ZAKHARIA 4:7 - KITAB NU TUMPU ALLA LELE MA'IMAI'

⁷ Maumo ko anu molewot anu ko daka'nyo sumo bungkutnyo timbali molinggin da madi'mo ko anu atina i ahop nu beleyum. Beleyum po ule'mo mombau Laigan-Ku, ka' de beleyum mompotimpasmo batu pundasi i tampatnyo to mia-mian motataemo, ‘Ebeh na kino ima'nyo!’ ”

ZAKHARIA 4:7 ပူးပေါင်းရင်းမြစ်များ

EZRA 3:10

Salatan to mia-mian anu mokalaja i laigan aijo' nontampu'unimo nombau mesen bau pompotinjoan Laigan nu Tumpu, to ima-imam nompusokmo baju' jubah, ka' sika-sika toong na tolompet ka' singkap motinuminjo toto samian. Aha to mia-mian nu Lewi anu sa'anakan mae i Asaf suele tinuminjomo i kiijo' ka' sika-sika toong na gong toto ise-ise'. Aha nompuji-puji'mo Tumpu susumo koonyo nu atulan anu tinantukanmo salatanmo pe'e tempo'nyo i Tomundo Daud.

MAZMUR 114:4

Iwi-iwi na bungkutnyo naha lumpatanmo susumo mee', iwi-iwi' na puge'nyo suele naha lumpatanmo susumo anak nu domba.

MAZMUR 114:6

Nosiamo na belemiu iwi-iwi na bungkutnyo ka' naha lumpatanmo ka' belemiu iwi-iwi' na puge'nyo naha lumpatanmo?

MAZMUR 118:22

Batu anu ingalinmo nu to tuka-tukang anu nombau laigan tinimbalimo batu pinongusoi.

MAZMUR 84:11

Maumo 1.000 na sinaa na jojoong i tampat sangga'at panyo lebe ma'ima' maumo ola sansinaa na jojoong i Laigan nu Belento. Anu nompile'imo da timbali bau ponjagai sabatan Laigan nu Tumpu-ngku asan boli jojoong i laigan nu mian anu ma'idek na kinyonyoanyo.

YESAYA 28:16

Kalana aijo' Tumpu Anu Matangkas na Kuasanyo notataemo sumo uuka, “Ku potimpasmo na usoi anu mahoson hondo aita' i Sion; sa'angu' na batu bau usoi anu mahan na olinyo ka' kotulisannyo: ‘Ihe na palesaya totu-totu'u madi' mangaku kala'.’

YESAYA 41:15

Soba toa, pinotimbalimo nu Beleyum na aku susumo dopi' anu bau pongututan, anu salaje binau, matajom ka' kobese'nyo uanjiji' Beleyum mongututmo bungkutnyo iwi-iwi' ka' mohansunimo; puge'nyo iwi-iwi' nu potimbalimo susumo ota'.

YEREMIA 33:11

Panyo itampat haha aijo' saidi' mae po ule'mo ohongo na lewo' nu mian anu lame' ka' anu binilahimo ka' mule' lewo' nu mian anu nombaumo babauon mo'osoa. Ka' ohongo mule' na nyanyian nu to mia-mian anu momboa koloban bau pontalima kase i Laigan-Ku. Aha motataemo, ‘Pontalima kasemo hi Tumpu Anu Balakuasa hondo, kalana Ia manonong ka' mule' kalibosan-Nyo sampe toka sidu-sidutu'.’ Lipu' aiya Ku pomajumo na kantumuu'an nu aha susumo momonanyo naipuan mae. Aku, Tumpu notataemo.”

YEREMIA 51:25

O, Babel, beleyum sumomo ahi' bungkutnyo anu nohansunimo songko-songko na dunia. Panyo Aku, Tumpu mongewamo beleyum. Beleyum Ku hela'mo ka' Ku pobahangkangmo ka' mule' Ku pojohokmo mopapu sampe timbalimo abu'.

MIKHA 1:4

To bungku-bungkutnyo hansunmo akaong i pala-Nyo susumo lilin i uno nu apu anu moakmo, tano'nyo motuba-tubasmo minsoopmo mokaiyong i to bangka-bangka'-Nyo, susumo uee anu aita' mae i bungkutnyo mo ilimo mokaiyong i hatanyo.

