ZAKHARIA 8:12 - KITAB NU TUMPU ALLA LELE MA'IMAI'

¹² Aha monsa'u bine' madi'mo ko anu mompoposia. Sagala anggur nu aha mimbua'mo ka' mule' tano' ko hasinnyomo ka' mule' ujan tudunmo mae manjo-manjoo'. Iwi-iwi' na balakat haha aijo' Ku bee'mo hi to mia-mian anu daagi' tutuu' i bansa aiya.

ZAKHARIA 8:12 ပူးပေါင်းရင်းမြစ်များ

KAJADIAN 26:12

I Ishak nonsaumo bine' nombaumo ale' i lipu' aijo', ka' i taun aijo' nohumpak hasinnyo i lipat pininsa'atu na nolingkudui anu sinaunyo, kalana binalakatanmo nu Tumpu na ia.

KAJADIAN 27:28

O'amalakon da Tumpu Allah mombee'i ujan lengkat mae i langit, da mompotimbali iwi-iwi' na ale' nu beleyum molumba'! O'amalakon da Ia mombee'i beleyum gandum ka' anggur molabi-labi!

1 TOMU-TOMUNDO' 17:1

Daagi' ko samian na nabi, sanggonyo i Elia. Ia mian lengkat mae i Tisbe, sa'angu' na kota' i da'erah Gilead. Daagi' kino sansinaan ia tinokamo hi Tomundo' Ahab ka' notatae, “Jumo nu sanggo nu Tumpu anu tumuu' Tumpu Allah anu osombah nu mian Israel ka' anu kuku hongo na palentahnyo, ku poto'i hi belento Tuan, ohua' kabai totolu' na taun anu aiya mae i ahop madi'mo daagi' ko dondu'ok kabai ujan mau ola sangkiding, de ku poto'imo, yo atina' daagi'mo.”

MAZMUR 72:3

De timbali da lipu' mami mohumpakmo ka'ima'an ka' kantumuu'an anu sanang, ka' daagi' ko ka'adilan hi songko-songko na bansa.

MAZMUR 85:12

Tulu-tulutan nu manusia molengkatmo mae i dunia aiya, ka' ka'adilan nu Tumpu montoamo mae lengkat i langit.

AMSAL 19:12

Tambuha' nu tomundo sumomo polohu' nu singa; kanonongan nu tomundo sumomo dondu'ok mohumpisi sinin na anu tumuu'.

YESAYA 30:23

De belemiu motuganmo bine', Tumpu montudunakonmo mae ujan da bine' aijo' tumuu' da kohasinnyo ahi' anu opadak ka' molabi-labi. Ka' mule' potuu'on nu belemiu sadiamo na hemput padang anu ewa na tampatnyo.

YESAYA 61:7

Kalana belemiu nohumpakmo ambang pininduan lipat ka' kino kalakuanmo anu ma'idek ka' suele pinopo'ambangmo, binaumo bagian nu belemiu sahingga belemiu nohumpakmo bagian pinduan lipat i lipu' nu belemiu ka' mohumpakmo kasanangan sape toka sidu-sidutu'.

YEREMIA 31:12

Mamba i Puge'nyo nu Sion aha tokamo mae lame'na ohup nu aha otoa ka' manyanyi lame' hondo. Kalana iwi-iwi' apaa na anu binee'-Kumo hi aha, aijo'mo, gandum, lanya', anggur, sapi' tiba domba. Aha sumomo ahi' sa'angu' na taman anu sukup na ueenyo, ka' madi' ko anu kulang apa-apaa.

YEHEZKIEL 34:28

Aha madi'mo daagi otololangi nu to bansa-bansa anu madi' monsumbu' Aku, kabai nu sa'u nu to bina-binatang anu mahangas. Aha tumuu'mo ma'ima' ka' madi'mo daagi ko samian anu lewa' mompahatakut aha.

YEHEZKIEL 36:12

Mian nu Israel anu palesayamo hi belengku po ule'mo Ku sule'akon da jojoongmo ilipu'nyo. Tano' aijo' timbalimo anu nu aha ka' saja'mo ko hasinnyo sahingga to ana-anak nu aha madi'mo daagi' silaka nu ohop.’

YEHEZKIEL 36:30

Kutuangimo na kalumba'an nu kau' anu bua'nyo nu kaan nu belemiu ka' hasin nu ale' nu belemiu iwi-iwi' sahingga belemiu madi'mo mongoa'i kasusa'an i anu okaan anu mombusikimo sanggo nu belemiu hi aha bansa-bansa.

