ZAKHARIA 7:11 - KITAB NU TUMPU ALLA LELE MA'IMAI'

¹¹ Panyo mian anu palesayamo hi beleng-Ku, talalo hondo panggaga ka' madi' hondo kahanda' mompotombihing, aha ola ahi' mompiiti bihing nu aha da madi' mohongo-hongo.

ZAKHARIA 7:11 ပူးပေါင်းရင်းမြစ်များ

2 TAWARIKH 33:10

Tumpu nompisala'imo i Manasye tiba miannyo anu nu palentah, panyo aha madi' mohongo-hongo.

NEHEMIA 9:17

Aha madi'mo nohongo-hongo, iwi-iwi' na kanonongan nu Belento madi'mo pinajulian nu aha. Ka' iwi-iwi' na anu binaumo nu Belento oka-okabangangi madi'mo nu inau' nu aha. Kalana aha kinobubuunmo sahingga aha nompile'imo samian anu binau kapala, da momboa aha mamba i Mesir, ka' po ule'mo timbali posaihon. Panyo Belento Tumpu Allah sanang na kinyonyoa mongampuni, talalo hondo sabaan, manonong ka' mule' talalo hondo mongkalibosi. Kalibosan nu belento totu-totu'u madi' hondo ko gampanyo; Belento madi' nompojohok aha.

NEHEMIA 9:26

Panyo mian anu palesayamo hi Belento notomuhukmo ka' madi'mo nontuluti Belento, madi'mo nombau apaa na anu kokoonyo nu atulan ka' mule' apaa na anu ingatunmo nu Belento, nompateimo to nabi-nabi anu nonompokinde'imo aha, ka' anu nompalentahmo aha, po ule' palesaya hi Belento, Tumpu Allah nu aha. O Tumpu de Belento po ule' mule' nu alu nu aha,

NEHEMIA 9:29

Pinokinde'anmo nu Belento na aha da pangajalan nu belento otapali ahi', panyo aha madi'nontalima atulan nu Belento kalana kinyonyoa nu aha takabun. Padahan de atulan nu Belento obau ahi' na bau-baunyo, tantu mohumpak ka'ima'an na kantumuu'an. Aha panggaga hondo ka' mule' ulawon na kinyonyoa nu aha, madi' mongka'oho' mohongo ka' madi' tulu-tulutan.

NOSABATMO 10:3

Lantas i Musa ka' i Harun nambamo nangadap hi tomundo ka' nompoto'i hi ia, “Tumpu, Tumpu Allah nu aha bansa Ibrani notataemo, 'Sampe toka hipian na kopinnyo na belento madi' mongka'oho' tulut hi beleng-Ku? Pobee'mo na mian anu pinalesayamo hi beleng-Ku mamba, da aha timbali monsombah Aku.

YESAYA 28:12

Tumpu monsale'akonmo tampat da bau pilawean nu belemiu iwi-iwi' panyo belemiu madi' ahi' mongka'oho' mompotombihing Ia.

YESAYA 46:12

Potombihing mae o, belemiu mian anu to bubulon belemiu anu monsangka au'aitu kamenangan daagi ahi' pin.

YESAYA 6:10

Lantas notataemo mae na Ia hi belengku, “Popikokakon na pikilan nu mian haha aijo', pobongonakon na bihingnyo ka' mule' popisokakon na matanyo da aha madi'mo montoa-toa, madi'mo mohongo-hongo kabai madi'mo mangalati' lantas po ule'mo toka mae hi beleng-Ku ka' ma'alinmo.”

YESAYA 65:12

Belemiu iwi-iwi' silakamo salakumo koloban kalana panggaga. Kalana, salatan Aku nolagamo, belemiu madi' nontaami, ka' salatan Aku notatae, belemiu madi' mompotombihing. Belemiu lebe mongka'ima'i monggagakon Aku ka' mombau anu ma'idek.

YEREMIA 11:10

Aha nombaumo dosa' bibinaunyo nu mompolee' nu aha kalana madi'mo nontuluti Aku, aha nonsombahmo pilogot sangga'at ka' madi'mo ka'oho' montuluti palentah-ngKu. Mau Israel kabai Yehuda nolanggaimo palajanjian anu binaung-Kumo tiba mompolee' nu aha.