MIKHA 4:1

I sinaa anu aiya mae o ahopi puge'nyo pipinombauan Laigan nu Tumpu tuminjomo hodi-hodi' ka' matangkas hondo lebemo moliu-liu to bungku-bungkutnyo ka' to puge-puge'nyo. Iwi-iwi' na bansa mododuyutanmo mambamo mompanjolongi

HABAKUK 3:6

De Belento madi'mo lumajang dunia gayu'anmo, de Belento montonto'imo to bansa-bansa tasigalamo. Iwi-iwi na bungkutnyo anu salatanmo pe'e dunia aiya mobiha-biha'mo; to puge-puge' anu memang tinatapmo i tampatnyo hede'mo, i puge'nyomo haha aijo'; na kinalajangan nu Belento daagi pe'e naipuan mae.

ZAKHARIA 4:8

Lantas tinoka mule' na potuunon sangga'at, lengkat mae hi Tumpu.

ZAKHARIA 4:9

Pinoto'i-Nyo, “I Zerubabel nompotimpasmo pundasi nu Laigan-Ku, ka' ia na mompojadi iwi-iwi' na laigan aijo'. De aijo' jadimo mian-Ku anu palesayamo monsumbu'je talu' Akumo na anu nompalentah mae beleyum Zakharia namba mae hi aha.

MATIUS 21:21

“Totu'u” tinaaman i Yesus, “De komiu palesaya ka' madi' bata-bata, komiu timbali mombau apaa na anu Binaungkumo i kau' ara aiya. Ka' misa' ola aijo', aitu pe'e komiu timbali motatae i bungkutnyo aiya, ‘Talahangkat ka' tongalin mokaiyong i uno nu ambai’; saba' han aijo' tionyo timbali.

MATIUS 21:42

Saba' i Yesus notatae hi aha, “Ma'isa toho' komiu nombasa' anu tinulis i uno nu Kitab nu Tumpu? ‘Batu anu madi' opake nu tukang bangunan tinimbalimo batu anu talalo o palalui. Sumo aijo' na palabuatan nu Tumpu; palias na ko ima'nyo!’ ”

MARKUS 12:10

Komiu tantu nombasa'mo ayat aiya i uno nu Kitab nu Tumpu Allah, ‘Batu anu madi' opake nu anu mombau bangunan tinimbalimo batu anu talalo opalalui.

LUKAS 20:17

Tinonto'an i Yesus na aha ka' notatae, “Desumo atina', apaa na alati'nyo ayat nu Kitab nu Tumpu aiya? ‘Batu anu madi' pinake nu tukang nu laigan, tinimbalimo batu anu talalo o palalui.’

LUKAS 3:5

Iya na anu ma'oa' o tabuhi, iya na bungkutnyo ka' puge'nyo opohata. Jalan anu minggeo-geo', tionyo opohodi', ka' jalan anu milebo-lebok opohata.

SISIKON NU TO RASUL-RASUL 4:11

I Yesus aiyamo na anu nupatujui nu ayat aiya i uno nu Kitab nu Tumpu, ‘Batu anu madi' opake nu komiu to tuka-tukang anu topo bau laigan, padahan tinimbalimo batu anu penting.’

ROMA 11:6

Ia nompile'i aha kalana balakat-Nyo, ka' misa' mimpu'u i ka'ima'an nu kinyonyoa nu aha. Kalana de pompile'i nu Tumpu aijo' mimpu'u i ka'ima'an nu kinyonyoa nu mian, nyata' balakat nu Tumpu aijo' misa'mo balakat anu totu-totu'u.

EFESUS 2:20

Komiu mule' pinotinjomo i patikokoan anu binaumo nu to rasul-rasul, ka' to nabi-nabi, ka' i Kristus Yesusmo na salaku batu mahoson pinompokokoan.

1 PETRUS 2:7

Batu aijo' ko angga'nyo hondo hi belemiu anu pinalesaya. Panyo bele nu to mia-mian anu madi' pinalesayamo, nukonamo nu to aya-ayat nu Kitab nu Tumpu anu sumo uuka, “Batu anu madi' opake nu to tuka-tukang nu laigan aijo', batumo ahi' ai-aijo' na anu talalo penting,”

ANU PINOTO'I HI YOHANES 16:20

Iwi-iwi' na togong madi'mo daagi' ka' iwi-iwi' na bungkutnyo suele madi'mo ko anu daagi'.