ZAKHARIA 4:6 - KITAB NU TUMPU ALLA LELE MA'IMAI'

⁶ Malaekat aijo' nonsaimo aku da mamba mompotokakon hi Zerubabel potuunon nu Tumpu sumo uuka, “Misa' kalana kahosonan nu suludadu ka' mule' misa' posi kahosonan nu beleyum sahingga binala hasinmo, panyo ola ahi' kalana roh-Ku.

ZAKHARIA 4:6 ပူးပေါင်းရင်းမြစ်များ

KAJADIAN 41:16

Tinaaman i Yusuf, “misa' aku Tuanku, panyo Tumpu Allah na montili'i anu sahondo-hondonyo.”

1 TOMU-TOMUNDO' 19:12

Lapas aijo' tinoka mule' na apu, panyo' Tumpu madi' ko anu i uno nu apu aijo'. Lapas aijo' apa-apaa na anu jinadimo aijo' ilingmo lantas nohongomo potatae anu ise' hondo ka'nompomalasi.

2 TAWARIKH 14:11

Lantas i Asa binalado'amo hi Tumpu Allah-nyo, “O Tumpu, olamo belento na timbali montulungi mian anu madi' mahoson mongewa anu mahoson. Tulungi mae na kami uuka aiya, O Tumpu Allah mami! Samata-mata olamo hi belento na patisehan mami, ka' hi sanggo nu Belento na kami nambamo mahampate mongewa gombuan nu suludadu anu manjoo' hondo aiya. O Tumpu belentomo na Tumpu Allah mami. Boli opobee' na butong nu Belento nu patundu'mo nu samian na manusia.”

EZRA 2:2

To pola-polaya' nu aha aijo'mo, i Zerubabel, i Yesua, i Nehemia, i Seraya, i Reelaya, i Mordekhai, i Bilsan, i Mispar, i Bigwai, i Rehum tiba i Ba'ana. Aiyamo na daputan nu aha sa'anakan mae bansa Israel ka' konjoo'nyo nu mian toto sa'angu' na tulunan anu ninsusule'mo lengkat mae i Babel pinomboan aha:

EZRA 3:10

Salatan to mia-mian anu mokalaja i laigan aijo' nontampu'unimo nombau mesen bau pompotinjoan Laigan nu Tumpu, to ima-imam nompusokmo baju' jubah, ka' sika-sika toong na tolompet ka' singkap motinuminjo toto samian. Aha to mia-mian nu Lewi anu sa'anakan mae i Asaf suele tinuminjomo i kiijo' ka' sika-sika toong na gong toto ise-ise'. Aha nompuji-puji'mo Tumpu susumo koonyo nu atulan anu tinantukanmo salatanmo pe'e tempo'nyo i Tomundo Daud.

EZRA 5:2

Nohongo apaa na anu pinoto'i nu nabi ua'aha aijo', i Zerubabel anak i Sealtiel ka' i Yosua anak i Yozadak lia-lia' na aha nontampu'uni po'ule'mo nombau Laigan nu Tumpu kiijo' i Yerusalem, ua'aha na nabi aijo' na nontulungi.

MAZMUR 33:16

Tomundo' madi' sanangkalana suludadunyo da'isan suludadu madi' salamat kalana aha mahoson.

ANU MOMPOLELE POTATAE NU TUMPU 9:11

I dunia aiya daagi mule' ko anu tinoangku; pailomba'an madi' saja'mo ko kamanangan na mian anu mopadeka', pahampatean madi' saja'mo ko kamanangan na mian anu mahoson. Mian anu pande madi' saja'mo mohumpak pakalaja'an polioan, ka' mian anu mangalati' madi' saja'mo mohumpak kakaya'an. Ka' mule' suele mian anu ahali madi' saja'mo talasanggo, Kalana maumo ahi' pa' ihe timbali nu tokai mae nu nasib soe'.

YESAYA 30:1

Tumpu notatae, “Silakamo na to pola-polaya' nu aha Yehuda kalana aha notomuhukmo mae hi beleng-Ku. Aha nontulutimo tanga'an-tanga'an anu misa' tanga'an-Ku. Aha nontandatanganimo palajanjian anu madi' sosok tiba pongka'oho'-Ku. Sahingga tinumalatambunmo na dosa' nu aha.