YEREMIA 13:10

Bansa anu ma'idek na palabuatan nu aha aijo' talalo ahi' panggaga ka' madi'mo mae tulu-tulutan hi beleng-Ku. Aha monsombah ka' palesaya hi to pilo-pilogot sangga'at. Mokonyo aijo' aha montihomo lipa' kodo-kodo' aijo' anu madi'mo daagi' ko gunanyo.

YEREMIA 17:23

Panyo mompolee' nu belemiu madi' mongka'oho mohongo-hongo kabai mompalahatikan apaa na anu tinaloakon-Kumo. Aha panggaga hondo ka' madi' mongka'oho' montuluti kabai opokinde'i.

YEREMIA 17:27

Iwi-iwi' aijo' bisa timbali de belemiu montuluti Aku ka' montungka'akonmo samata-mata sinaa nu Sabat baumo bahagian-Ku. Boli mongato balang maumo pa' apaa montulu sabatan daka' haha aijo' i Yerusalem isinaa aijo'. De olanggaimo nu belemiu na palentah-ngKu haha aijo', saba' sabatan toto daka-daka' i Yerusalem tibamo laigan iwi-iwi' nu tomundo' Ku papuimo ingko-ingkot ka' mule' apunyo aijo' madi'mo daagi' opoko ala opatei'.’ ”

YEREMIA 19:15

koongku Tumpu Anu Mahakuasa Tumpu Allah nu Israel nompoto'imo mae sumo uuka, “Kalana belemiu panggaga hondo, ka' madi' mongka'oho' mohongo-hongo, saba' taalu' Ku potokamo mae ikota' aiya ka' hi iwi-iwi' na kampung anu toto ise-ise' anu minsoop daerah aiya, sinin na balaa' anu memang pinoto'ing-Kumo.”

YEREMIA 35:15

Aku saja'mo nompokau namba hi belemiu iwi-iwi' na posaihon-Ku to nabi-nabi ka' aha nompokinde'imo belemiu da opokopiani na kalakuan nu belemiu ka' da madi'mo mombau palabuatan anu ma'idek. Aha nompokinde'imo belemiu da bolimo monsombah to pilo-pilogot sangga'at ka' madi'mo palesaya hi aha da belemiu tataap ahi' jojoong ilipu' aiya anu binee'-Kumo hi belemiu tiba hi mompolee' nu belemiu. Panyo belemiu madi' ahi' nompalahatikan ka' madi' ahi' nohongo-hongo Aku.

YEREMIA 36:31

Beleyum tiba lee' nu beleyum tiba to mia-mian nu beleyum anu ko pangkatnyo Ku hukumo kalana dosa'-dosa' anu binaumo nu belemiu. Ku potokamo mae hi belemiu iwi-iwi' na balaa' anu toho'mo pinoto'ing-Ku hi belemiu, kalana mau beleyum kabai mian anu jojoong i Yerusalem tiba Yehuda madi'mo nompajuli apa-apaa na anu pinoto'ing-Ku.”

YEREMIA 42:21

Uuka aiya pinoto'ingkumo na potuunon nu Tumpu Allah-nto hi belemiu, panyo belemiu madi' ahi' nontuluti potuunon aijo'.

YEREMIA 44:16

“Kami madi'mo mongka'oho' mohongo apaa anu nu poto'i mae nu beleyum hi kami atas sanggo nu Tumpu.

YEREMIA 5:21

“Potombihing mae, o belemiu mian anu ponga' ahi taha-tahahumo! Belemiu ko mata panyo madi' montoa, ko bihing panyo madi' mohongo!

YEREMIA 5:3

Anu sahondo-hondonyo ahi' nu tuntut nu Tumpu aijo'mo tulu-tulutan. Tumpu nondokemo belemiu panyo madi' ahi' opajuli nu belemiu. Ia nohansunimo belemiu panyo belemiu madi' mongka'oho' opokinde'i. Belemiu panggaga hondo ka' madi' mongka'oho' balatobat mompala'i dosa-dosa' nu belemiu.

YEREMIA 7:24

Panyo aha madi' mongka'oho' mohongo ka' mule' madi' mongka'oho' mompalahatikan. Aha ola mule' ahi' montuluti pongka'oho' nu kinyonyoa nu aha anu bangilan hondo ka' ma'idek hondo aijo'. Aha misa' da tinimbalimo na ima' panyo ola mule' ahi'da lebe na idek.

