ZAKHARIA 7:5 - KITAB NU TUMPU ALLA LELE MA'IMAI'

⁵ Pinoto'i-Nyo, “Poto'i hi mian anu jojoong i lipu' aiya ka' hi to mia-mian, te puasa' tiba mohangi anu nu bau nu aha i bitu'on ko olima'nyo ka' mule' i kopopitu'nyo anu pitumpu pulu'mo na taun na kopinnyo na lewa' binau, misa' bau poholomati Aku.

ZAKHARIA 7:5 ပူးပေါင်းရင်းမြစ်များ

2 TOMU-TOMUNDO' 25:23

Salatan to sulu-suludadu anu toto tangka-tangkas na pangkatnyo ka' to sulu-suludadu biasa nu Yehuda anu madi' tinunduk' hi Babel nohongomo i Gedalya i hangkatmo, aha iwi-iwi' tinokamo hi Gedalya i Mizpa. Suludadu anu toto tangka-tangkas na pangkatnyo aijo'mo i Ismael anak i Netanya, i Yohanan anak i Kareah, i Seraya anak i Tanhumet mian anu lengkat mae i kota' Netofa, ka' i Yazanya mian anu lengkat mae i kota' Maakha.

2 TOMU-TOMUNDO' 25:25

Panyo kinona i bitu'on ko popitu'nyomo taun aijo' i Ismael anak i Netanya lee' mae i Elisama anu daagi' mae lee' nu tomundo', nambamo tiba aha 10 na mian nu Mizpa. Tinumbuhanmo nu aha ka' pinateanmo nu aha na i Gedalya tiba mian nu Yehuda ka' mian nu Babel anu kiijo' hi Gedalya.

YESAYA 43:23

Beleyum madi'mo mae nomboa domba bau koloban nu beleyum anu opotunu, madi'mo noholomati Aku nu palasombahan nu beleyum. Padahan Aku madi' nombee'i tanggungan hi beleyum anu okolobanakon, kabai nonsusa'imo beleyum ka' nontuntutmo kamangian.

YESAYA 58:3

Pinokilawa nu bansa aijo', “Apaa na gunanyo na kita bapuasa' de Tumpu madi' montoa mae? Apaa na gunanyo kita ta'aluk de Ia madi' mompalahatikan mae?” Tumpu notatae, “Totu-totu'unyo, hau-haunyo belemiu bapuasa', belemiu molio posi ka'untungan ka' mongakali to mia-mian anu mongala tambo hi belemiu.

YEREMIA 25:11

Songko-songko na lipu' aiya Ku pojohokmo da hansunmo ka' liingmo. Bansa-bansa anu mompaha ohani saidi' mae tulutmo hi tomundo' Babel pitumpulu' na taun na kopinnyo.

YEREMIA 29:10

Tumpu notatae, ‘De sampa'mo pitumpulu' na taun na kopinnyo na tempo' nu aha Babel mongala kasampatan, Aku po ule'mo mompalahatikan belemiu ka' Ku ganapimo na palajanjian-Ku po ule'mo momboa belemiu mo uuka mae itampat aiya.

YEREMIA 52:12

Itanggan sampulu' bitu'on kino olima'nyomo kakonamo itaun ko sampulu'nyomo ka' osio' na i Nebukadnezar nompalentah tomundo' nu aha Babel, tinokamo i Yerusalem samian sanggonyo i Nebuzaradan. Ia anu lewa' mompokinde'i ka' anu saja' monsangalui i Nebukadnezar.

HOSEA 7:14

Aha madi totu tou na balado'a hi edeng-Ku. Kalu aha balado'a aha matimaleo, i tampat kahoyotan, ka tumando susumo anu binau nu mian anu madi palesaya hi beleng-Ku. Kalu aha balado'a mompoita gandum, ka anggur, aha momboyo boyoto butong susumo anu lewa nu bau nu mian anu lewa monsombah pilogot. Aha memang ahi totu touu molawan Aku!

ZAKHARIA 1:12

Lantas malaekat aijo' notataemo, “O, Tumpu Anu Daka na Kuasanyo, Aku talalo hondo mongkalibosi ka' saja' monginau' kota' Yerusalem kota'-Ku anu susi'.

ZAKHARIA 7:3

Aha mule' ahi' sinai da mompokilawakon hi to ima-imam ka' hi to nabi-nabi sumo uuka, “Pa daagi' palalu na kami mohangi Laigan nu Tumpu iha-ihansunmo ka' opuasa'akon de kakonamo i bitu'on ko olima'nyomo susumo anu saja'mo obau mami nonotau-taunmo na kopinnyo?”

ZAKHARIA 7:4

Sumo uuka na potuunon nu Tumpu anu tinokamo mae hi belengku.

ZAKHARIA 7:6

Ka' mule' de aha mongkaanmo ka' monginumo, aha ola molio da mompo'osa butong nu aha.”

ZAKHARIA 8:19

“Puasa' anu obau nu belemiu toka i bitu'on ko opatnyo, ko olima'nyo, ko popitu'nyo tiba ko sampulu'nyomo timbalimo sinaa anu olame'akon ka' obau bila-bilahi, ka' timbali kasanangan nu mian anu jojoong i Yehuda. Ka'ima'i na kahondoan tiba kadamean!”

MATIUS 23:5

Iwi-iwi' anu nu bau nu aha ola da nu toa nu mian. Aha sangaja' mompake kahohon anu opake balado'a opobolaa ka' opo uli-ulit ka' mompomantan na jambu-jambu nu juba' nu aha!

MATIUS 6:16

“De komiu bapuasa', boli mompotoa ohup susa', sumo mian anu mimpula-pula. Aha mombali'i lupa nu ohupnyo da iwi-iwi' na mian monsumbu' au'aitu aha bapuasa'. O inau' aijo'mo na tamboonyo anu tinalimamo nu aha.

MATIUS 6:2

Jadi, de komiu mombee' sadaka' hi mian kasiasi, boli lewa' o hengge-hengge'akon na han aijo' sumo anu nu bau nu to mia-mian geguan. Nu ka'ima'i nu aha na mombau sumo aijo' i uno nu laigan pogalejaan tiba i jalan daka', da nu puji' nu mian. O inau' aha nontalimamo tamboonyo.

MATIUS 6:5

“De komiu balado'a, boli sumo to mia-mian anu mongka' oho' bapula-pula. Aha mongka'oho' balado'a tinjo-tinjo i laigan pogalejaan ka' i popanga'an nu jalan da nu toa nu mian. O inau', aijo'mo na tamboonyo anu tinalimamo nu aha.

1 KORINTUS 10:31

Mau mule' apaa na obau nu kita Utus – kita Utus mongkaan kabai kita Utus monginum – baumo na aijo' iwi-iwi', bau pompopodaka' Tumpu.

2 KORINTUS 5:15

I Kristus sinilaka bau pontokong mian iwi-iwi', da to mia-mian anu totuu', madi'mo daagi' tumuu' bau posi anu nu butongnyo, panyo baumo bagi i Kristus anu sinilakamo ka' nompo'ule'mo tinumuu' kalana kapentingan nu aha.

KOLOSE 3:23

Maumo pa' apaa na kalaja anu obee' hi komiu, tionyo ahi' okalaja miu nu kinyonyoa totu-totu'u, susumo au'aitu Tumpu na tinulutan, ka' misa' ola mian.