tanda to kala-kalaja'an anu toto hoso-hoson momposungkehetmo mian anu jojoong i Yehuda, Israel, tiba Yerusalem.”

ZAKHARIA 14:11

To mia-mian jojoongmo i kota' aijo' ka' madi'mo ko anu mompoposia, madi'mo ko anu toka mae kahanda' mompatei.

ZAKHARIA 8:15

Panyo uuka aiya Aku kahanda'mo mombalakati mian anu jojoong i Yerusalem ka' mian anu jojoong i Yehuda. Jadi bolimo mabuhuk.

ZAKHARIA 8:9

Tumpu notataemo hi mian anu palesayamo hi Ia, “Pohoson na kinyonyoa nu belemiu! Uuka aiya belemiu mohongomo potatae anu toho'mo tinaloakon nu to nabi-nabi tempo'nyo pundasi binaumo da bau pompotinjoan Laigan-Ku.

ZAKHARIA 9:13

Yehuda Ku pakemo susumo pana' nu suludadu anu baani ka' mule' Israel susumo hihis nu pana' anu sasadiamo opeletakon. Mian anu jojoong i Sion Ku pakemo susumo bajak tiba bajak aijo' aha to mia-mian nu Yunani Ku tumbuhimo.”

1 KORINTUS 16:13

O jaga mae ahi' na komiu ka' opohoson na kapalesaya'an i uno nu kantumuu'an salaku mian Kristen. Obau babaani ka' boli mabuhuk na palesaya.

GALATIA 3:14

I Kristus nombau sumo aijo' da balakat anu jinanji'mo nu Tumpu hi Abraham obee' suele hi to mia-mian anu misa' Yahudi. Tiba jalan anu sumo aijo' kita suele palesayamo hi Tumpu Allah, timbali mohumpak Roh anu jinanji'mo nu Tumpu.

PO'ULE' INGULIT 26:19

Tumpu nompotimbalimo belemiu lebe daka' molingkudui iwi-iwi' bansa sangga'at anu pinotimbali-Nyomo, ka' belemiu opuji'mo ka' o adatimo. Belemiu tinimbalimo mian anu pinalesayamo hi Tumpu Allah nu belemiu susumo anu jinanji'Nyomo.”

PO'ULE' INGULIT 28:37

Iyaya mae na lipu' pinongga'a-ga'atakonan nu Tumpu belemiu, to mia-miannyo mabuhukmo na montoa belemiu; belemiu lewa'mo o'aluu ka' nukokojoi nu aha.