ZAKHARIA 7:10 - KITAB NU TUMPU ALLA LELE MA'IMAI'

¹⁰ Boli mongkabisa'i anu balu, to ana-anak anu madi'mo ko tuumanyo ka' tinanyo, to mia-mian anu i salipu'an mae anu tataapmo atina' hi belemiu kabai ihehemo na anu i uno nu kasusa'an. Ka' boli ahi' mombau tanga'an anu ma'idek hi sangko manusia.’

ZAKHARIA 7:10 ပူးပေါင်းရင်းမြစ်များ

MAZMUR 140:2

Pojo'onakon mae na aku da madi' opoposia nu mian anu ma'idek na kinyonyoanyo, O, Tumpu, jagaiakon mae na aku da madi' opoposia nu mian anu talalo hondo buhingison na mompalentah.

MAZMUR 21:11

Lee' mae nu aha madi'mo ko anu tontuha' nupateimo i tomundo' na aha iwi-iwi'.

MAZMUR 36:4

Potataenyo saja' anu toto ide-idek ka' kaho potatae anu mongakali ia madi'mo daagi mombau anu ma'ima' ka' madi'mo montiho kalakuan nu mian anu pande.

MAZMUR 72:4

O'amalakon da i tomundo' montinjohi hak nu mian anu nu palentah, montulungi to mia-mian anu kasiasi ka' mompatei anu lewa' monsakisa aha.

NOSABATMO 23:9

Boli monsusa'i taha-tahahumo mian anu lengkat mae i salipu'an; kalana sinumbu'mo nu belemiu mosia na mongoa'i de timbali mian anu lengkat mae i salipu'an, kalana u'utu mae belemiu suele toho'mo tinimbali mian anu lengkat mae i salipu'an tempo'nyo i Mesir.”

AMSAL 3:29

Bo li mombau tanga'an apa-apaa anu mompolugi' belemiu, anu jojoong mompaha ohani belemiu ka'anu madi' mombata-batai belemiu.

YESAYA 1:23

To pola-polaya' nu belemiu la lewa' motomuhuk ka' lewa' mombulingakon obee' hi mian; aha mongka'ima'i mongala palasen, ka' doi anu pontamboi nu mian. Aha madi' mongka'oho' montinjohi anu madi'mo ko tuumanyo ka' tinanyo iulusan nu aha mian kopian; ka' mule' madi' mongka oho' kabalatan nu tobalu-balu.

YEREMIA 18:18

Mian notatae, “Imbo' da kita basangaja'mo mongewa i Yeremia. Misa' ola ia na bisa motatae, mompotoka apa-apaa hi Tumpu. Saja' daagi' ko imam anu timbali mombee'i pangajalan, daagi' ko mian pande anu timbali mombee'i pokinde'; ka' daagi' ahi' ko nabi anu timbali mompotoka mae hi kita potuunon-potuunon lengkat mae hi Tumpu Allah. Imbo' da okalaktomo na ia hi mian kopian ka' madi'mo daagi' kita mompotombihing potataenyo.”

YEREMIA 49:11

O, Edom! Pojoongmo na to ana-anak nu beleyum anu madi'mo ko tuumanyo tiba tinanyo hi beleng-Ku, Ku putu'je na aha. Sahanyo to balu-balu nu belemiu ko kapalesaya'an mae ahi' hi beleng-Ku.

YEREMIA 5:28

Ka' nolompo'mo ka' sinanangmo na kantumuu'an nu aha. Palabuatan nu aha anu ma'idek madi'mo ko batasnyo. Aha madi'mo kino ka adinan i uno nu palakala mongulus to ana-anak anu madi'mo ko tuumanyo tiba tinanyo, ka' madi' mompototu'uakon hak nu to mia-mian anu saja'mo osuka-sukai na mompalentah.

YEREMIA 7:6

Bolimo daagi' sola' monsuka-sukai mian anu lengkat mae isalipu'an, anak anu madi'mo ko tuumanyo tiba tinanyo ka' mule' to balu-balu. Boli mompatei mian anu madi' kosala'nyo ilipu' aiya. Boli monsombah to pilo-pilogot sangga'at, kalana han aijo' saidi' mae monsilakaimo belemiu.

