ZAKHARIA 7:6 - KITAB NU TUMPU ALLA LELE MA'IMAI'

⁶ Ka' mule' de aha mongkaanmo ka' monginumo, aha ola molio da mompo'osa butong nu aha.”

ZAKHARIA 7:6 ပူးပေါင်းရင်းမြစ်များ

1 TAWARIKH 29:22

Sinaa aitu aha lewa'mo nongkaan ka' binala'inum ka' binalame-lame' i ahop nu Tumpu. Lantas kinopinduannyomo na aha nombebakonmo i Salomo hi mian tukoonyo nu aha i Salomo tinimbalimo tomundo'. I Uno nu sanggo nu Tumpu pinotantumo nu aha na ia salaku tomundo' nu aha ka' i Zadok na i hangkatmo binau imam.

YESAYA 43:23

Beleyum madi'mo mae nomboa domba bau koloban nu beleyum anu opotunu, madi'mo noholomati Aku nu palasombahan nu beleyum. Padahan Aku madi' nombee'i tanggungan hi beleyum anu okolobanakon, kabai nonsusa'imo beleyum ka' nontuntutmo kamangian.

YESAYA 58:3

Pinokilawa nu bansa aijo', “Apaa na gunanyo na kita bapuasa' de Tumpu madi' montoa mae? Apaa na gunanyo kita ta'aluk de Ia madi' mompalahatikan mae?” Tumpu notatae, “Totu-totu'unyo, hau-haunyo belemiu bapuasa', belemiu molio posi ka'untungan ka' mongakali to mia-mian anu mongala tambo hi belemiu.

HOSEA 8:13

Aha mongka'ima'i monsombahkon koloban hi beleng-Ku ka' mongkaan ponoha' anu kinolobanakonmo aijo', panyo Aku Tumpu madi' montalima koloban haha aijo'. Uuka aiya Ku inau'mo na dosa' nu aha ka' mohukumo aha kalana dosa' nu aha haha aijo'; Po ule'mo Ku boa na aha i Mesir!

HOSEA 9:4

Ilipu' haha aijo' belemiu madi'mo moko ala monsombahkon anggur tiba koloban binatang salaku bau pomposanang kinyonyoa nu Tumpu. Anu okaan nu belemiu monsaduakonmo belemiu anu nongkaanmo aijo' mahumimi'mo sususmo anu okaan de mombaumo adatnyo kona hi mian anu sinilakamo ka' olamunmo. Anu okaan aijo' ola ahi' da mobosumo padahan mau ola sangkiding madi' ko anu oboa mamba I Laigan nu Tumpu da osombahkon kiijo' mae.

ZAKHARIA 7:5

Pinoto'i-Nyo, “Poto'i hi mian anu jojoong i lipu' aiya ka' hi to mia-mian, te puasa' tiba mohangi anu nu bau nu aha i bitu'on ko olima'nyo ka' mule' i kopopitu'nyo anu pitumpu pulu'mo na taun na kopinnyo na lewa' binau, misa' bau poholomati Aku.

ZAKHARIA 7:7

Aiyamo na anu titinaloakonmo nu Tumpu pipinoto'imo nu to nabi-nabi tempo'nyo naipuan mae Yerusalem daagi' jinojoongan nu mian ka' mian anu jojoong ikiijo' daagi' nonta'up kasanangan. Tempo'nyo aijo' mian madi' ola jojoong i kampung anu toto ise-ise' anu mompaha ohani kota' panyo ahi' suele i bahagian salatan tiba i tengke nu to puge-puge'nyo i sasu kinsoban.

1 KORINTUS 10:31

Mau mule' apaa na obau nu kita Utus – kita Utus mongkaan kabai kita Utus monginum – baumo na aijo' iwi-iwi', bau pompopodaka' Tumpu.

PO'ULE' INGULIT 12:7

Ikiijo' suele i ahop nu Tumpu Allah nu belemiu, belemiu hingga-hinggat tiba to ana-anak nu belemiu tionyo ahi' mongkaan ka' mongkalame'i usaha miu iwi-iwi' anu kino hasinnyomo kalana binalakatanmo nu Tumpu Allah nu belemiu.

PO'ULE' INGULIT 14:26

Balanjakonmo na doi aijo' yayamo pa' apaa na anu opalalui nu belemiu – sapi' kabai mee', domba, anggur kabai inumon anu bisa molangui – lantas i tampat aijo', i ahop nu Tumpu Allah nu belemiu, belemiu ka' to ana-anak nu belemiu tionyo ahi' mongkaan hingga-hinggat ka' balasana-sanang.

KOLOSE 3:17

Apaa na anu obau miu iwi-iwi' kabai otaloakon, aijo' obau ka' otaloakon, samata-mata kalana sanggo nu Tumpu Yesus. Montalima kase ahi' hi Tumpu Tuumanto, kalana apaa na anu binaumo i Yesus hi komiu.

1 SAMUEL 16:7

Panyo pinoto'i nu Tumpu hi Samuel, “Boli beleyum ola montoa kalana ia olitau ka' butongnyo mule' matangkas, misa' ia na anu Ku kahanda'i. Aku madi' mongangga'i susumo pongangga'i nu manusia. Manusia montoa ola tambongnyo nu butong, panyo aku montoa kinyonyoa.”