YEREMIA 7:26

Panyo madi' ko anu mohongo kabai ko anu mompalahatikan. Belemiu ola mule' ahi' nompaka panggaga ka' naidek nolingkuduimo mompolee' nu belemiu.”

YEREMIA 8:5

Panyo kadaka' na belemiu mian anu palesayamo hi beleng-Ku na sabau-baunyo ahi' palabuatan anu ma'idek ka' mohikumo mae Aku? Belemiu nontoongimo hondo-hondo ipilogot nu belemiu ka' madi'mo mae minsusule' hi beleng-Ku.

YEHEZKIEL 14:5

Iwi-iwi' na pilogot haha aijo' nompojo'onmo mian anu palesayamo hi beleng-Ku da madi'mo ingohani mae hi beleng-Ku, panyo o'amalakon da kalana pontaami aijo' mian anu palesayamo hi belengku po ule'mo mae toka hi beleng-Ku.’

YEHEZKIEL 3:7

Panyo bansa Israel na madi' ahi' mongka oho' beleyum ka' Aku mule' madi' ahi' nu palahatikan nu aha. Aha iwi-iwi' panggaga hondo ka' madi' tulu-tulutan.

YEHEZKIEL 5:6

Panyo Yerusalem madi'mo nontalima palentah-ngKu ka' lebemo na'idek ilingkuduannyomo na bansa-bansa sangga'at, ka' mule' lebemo madi' tulu-tulutan ilingkuduannyomo na nega-negara anu mompaha ohani. Yerusalem nolanggimo sinin na palentang-Ku ka' mule' madi'mo nontuluti sinin na atulan-Ku.”

DANIEL 9:5

Kami binaladosa'mo ka' mule' nombaumo palabuatan anu ma'idek ka' mule' nombaumo kasala'an. Kami noto muhukmo ka' mule' nolanggaimo palentah nu Belento ka' mule' madi'mo nontuluti iwi-iwi na atulan nu Belento.

HOSEA 4:16

Belemiu o mian nu Israel, talalo hondo panggaga! Mosia na Aku molaya' belemiu susumo domba i hemput padang?”

ZEFANYA 3:2

Silakamo na kota' anu madi' mongka'oho' montalima pokinde' nu Tumpu ka' madi' mule' mompalahatikan apaa na anu Nu tewa' boli obau, ka' anu madi' mongasanakon nasipnyo hi Tumpu ka' madi' momoita tulung hi Ia!

ZAKHARIA 1:4

Boli montiho susumo mompolee' nu belemiu. Daagi' pe'e naipuan mae to nabi-nabi nompotokamo potuunon-Ku hi aha da aha bolimo mombau palabuatan anu ma'idek, ka' mombau dosa'. Panyo aha madi' nompajuli ka' madi' nongka oho' tinulu-tulutan hi beleng-Ku.

MATIUS 13:15

Kalana pikilan nu to mia-mian aiya tinatumpumo, bihing nu aha nabongonmo ka' mata nu aha pinipidi'akonmo. Aiya jinadi da mata nu aha boli montoa, bihing nu aha boli mohongo, pikilan nu aha boli mangalati' ka' boli po'ule' minsusule' mae hi beleng-Ku, lantas Aku mompa'alin aha.’ ”

SISIKON NU TO RASUL-RASUL 7:51

Palias hondo na ko panggaganyo na to Utu-utus ka' talalo susa' na mohongo Tumpu! Bihing miu mabongon hondo madi' mohongo potatae nu Tumpu! Komiu pokakana tiba mompolee' miu; saja' panggaga hi Roh nu Tumpu!

SISIKON NU TO RASUL-RASUL 7:57

To Mia-mian Kopian Daka' nu Agama aijo' nompitimo bihing nu aha ka' lewa' noloboo', lantas hingga-hinggat nohakop i Stefanus.

IBRANI 12:25

Kalana aijo', balajaga-jaga da boli komiu madi' mongka'oho' mohongo Ia anu notataemo aijo'. Aha anu madi' mongka'oho' mohongo Ia anu tinokamo i dunia ka' nompotokamo lele lengkat mae hi Tumpu Allah, madi' timbali da madi' palesaya hi Ia. Apaa mule' kita aiya anu nohongomo Ia, anu notataemo lengkat mae i suluga'! De kita madi' mongka'oho' mohongo Ia, iya na kita timbali o ampuni i kasala'an!