ZAKHARIA 4:14 - KITAB NU TUMPU ALLA LELE MA'IMAI'

¹⁴ Ia suele notataemo, “aijo' alati'nyo ua'aha na mian anu pinile'anmo nu Tumpu i dunia aiya songko-songko ka' binee'anmo pakalaja'an da mombau anu Nu palentahkon.”

ZAKHARIA 4:14 ပူးပေါင်းရင်းမြစ်များ

1 TOMU-TOMUNDO' 17:1

Daagi' ko samian na nabi, sanggonyo i Elia. Ia mian lengkat mae i Tisbe, sa'angu' na kota' i da'erah Gilead. Daagi' kino sansinaan ia tinokamo hi Tomundo' Ahab ka' notatae, “Jumo nu sanggo nu Tumpu anu tumuu' Tumpu Allah anu osombah nu mian Israel ka' anu kuku hongo na palentahnyo, ku poto'i hi belento Tuan, ohua' kabai totolu' na taun anu aiya mae i ahop madi'mo daagi' ko dondu'ok kabai ujan mau ola sangkiding, de ku poto'imo, yo atina' daagi'mo.”

EZRA 5:2

Nohongo apaa na anu pinoto'i nu nabi ua'aha aijo', i Zerubabel anak i Sealtiel ka' i Yosua anak i Yozadak lia-lia' na aha nontampu'uni po'ule'mo nombau Laigan nu Tumpu kiijo' i Yerusalem, ua'aha na nabi aijo' na nontulungi.

MAZMUR 110:4

Tumpu binajanji' sinumpa'akon, Ia madi'mo timbali mompojalo janji'-Nyo. “Belentomo na imam sampe toka sidu-sidutu', sumomo i Melkisedek.”

MAZMUR 2:6

Ia notatae, “Kiita' mae i Sion puge'Nyo anu susi' aijo' anung-Ku i hangkatkumo na tomundo' anu pinile'an-Kumo.”

MAZMUR 89:20

Naipuan mae tempo'nyo Belento nanintoa, Belento nompoto'imo hi posaihon nu Belento ano tulu-tulutan. “Aku nontulungimo samian anu baani hondo, samian anu pinile'an-Kumo aijo' hi aha mian da'isan ka' i hangkatkumo na sanggonyo.

NOSABATMO 29:7

Lantas ala na lanya' anu opake, de mombalakatimo, dudu'akon aita' i ubaknyo ka' sapuimo nu lanya' na ia.

NOSABATMO 40:15

Lantas opipi'i nu lanya' na aha susumo beleyum mompipi'imo nu lanya' tuuma nu aha, da aha suele mokalajamo hi beleng-Ku salaku imam. Tiba jalan mompipi'i nu lanya' aijo' tulunan nu bansa nu aha molundu-lundu na lee' nu aha saja' montoongi pangkat imam.”

YESAYA 5:1

Potombihing mae na nyanyianku anu mompantisakon ale' nu anggur nu sangalungku. Sangalungku ko ale' nu anggur isohipi' nu puge'nyo anu molumba'.

YESAYA 54:5

Anu nompotimbalimo beleyum sumomo ahi' langkai' nu beleyum, Tumpu Israel anu susi' aijo'mo na anu Momposalamat beleyum. Tumpu Anu Daka' na Kuasanyo, atina'mo na sanggo-Nyo, Iamo na Tumpu anu mongkuasai songko-songko na dunia.

YEREMIA 49:19

Susumo singa nasasubamo mae lengkat i alas anu daka' hondo koko Kaunyo nu Yordan ka' nompanjolongimo padang tampat nu domba lewa' mongotot, sumo aijo'mo na Aku toka mae mompotolokengkeng mian nu Edom sahingga mopalaimo mompala'imo lipu' nu aha. Lantas Aku mompile'imo samian na anu timbali polaya' da mompalentah bansa aijo'. Ihe na timbali bau pompokakanakonan tiba Aku? Ihe na baani mahampalakala tiba Aku? Te daagi' ko polaya' anu moko ala mongewa Aku?

