ZAKHARIA 6:15 - KITAB NU TUMPU ALLA LELE MA'IMAI'

¹⁵ Tomia-mian tokamo mae lengkat i tampat anu majo'on ka' montulungimo mombau Laigan-Ku. De laigan aijo' timbalimo nu sumbu'je nu aha na Aku talu' Tumpu Anu Daka' na Kuasanyo nonompalentahmo mae beleyum da tinoka mae hi aha. Iwi-iwi' aijo' timbali jadi de aha totu-totu'u montuluti iwi-iwi na palentah-ngKu, Tumpu nu aha.”

ZAKHARIA 6:15 ပူးပေါင်းရင်းမြစ်များ

YESAYA 3:10

Tumpu notatae, “Poto'i hi mian anu tulu-tulutan hi beleng-Ku, saba aha mohumpakmo kantumuu'an ma'ima' ka' salamatmo. Nu lasaimo nu aha na lawe nu pakalaja'an nu aha.

YESAYA 49:12

Lengkat mae ilipu' anu majo'on singkapmo mae toka na mian anu palesayamo hi beleng-Ku, lengkat mae isasu utara, ka' mule' isasu kinsoban ka' mule' Sinim anu isasu salatan.”

YESAYA 57:19

Aku mombee'ije ka' amanan hi iwi-iwi' na mian, maumo anu ohani kabai anu majo'on. Aku mombee'ije kahosonan hi mian anu palesayamo hi beleng-Ku.

YESAYA 60:10

Tumpu notatae hi Yerusalem, “Mian anu lengkat mae i salipu'an po'ule'je mombau pagan mesen nu beleyum ka' to tomu-tomundo' mombee'ije anu opalalui nu beleyum. Naipuan mae Aku nohukumo beleyum kalana Aku notambuha'mo panyo uuka aiya Aku sanangmo na mongkalibosi beleyum.

YEREMIA 7:23

Aku ola nompalentahkon hi aha da montuluti Aku da Aku timbalimo Tumpu Allah nu aha, ka' mule' aha timbalimo mian anu palesayamo hi beleng-Ku. Aku nompalentahmo aha da tumuu' montuluti sinin na palentang-Ku da kantumuu'an nu aha timbali ma'ima'.

ZAKHARIA 2:13

Pomohokotmo na belemiu iwi-iwi' i ahop nu Tumpu! Kalana Ia mambamo mae lengkat i tampat kajojoongan-Nyo kiita i suluga'.

ZAKHARIA 3:7

“De beleyum montuluti ahi' atulan-Ku ka' mombau pakalaja'an anu Ku bee' hi beleyum saba' saja'mo ahi' beleyum na timbali bau polaya' i uno nu Laigan-Ku ka' mongkalesang natannyo. Ku hongoje na do'a nu beleyum susumo Aku mohongo do'a nu to mala-malaekat anu ohani hi beleng-Ku.

ZAKHARIA 6:12

Poto'iakon hi ia, saba' Akumo na Tumpu Anu Daka' na Kuasanyo nonotataemo, ‘Mian anu osanggohi Sang Tunas na saidi' mae balahasin i tampat kajojoonganyo ka' ia po ule'mo mombau Laigan nu Tumpu.

SISIKON NU TO RASUL-RASUL 2:39

Kalana anu jinanji'mo nu Tumpu aijo' bau bagi miu tiba lee' miu, tiba bau bagi nu to mia-mian anu daagi' kiijo' mae i tampat-tampat anu majo'on – aijo'mo iwi-iwi' na mian anu i laga nu Tumpu Tumpunto da toka hi Ia.”

ROMA 16:26

Panyo uuka aiya, kalana palentah nu Tumpu anu madi' ko kamingkotannyo, tanga'an aijo' pinonyata'mo ka' binebakonmo hi iwi-iwi' na bansa, han aijo' tinoa hi anu tinulismo nu to nabi-nabi, da aha iwi-iwi' palesaya ka' mohongo-hongo hi Tumpu Allah.

PO'ULE' INGULIT 30:10

Panyo belemiu tionyo ahi' tulu-tulutan hi Tumpu Allah nu belemiu ka' montuluti atulan-Nyo iwi-iwi' anu tinulismo i kitab aiya, i kitab atulan nu Tumpu. Belemiu tionyo ahi' po'ule' minsusule' hi Ia ka' kinyonyoa nu belemiu totu-totu'umo ahi'.