YEHEZKIEL 18:12

Ia saja' mongakali mian anu kasiasi, mombuling, mongalamo pinonggadei nu mian anu ko samaya' hi ia. Ia mambamo itampat-tampat ponsomban nu mian pilogot anu madi' monsumbu' Tumpu ka' monsombahmo pilogot anu okahegati.

YEHEZKIEL 22:12

Daagi' mule' ko anu tinimbalimo mian topo patei sola-sola' obayan, mian anu talalo ahi' molio kantungan ka' saja' mongkelo aha mian anu bubuu' sangko bansanyo. Aha iwi-iwi' nongkolilimimo mae Aku. Aku, Tumpu Anu Matangkas na Kuasanyo notataemo.

YEHEZKIEL 22:29

To mia-mian kaya lewa' mongakali ka' mompahuhuakon halata' nu mian. Aha sola' monsuka-sukai na mompalentah mian kasiasi ka' sola mongala ka untungan hi mian nu aha salipu'an.

YEHEZKIEL 22:7

Madi'mo daagi' ko samiannyo na anu jojoong atina' hi beleyum na moholomati tu'anyo nu aha. Beleyum nongakalimo mian anu lengkat mae isalipu'an ka' nongalamo ka'untungan hi mian anu binalumo ka' mule' anu madi'mo ko tuumanyo tiba tinanyo sisingkapmo sinusa' aijo'.

AMOS 4:1

Potombihing mae to bou-boune nu Samaria anu nompaka polompo'mo susumo to sapi-sapi' anu molompo' kiijo' i Basan! Belemiu mongkabisa'i mian anu madi'moko ala, lewa' mompakisa mongala anu nu mian kakiasi, ka' mompa kisa mo'ane nu belemiu da saja' momposadiakon inumon anu moko palangu hi belemiu!

ZAKHARIA 8:17

Boli mombau tanga'an anu ma'idek hi sangko manusia. Boli montaeakon sumpa'anu madi' totu'u. Aku mongka'ideki mian anu baleko' tiba anu madi' adin ka' mule' mian anu buhingison.”

MALEAKHI 3:5

Notatae na Tumpu Anu Daka' na Kuasanyo, “Aku tokamo mae hi belemiu da momputusimo. Aku malia'mo timbali sakisi de momputusimo to tukang-tukang sihir, to mia-mian anu lewa' masala', anu tinimbali sakisai baleko', hi anu madi' adin na mombee'i gaji kona hi aha mian anu mongala tambo, hi aha anu madi' ko ka'adilannyo kona hi aha to balu-balu, to ana-anak anu madi'mo ko tuumanyo ka' tinanyo, ka' aha mian nu salipu'an mae, ka' mule' kona hi aha mian iwi-iwi' anu madi' mongadati Aku.”

MATIUS 23:13

“Silakamo na komiu to gulu-gulu' agama ka' to mia-mian nu Farisi! Komiu saja' mombau pula-pula. Komiu ola monsaduakon da mian madi' totu-totu'u timbali mian anu palesayamo hi Tumpu Allah. Posi komiu pe'e madi' mongka'oho' mian anu palesayamo hi Tumpu, ka' mian sangga'at anu oka'oho', miu da boli palesaya. [

1 KORINTUS 6:10

anu buling, anu mangoa, saja' malangu, anu saja' mongalu mian sangga'at, tiba anu mompolugi' mian sangga'at – iwi-iwi' na mian anu sumo aijo' madi' timbali mian anu palesayamo hi Tumpu Allah.

PO'ULE' INGULIT 27:19

‘Kinutukan na mian anu mongagoi halata' nu mian anu lengkat mae i salipu'an, anak anu madi'mo ko tuuma ka' tinanyo ka' anu balu.’ ‘Amin!’

YAKOBUS 5:4

Komiu madi' nombayan tambonyo nu to mia-mian anu mokalaja i ale' nu belemiu. Uuka aiya potombihing na aha notusa'mo! To mia-mian anu nolimu'akon hasin nu ale' miu, noloobo'mo momoita tulung, ka' lobo' nu aha tinokamo i bihing nu Tumpu, Tumpu Anu Matangkas na Kuasanyo.

1 YOHANES 3:15

Mian anu mongka'ideki Utusnyo atina' topo patei, ka' osumbu' miu saba' mian anu topo patei madi' ko kantumuu'an kopian ka' sampe toka sidu-sidutu'.