IMAMAT 8:12

Lapas aijo' i Musa nombalakatimo i Harun, ia nondudu'akonmo sangkiding na lanya' anu opake mombalakati i ubaknyo.

MIKHA 4:13

Tumpu notatae, “O, mian anu jojoong i Yerusalem lako'mo ka' pahampeja' akonmo na to sampo-sampobali' nu belemiu! Ku pojadije na belemiu da mahoson susumo sapi' anu nintandukmo besak ka' ningkonukumo tambaga. Belemiu mohansunije manjoo' hondo na bansang ka' mule' kakaya'an anu i humpak nu aha kalana lewa' nompahuhuakon, osombahkonmo mae hi beleng-Ku, Tumpu nu songko-songko na dunia.”

ZAKHARIA 6:13

Iamo na mombau Laigan-Ku ka' montalimamo kaholomatan susumo samian na tomundo' ka' ia mompalentahmo miannyo. Samian na imam na mohapiti'i ia, ka' mompaha toa-toa na aha mokalaja ka' mompaha kona hondo.’

ZAKHARIA 6:5

Ia nontaami, “Aku nambamo i opat na tampat anu nu tujui nu aha de aha moko pangadapmo hi Tumpu nu songko-songko na dunia.

LUKAS 1:19

Malaikat aijo' nontaami, “Aku aiya i Gabriel. Aku mombau apaa na pinoto'i nu Tumpu, ka' iamo na nompokau aku mompotokakon lele ma'ima' aiya hi beleyum.

PO'ULE' INGULIT 10:8

I bungkutnyo aijo' pinoto'imo nu Tumpu na tulunan nu bansa Lewi da samata-mata mongkalesang Peti' Palajanjian ka' mombau anu nu palentahkon nu Tumpu, ka' mule' montaeakon balakat hi mian anu pinalesayamo hi Ia. Aijo'mo na kalaja nu aha sampe uuka aiya.

YOSUA 3:13

Jadi de saidi' mae to ima-imam anu molemban Peti' Palajanjian nu Tumpu mompeja'mo na tengkenyo Kaunyo nu Yordan aijo', ueenyo madi'mo mo'ili, uee anu lengkat mae i matanyo tongompomo i sa'angu' na tampat.”

ANU PINOTO'I HI YOHANES 11:4

Ua'aha na sakisi aijo' atina'mo ohua' na batang nu kau' zaitun ka' ohua' na sulaan nu sulu' anu daagi' kiijo' i ahop nu Tumpu anu mongkuasai songko-songko na dunia.

1 SAMUEL 10:1

Lapas aijo' i Samuel nongalamo boton anu ko isinyo minya-minya' zaitun lantas dinudu'akonnyomo na minya-minya' aijo' hi ubak i Saul ka' ingokannyomo na i Saul ka' notatae, “Tumpu nohangkatmo ka'nombalakatimo beleyum da timbalimo tomundo' hi aha mian Israel anu pinalesayamo hi Ia. Beleyum mompalentahmo mian anu pinalesayamo hi Ia ka' montoamo aha da boli nu kabisa'i nu sampo bali' nu aha. Aiya na timbali tanda saba' beleyum pinile'anmo nu Tumpu, beleyum timbalimo tomundo' hi aha mian anu pinalesayamo hi Ia.

1 SAMUEL 16:1

Madi' pinin lapas aijo' pinoto'imo nu Tumpu hi Samuel, “Tedaagi sangkuka na kopinnyo na beleyum susa' na kinyonyoa kalana monginau' i Saul? Temisa'ia madi'mo ingakuan salaku tomundo' nu aha mian Israel? Uuka aiya ala na lanya' nu zaitun ka' lako'mo i Betlehem, hi mian sanggonyo i Isai kalana sala'samian na anaknyo pinile'an-Kumo da bau tomundo.”