ZAKHARIA 6:12 - KITAB NU TUMPU ALLA LELE MA'IMAI'

¹² Poto'iakon hi ia, saba' Akumo na Tumpu Anu Daka' na Kuasanyo nonotataemo, ‘Mian anu osanggohi Sang Tunas na saidi' mae balahasin i tampat kajojoonganyo ka' ia po ule'mo mombau Laigan nu Tumpu.

ZAKHARIA 6:12 ပူးပေါင်းရင်းမြစ်များ

EZRA 3:10

Salatan to mia-mian anu mokalaja i laigan aijo' nontampu'unimo nombau mesen bau pompotinjoan Laigan nu Tumpu, to ima-imam nompusokmo baju' jubah, ka' sika-sika toong na tolompet ka' singkap motinuminjo toto samian. Aha to mia-mian nu Lewi anu sa'anakan mae i Asaf suele tinuminjomo i kiijo' ka' sika-sika toong na gong toto ise-ise'. Aha nompuji-puji'mo Tumpu susumo koonyo nu atulan anu tinantukanmo salatanmo pe'e tempo'nyo i Tomundo Daud.

EZRA 3:8

Sahingga salatan tinokamo i bitu'on anu ko ohua'nyomo, i taun anu ko ohua'nyomo salatan mian nu Israel ninsusule'mo i Yerusalem, aha nontampu'unimo po'ule' nombau Laigan nu Tumpu. I Zerubabel, i Yesua tiba to sanga-sangalu sangko bansa nu aha, to ima-imam, mian nu Lewi osainsanggo-sanggomo aha iwi-iwi' anu toho'mo binoa i Babel, nokalajamo hingga-hinggat. Aha mian nu Lewi anu ko umunmo 20 na taun mokiita' binee'an kalaja monjagai anu mokalaja i Laigan nu Tumpu aijo'.

YESAYA 11:1

Lee' mae i Tomundo' Daud pokakana susumo kau' anu tinaa'mo. Panyo susumo lapangnyo tu'o daagi' ahi' tumuu' mae na sumpenyo sumo aitumo na lee' mae i Daud daagi' ahi' ko samian na tomundo' na nu lee'akon mae.

YESAYA 4:2

Po ule'je toka na tempo'nyo nu potimbalimo nu Tumpu na sosu'anon iwi-iwi' ka' mule' kau' tumuu'mo ka' daka'mo ilipu' aiya. Toka isinaa aijo' aha mian nu Israel anu salamat mongoai'mo kabilahian ka' sanangmo na kinyonyoa kalana nohumpakmo hasin nu ale'nyo.

YESAYA 53:2

Tumpu mongkahanda'i da posaihon-Nyo aijo' susumo ahi' sulot mae nu kau' anu tumuu' i tano' anu nategesmo. Madi' ko anu ma'ima' na otoanto aijo' hi ia madi' ko anu ma'ima' na anu timbali o kamiluinto.

YEREMIA 23:5

Tumpu notatae, “Tokaje mae na tempo'nyo, Ku hangkatje na tomundo' samian anu adil lee' mae i Daud. Tomundo' aijo' saidi' mae pande na mompalentah ka' apa-apaa na obau saja' adin ka' saja' totu'u isongko-songko na lipu'.

YEREMIA 33:15

Toka itempo'nyo aijo' samian na anu lengkat mae hi lee' i Daud Ku pile'imo da timbali tomundo'. Tomundo' aijo' mompojalanmo anu adin tiba anu totu'u isongko-songko na lipu'.

YEHEZKIEL 41:1

Mo'ane aijo' nomboamo aku isuo'nyo anu aijo' itotonga'nyo anu osa-osanggohi Tampat Anu Susi' hondo. Ia nongukunmo jalan ise-ise'anu bau kalambanan mokiijo'; komantannyo totolu' na meten.

AMOS 9:11

Tumpu notatae, “Tokaje na tempo'nyo Aku mompo'ule' mombali'i kalaja'an i Daud. Uuka aiya kalaja'an aijo' tinimbalimo susumo laigan anu nohobo'mo. Panyo pagannyo mesen po'ule'je Ku poko ima'i ka' po'ule'je Ku bau sahingga timbalimo susumo u'utu mae.

ZAKHARIA 13:7

Tumpu Anu Daka' na kuasanyo notatae, “Tinjomo mae o, bajak ka' tumbuhimo na polaya' potuu'on anu mokalaja hi beleng-Ku! Pateimo na Ia sahingga to domba-domba mosungke-sungkehetmo. Kutumbuhimo na mian anu palesayamo hi beleng-Ku,

ZAKHARIA 3:8

Hongo mae Imam Daka' Yosua, ka' suele belemiu to ima-imam anu salaku to sanga-sangalunyo, belemiu iwi-iwi' aijo'mo na bau ibalat nu kantumuu'an ma'ima'mo aiya mae i ahop. De tokamo i tempo'nyo aijo' Ku palentahje na posaihon-Ku anu osa-osanggohi, ‘Sang Tunas’.

