ZAKHARIA 7:9 - KITAB NU TUMPU ALLA LELE MA'IMAI'

⁹ “Pa' sangkuka na taun anu ihikuhakonmo binee'-Kumo na palentah haha aiya hi mian anu palesayamo hi belengku, ‘Belemiu tionyo ahi' saja' adin, ka' mongkalibosi mian, ka' mule' manonong hi sangko manusia.

ZAKHARIA 7:9 ပူးပေါင်းရင်းမြစ်များ

2 SAMUEL 9:7

Notataemo na i Daud, “Boli mabuhuk. Ku kanonongimo na beleyum kalana monginau' i Yonatan tuuma nu beleyum. Iwi-iwi' na tano' anu nu kai' nu beleyum ku sule'akonmo hi beleyum ka' mule' sampe toka sidu-sidutu' beleyum mongkaanmo aiya ilaigan nu tomundo'.”

AYUB 31:20

ku pomamut na ia nu hude laken, posi bulu nu dombangku na tinonun binau laken, sahingga ia nompuji'mo aku, lengkat i uno nu kinyonyoanyo totu-totu'u.

AYUB 6:14

I uno nu mongoa'i sansala susumo aiya ku taha'imani da toka mae na sangalu anu mongkanonongi. Pa' aku daagi' sabole-bole tulu-tulutan kabai madi'mo mohongo-hongo Anu Daka' na kuasanyo.

AMSAL 21:3

Palabuatan anu adin ka' totu'u lebe momposanang Tumpu molingkudui iwi-iwi' na anu opalasombahkon.

YEREMIA 22:3

“Tionyo ahi' adin ka' hodi' na kinyonyoa. Pobebasmo na mian anu me saja' o ala na tenaganyo nu aha anu balakuasa anu saja' mongala tenaga nu mian. Boli mombee'i kasansala'an kabai mombau anu ma'idek hi aha mian anu isalipu'an mae, hi aha anak anu madi'mo ko tinanyo ka' tuumanyo, kabai hi aha anu binalumo. Boli mompatei mian anu madi' ko sala'nyo itampat aiya.

YEREMIA 7:23

Aku ola nompalentahkon hi aha da montuluti Aku da Aku timbalimo Tumpu Allah nu aha, ka' mule' aha timbalimo mian anu palesayamo hi beleng-Ku. Aku nompalentahmo aha da tumuu' montuluti sinin na palentang-Ku da kantumuu'an nu aha timbali ma'ima'.

YEREMIA 7:5

Bali'imo na jalan nu kantumuu'an nu belemiu tiba kalakuan nu belemiu. Obau ahi' na ka adilan hi samian ka' toka mule' hi samian.

YEHEZKIEL 18:8

Ia madi' toho' momposaboli mian opakeakon bunganyo. Ia madi' mongka'oho' mombau palabuatan anu ma'idek ka' de painggagamo tiba mian sangga'at ia mombee'i kaputusan anu madi' tageo'.

YEHEZKIEL 45:9

Tumpu Anu Matangkas na Kuasanyo notatae, “Sukupmo na dosa' nu beleyum haha atina', o to mia-mian anu balakuasa i Israel! Bolimo daagi' belemiu talalo mongkabisa'i mian da'isan haha aijo'. Soba bau apaa na anu ma'ima' ka' mule' anu adin. Bolimo daagi' hondo-hondo molaa' aha anu palesayamo hi belengku mompala'i tano' nu aha. Aku, Tumpu Anu Matangkas na Kuasanyo nompalentahkonmo aijo' hi beleyum.

HOSEA 12:7

Kalana aijo' belemiu lee'i Yakub palesaya ahi' na Tumpu nu belemiu ka' po ule' mamba mae hi Ia. Tumuu'saja' mongkalibosi ka' madi' tageo' na kinyonyoa, ka' saba-sabaan ahi'na montanda'i da Tumpu je ahi' na montantukan apa-apaa.

IMAMAT 19:15

Belemiu tionyo ahi' boli tageo' de momputusi palakala, boli monsangaja'i mian anu kasiasi ka' boli mabuhuk hi mian anu kaya.

AMOS 5:24

Lebe ma'ima' bala usaha da ka'adinan mo ili susumo uee ka' kahondoan susumo kaunyo anu madi' toho' mo'oti.

MIKHA 6:8

Madi'! Tumpu nompoto'imo hi kita han anu ma'ima'. Anu nu tuntut hi kita aijo'mo: da kita mingkalakuan ahi' adin, ka' saja' ahi' balaniat mompahakali-kalibosi ka' mule' madi' ahi' ko bubun ka' tumuu' ahi' mosa'angu' tiba Tumpunto.

ZAKHARIA 7:7

Aiyamo na anu titinaloakonmo nu Tumpu pipinoto'imo nu to nabi-nabi tempo'nyo naipuan mae Yerusalem daagi' jinojoongan nu mian ka' mian anu jojoong ikiijo' daagi' nonta'up kasanangan. Tempo'nyo aijo' mian madi' ola jojoong i kampung anu toto ise-ise' anu mompaha ohani kota' panyo ahi' suele i bahagian salatan tiba i tengke nu to puge-puge'nyo i sasu kinsoban.

ZAKHARIA 7:8

Tumpu Anu Daka' na Kuasanyo nompotuunmo mae sumo uuka hi belengku,

MATIUS 23:23

Silaka na komiu to gulu-gulu' agama ka' to mia-mian nu Farisi! Komiu ola ahi' mombau pula-pula! To lampa-lampa sumo solasi, adas manis, ka' suele jintan, komiu mombee'i, de sampulu' na bahagian sambahagian hi Tumpu. Padahan hahan anu palalu hondo i uno nu to atu-atulan nu agama, sumo umpamanyo: Ka'adilan, mompahakali-kalibosi, ka' mohongo-hongo, madi' o palahatikan miu. Padahan aijo'mo na tionyo o bau miu, tiba madi' timbali mompojohok anu toto sangga'at.

LUKAS 11:42

Silakamo na komiu to mia-mian nu Farisi! Hasin sosu'anonum sumo solasi, ka' inggu, ka' lampa-lampa sangga'at, sampulu' na bahagian obee' miu sambahagian hi Tumpu, panyo ka'adilan ka' liibos hi Tumpu madi' okalinga komiu. Padahan aijo'mo na anu tionyo obau miu, ka' boli momadi'akon anu sasangga'atannyo.

YOHANES 7:24

Boli mompisala'i mian ola kalana mompintongi anu otoa, panyo kalana mompintongi ka'adilan.”

YOHANES 7:51

“Koonyo nu Atulan, batu-batu mian madi' timbali o hukum de ma'isa pe'e palakalanyo ohongo, ka' anu binaunyomo o palesa.”

PO'ULE' INGULIT 22:1

De sapi' kabai domba anu nu mian sangko bansa nu belemiu anu tinalasmo ka' tinoa nu belemiu na binatang aijo' boli mojalo konutuko madi' ku sumbu', panyo boa na binatang aijo' sule'akon hi tumpunyo.