ZAKHARIA 7:7 - KITAB NU TUMPU ALLA LELE MA'IMAI'

⁷ Aiyamo na anu titinaloakonmo nu Tumpu pipinoto'imo nu to nabi-nabi tempo'nyo naipuan mae Yerusalem daagi' jinojoongan nu mian ka' mian anu jojoong ikiijo' daagi' nonta'up kasanangan. Tempo'nyo aijo' mian madi' ola jojoong i kampung anu toto ise-ise' anu mompaha ohani kota' panyo ahi' suele i bahagian salatan tiba i tengke nu to puge-puge'nyo i sasu kinsoban.

ZAKHARIA 7:7 ပူးပေါင်းရင်းမြစ်များ

YESAYA 55:3

Potombihing mae obansang-Ku, tokamo mae hi beleng-Ku, belemiu Ku bee'ije kantumuu'an anu totu'unyo. Kalana kalibosan ka' kanonongan anu jinanji'-Kumo hi Daud, Aku nontoongimo palajanjian anu madi' ko kamingkotanyo tiba belemiu.

YEREMIA 13:19

Sinin na kota' nu Yehuda anu ibahagian salatan hau-haunyomo tinumbuhan, ka' madi'mo daagi' ko anu noko ala nopalai aha tinumbuhan aijo'. Iwi-iwi' na aha mian nu Yehuda binoamo itampat pinompojoongan.”

YEREMIA 17:26

To mia-mian tokamo mae lengkat ikota-kota' Yehuda, ka' mule' lengkat mae ikampung toto ise-ise' i Yerusalem; aha tokamo mae lengkat ida'erah Benyamin, lengkat mae ida'erah tengke nu puge'nyo, lengkat mae ida'erah nu bungkutnyo, ka' mule' lengkat mae i Yehuda bahagian salatan. Aha momboamo mae i Laigan-Ku binatang-binatang anu okolobanakon, mau anu opotuno mau anu madi' opo tunu, ka' mule' gandum anu osombahkon tiba kamangian ka' palasombahan anu bau pontalima kaseh.

YEREMIA 22:21

Pinoto'ing-Kumo hi belemiu salatanmo pe'e ka ada'an nu belemiu daagi' na'ima' panyo belemiu madi' mohongo-hongo. Memang sumo aijo'mo na kalakuan nu belemiu naipuan pe'e mae sangkutnyo tempo' uuka aiya; madi' toho' belemiu mongka'oho' tulu-tulutan mae hi beleng-Ku.

YEREMIA 32:44

sulat anu salaku tanda ingolimo otandatanganimo ka' osegenmo ka' opohosonmo nu to sakisi-sakisi. Aijo' jadimo saidi' mae i daerah nu aha Benyamin, ikampung-kampung toto ise-ise' anu ohani tiba Yerusalem, i kota-kota' Yehuda, i kota-kota' daerah anu aita' mae ibungkutnyo, i daerah tengke nu bungkutnyo, tiba i Yehuda anu isasu salatan. Bansa aiya po ule'mo Ku pojadi susumo momonanyo mae na ka ada'annyo ma'ima' ahi' ilipu' aiya. Aku, Tumpu notataemo.”

YEREMIA 33:13

Aita' mae ikota-kota' anu idaerah anu ibungkutnyo, ka' anu itengke nu bungkutnyo, ka' mule' i daerah Yehuda sasu salatan, ka' mule' daerah nu aha Benyamin tiba kampung anu toto ise-ise' anu madi' majo'on i Yerusalem, ka' mule' ikota-kota' Yehuda, to pola-polaya' domba po ule' mule' molekeng domba nu aha. Aku, Tumpu notataemo.”

YEREMIA 44:4

Aku saja'mo nompokau namba hi belemiu to posa-posaihon-Ku aijo'mo to nabi-nabi, anu nontewa' aha da bolimo mombau palabuatan anu ma'idek anu Ku ka'ideki aijo'.

YEREMIA 7:23

Aku ola nompalentahkon hi aha da montuluti Aku da Aku timbalimo Tumpu Allah nu aha, ka' mule' aha timbalimo mian anu palesayamo hi beleng-Ku. Aku nompalentahmo aha da tumuu' montuluti sinin na palentang-Ku da kantumuu'an nu aha timbali ma'ima'.

YEREMIA 7:5

Bali'imo na jalan nu kantumuu'an nu belemiu tiba kalakuan nu belemiu. Obau ahi' na ka adilan hi samian ka' toka mule' hi samian.

ZAKHARIA 7:12

Kinyonyoa nu aha pinokuutmo hondo nu aha susumo ko kuutnyo nu batu. Aku talalomo ahi' pinusa kalana aha madi'mo nontuluti to panga-pangajalan anu binee'-Kumo hi aha pipinoto'imo nu to nabi-nabi naipuan mae.

ZAKHARIA 7:6

Ka' mule' de aha mongkaanmo ka' monginumo, aha ola molio da mompo'osa butong nu aha.”

ZAKHARIA 7:8

Tumpu Anu Daka' na Kuasanyo nompotuunmo mae sumo uuka hi belengku,

PO'ULE' INGULIT 34:3

sasu Selatan Yehuda ka' hatanyo lengkat mae i Zoar toka-toka i Yerikho, kota anu manjoo' hondo na kurma.