YESAYA 32:15

Panyo daagi' ahi' minsan na Tumpu saidi' mae toka tibamo kakuasa'an-Nyo. Sahingga padang tampat anu mateges timbalimo ale' anu toto lumba-lumba' ka' ale' iwi-iwi' saidi' mae sumomo alas.

YESAYA 34:16

Soba lio ka' basa' i uno nu Kitab nu Tumpu; Madi' ko sa'angu' pe'e na binatang haha aijo iwi-iwi' ko anu molapus kabai anu madi' moto osoa. Kalana memang sumo aijo'mo ahi' na palentah nu Tumpu ka' posi Ia ahi' na nomposihukmo aha.

YESAYA 59:19

Kuasa tiba kaholomatan-Nyo nukabuhuk nu mian iwi-iwi' lengkat mae i kabete'an toka-toka i kinsoban. Ia toka mae mimbalu-balu' kaunyo anu mabohos, anu kinembongmo mae nu baleba' anu makansang hondo.

DANIEL 2:34

Hau-haunyo belento Tuanku montonto'i, sa'angu' na batu anu daka' hondo noluntunmo mae aita' i keles pada han madi' ko mian anu nohenggo lantas tinuda'nyomo na patong aijo' i tengkenyo anu besak na binau ka' tano' kun na binau aijo' sahingga i hansunmo.

HOSEA 1:7

Panyo bansa Yehuda Ku kalibosimo. Aku Tumpu, Tumpu nu aha momposalamatmo aha, panyo misa' kalana mahampate, ka' suele misa' kalana bajak, kabai pana', kabai ajahan ka' anu monsake'i.”

HAGAI 1:1

I taun kino ohua'nyomo na i Tomundo' Darius nompalentah Persia i tanggan sa'angu' bitu'on ko anomnyomo Tumpu notataemo nonggunakon i Nabi Hagai. Potuunon nu Tumpu aijo' tinujukannyo hi Zerubabel anak i Sealtiel, gubernur nu Yehuda tiba mule' hi Imam Daka' Yosua anak i Yosadak.

HAGAI 2:21

Da opotokakon hi Gubernur Zerubabel. Koonyo nu Tumpu, “Madi'mo daagi pin langit ka' tano' Ku tenenggohimo,

ZAKHARIA 6:12

Poto'iakon hi ia, saba' Akumo na Tumpu Anu Daka' na Kuasanyo nonotataemo, ‘Mian anu osanggohi Sang Tunas na saidi' mae balahasin i tampat kajojoonganyo ka' ia po ule'mo mombau Laigan nu Tumpu.

NOMBILANGMO 27:16

“O Tumpu Allah, anu mombee'i mae kantumuu'an hi iwi-iwi' na anu tumuu', ku kakase, potiju'akon mae samian na anu moko ala molaya' bansa aiya;

EFESUS 6:17

Ala na kasalamatan salaku songko' anu ko aja'nyo, ka' potatae nu Tumpu salaku bajak lengkat hi Roh nu Tumpu Allah.

1 PETRUS 1:12

Hi to nabi-nabi haha aijo' Tumpu nompoto'imo tukoonyo apaa na anu nubau nu aha misa' bau kapentingan nu aha, panyo bau kapentingan nu belemiu; atina'mo hahan anu tempo' uuka aiya i hongomo komiu mana-manasa hi to mia-mian anu nompolelemo Lele Ma'ima' mongkona i Yesus Kristus. Aha nomposumbu' hahan aijo' hi belemiu kalana kuasa nu Roh nu Tumpu anu sinai-Nyo mae lengkat i suluga'. To mala-malaikat pe'e mongkahanda'i suele da monsumbu' lele anu nu polele nu aha aijo'.

1 SAMUEL 14:6

Sahingga notataemo na i Yonatan hi olitau aijo', “Imbo' da olambanintomo mokiijo' i ponjaga'an nu aha mian Filistin anu daagi halipulu aijo'. Ihe na monsumbu' nu tulungi mae nu Tumpu na kita. Kalana Tumpu moko ala mombee'i mae ka untungan mahampate mau da'isan na mian maumo ola sangkiding na mian.”

1 SAMUEL 17:47

Ka' iwi-iwi' na mian anu i aiya montoamo taalu' Tumpu madi' pilenje ko bajak kabai talombo' bau pomposalamat mian anu pinalesayamo hi Ia. Iamo na nontantukan mosia na mahampate aiya, ka' Iamo na saidi' mae mombee' belemiu hi lima mami.”