YEHEZKIEL 36:9

Aku na montinjohi belemiu Israel, ka' Ku tantukanmo saba' tano' nu belemiu po ule'mo opason ka' osauimo bine'.

HOSEA 13:3

Kalana aijo' mian haha aijo' ihopu'anmo susumo sehu' kabai susumo dondu'ok daagi subu-subu. Aha saidi' mae sumomo abu' nu tangke nu gandum anu nu puuhimo nu mombun aijo' itampat pongututan gandum ka' mule' sumomo tibuk anu mosabat mae ipipa nu tibuk.

HOSEA 14:5

Tumpu notatae, Mian-Ku anu palesayamo nonoteba'mo na kalakuannyo po ule'mo Ku ala, ka' kinyonyoang-Ku totu-totu'u mongkalibosimo aha madi'mo daagi Ku tambuha'i.

YOËL 2:19

Ia nontaami aha sumo uuka, “Uuka aiya belemiu iwi-iwi' Ku bee'imo gandum, anggur tiba lanya' nu zaitun da okaan da belemiu iwi-iwi' mobosu. Aku madi' mompojohok belemiu opopo ambang kabai nukokojoi nu to bansa-bansa.

YOËL 2:22

O to bina-binatang boli gago' na kinyonyoa. To pada-padang hemput uuka aiya nolumba'mo. Talalomo hondo nahampe na bua'nyo nu to kau-kau' bua'nyo nu anggur tiba ara nolabi-labimo.

IMAMAT 26:3

De belemiu tumuu' ka' montuluti atulan-Ku haha aiya ka' mule' montuluti palentang-Ku haha aiya.

ZEFANYA 3:13

Aha mian nu Israel anu daagi tuha'nyo madi'mo daagi mombau anu ma'idek maumo pa' hi he; aha madi' modaagi balekos ka' madi'mo lewa' mongakali. Aha mohumpakmo kantumuu'an anu ma'ima' ka' madi'mo daagi mongoa'i mabuhuk maumo pa' hihe.”

HAGAI 1:10

Mokonyo aijo' madi'mo ko ujan tudun mae ka' madi'mo ko anu tumuu' na anu osu'an.

HAGAI 2:18

Sinaa aiya tanggan uampulu' ka' opat bitu'on ko osio'nyomo pundasi nu Laigan-Ku noko baumo! Palahatikan apaa na anu jinadimo mulai sinaa uuka.

HAGAI 2:19

Maumo ahi' madi'mo ko gandum anu tinontuha' tiba kau' anggur, kau' ara, kau dalima, tiba kau' zaitun anu ma'isa nimbua' panyo mulai sinaa uuka Aku mombalakatimo belemiu!”

ZAKHARIA 8:6

Han aijo' ugaat madi' minsoop i'akan hi aha to mia-mian anu daagi tumuu' tempo uuka hi bansa aiya, panyo hi beleng-Ku na minsoop ahi' i'akan.

MALEAKHI 3:11

Aku madi'mo ola mompopilaya koe' lewa' montimili bua' nu ale' nu belemiu, iwi-iwi' na anggur nu belemiu mahampemo na mimbua'.

MATIUS 6:33

Jadi, o usahakon pe'e da Tumpu mompalentah i kantumuu'anum, ka' o bau na kahanda'-Nyo. Sahingga iwi-iwi' anu sangga'at nubee'je nu Tumpu suele hi beleyum.

1 KORINTUS 3:21

Kalana aijo', boli ko samian pe'e lewa' mompuji-puji' mian, kalana iwi-iwi' binee'mo, beleyumo na tumpunyo:

PO'ULE' INGULIT 32:2

O amalakon da pangajalan-Ku tudun mae susumo ujan, ka' potataengku jumuju mae susumo dondu'ok ka' mule' susumo dohidi' tudun i to hempu-hemput, ka' ujan daka' tudun i sosu'anon.

PO'ULE' INGULIT 33:13

Mongkona lee' i Yusuf, ia notatae: “O'amalakon da tano' nu aha nubalakati nu Tumpu obee'i ujan, ka' tiba uee i uno nu tano'.

PO'ULE' INGULIT 33:28

Aha lee' mae i Yakub tumuu' madi' ko anu mompoposia i lipu' anu manjoo' hondo na gandum ka' anggurnyo, ka' nuhumpisi nu dondu'ok lengkat mae i langit.

YAKOBUS 3:18

Memang ka'ima'an atina' bua' nu bine' nu dame anu sinau nu mian anu mongka'ima'i dame!