ZAKHARIA 8:9

Tumpu notataemo hi mian anu palesayamo hi Ia, “Pohoson na kinyonyoa nu belemiu! Uuka aiya belemiu mohongomo potatae anu toho'mo tinaloakon nu to nabi-nabi tempo'nyo pundasi binaumo da bau pompotinjoan Laigan-Ku.

MATIUS 16:18

Kalana aijo' osumbu'mo, beleyum atina' i Petrus, batu anu mahoson. Ka' aita' i batu, aiya na Aku mompotinjo Grejang-Ku, anu madi' opoko hungku'i; mau mule' anu monsilakai!

MATIUS 26:61

Aha notatae, “Mian aiya notatae, ‘Aku moko ala mohobo'akon Laigan nu Tumpu, ka' i uno nu tolunsinaa po'ule'mo opotinjo.’ ”

MARKUS 14:58

“Kami nohongo mian aiya notatae, ‘Ku hobo'akon na Laigan nu Tumpu aiya anu binau nu mian, ka' lapas ko tolun sinaanyo, po'ule' Ku potinjo na sangga'at anu misa' mian na nombau.’ ”

MARKUS 15:29

To mia-mian anu motulu i kiijo' ko lilo-lilokmo na ubak ka' montaloakon potatae mompopo'ambang i Yesus. Aha notatae, “Ee, Beleyum na anu mongka'oho' mongidei Laigan nu Tumpu, ka' po'ule' mompotinjo ola i uno nu tolun sinaa.

MARKUS 15:39

Suludadu anu tinuminjo i ahop nu salib aijo', nontoa mosia na i Yesus sinilaka. Suludadu aijo' notatae, “Memang totu'u mian aiya Anak nu Tumpu!”

LUKAS 1:78

Tumpunto manonong ka' mongkalibosi; da momposalamat kita, sahingga Ia tinoka. Sumo batu nu sinaa bete' daagi' subu,

YOHANES 1:45

I Filipus siningkabot tiba i Natanael ka' notatae hi ia, “Kami siningkabotmo mian anu sisinanggo i Musa i uno nu kitab Atulan nu Tumpu ka' anu bibinebakonmo nu to nabi-nabi. Aijo'mo Ia i Yesus anu lengkat mae i Nazaret, anak i Yusuf.”

YOHANES 19:5

Lantas i Yesus nosabat soku-soku na makota ko hii'nyo ka' juba' kamumu'. I Pilatus notatae hi aha, “Toa na mian aiya.”

SISIKON NU TO RASUL-RASUL 13:38

Kalana aijo' to Utu-utus, tionyo ahi' komiu monsumbu', saba' hi Yesusmo aiya na lele mongkona dosa' o ampuni i leleakon hi komiu; komiu tionyo monsumbu' saba' toto samian anu palesaya hi Ia, opobebas i iwi-iwi' na dosa'nyo anu madi' opoko alini nu to pale-palentah nu Tumpu anu pinotoka i Musa.

SISIKON NU TO RASUL-RASUL 17:31

Kalana Ia nontantukanmo sa'angu' na tempo' da momputusi adi-adin songko-songko na dunia aiya. Kalaja aijo' nubauje nu samian anu noko pile'anmo nu Tumpu na mombau aijo'. Ka' da iwi-iwi' na mian palesaya totu-totu'u i han aijo', sahingga mian anu sinilakamo po'ule'mo pinotumuu' nu Tumpu!”

1 KORINTUS 3:9

Kami to mia-mian anu hingga-hinggat mombau kalaja anu nu Tumpu; ka' komiu aijo' sumomo ale' nu Tumpu. To Utu-utus suele sumo gudang nu Tumpu.

IBRANI 10:12

Panyo i Kristus nonsombahkon poso' sa'angu' na koloban bau pongampuni dosa', ka' koloban aijo' montanggungimo sampe toka sidu-sidutu'. Noko lapas na nonsombahkon koloban aijo', i Kristus sinumuhangmo i sasu koanan nu Tumpu ka' nompalentahmo hingga-hinggat tiba Ia.

IBRANI 7:24

Panyo i Yesus tumuu' sampe toka sidu-sidutu', jadi pangkat-Nyo salaku imam madi' molalin hi mian sangga'at.

IBRANI 7:4

Jadi otoantomo i aiya palias na kodaka'nyo na i Melkisedek aiya; ia sumo aijo' na kodaka'nyo sahingga i Abraham, Tuuma nu mompolee' nu bansanto, nombee'mo hi ia anu binagi sampulu' na bagian, sambagian na binee'nyo, anu i humpaknyo lengkat mae nahampate aijo'.

IBRANI 8:3

Batu-batu Imam Daka' i hangkat da monsombahkon koloban kabai anu osombahkon hi Tumpu. Sumo aitu mule' na Imam Daka' to; Ia tionyo daagi' ko apa-apaa anu osombahkon.