ZAKHARIA 2:13 - KITAB NU TUMPU ALLA LELE MA'IMAI'

¹³ Pomohokotmo na belemiu iwi-iwi' i ahop nu Tumpu! Kalana Ia mambamo mae lengkat i tampat kajojoongan-Nyo kiita i suluga'.

ZAKHARIA 2:13 ပူးပေါင်းရင်းမြစ်များ

2 TAWARIKH 30:27

To ima-imam ka' mian nu aha Lewi nompoitamo da nu balakati nu Tumpu na aha mian da'isan ka' da kiita' mae i suluga' kajojoongan-Nyo Tumpu Allah mohongoakon mae do'a nu aha ka' mohalala'akon mae apaa na anu nupoita nu aha.

MAZMUR 11:4

Tumpu kiita' mae i Laigan-Nyo anu susi' hondo, kasuhangan-Nyo kiita' mae i suluga'. Ia lewa' mompotomatakon mian ka' monsumbu' iwi-iwi' apaa na anu nubau nu aha.

MAZMUR 46:10

Ia nompobelentimo pahampatean isongko-songko na dunia aiya, pelet tiba talombo' ihansunan-Nyomo, kanta toto timpo-timpodon pinapuannyo-Mo,

MAZMUR 68:5

Ponyanyimo, bau pompuji' sanggo nu Tumpu, potoukamo na jalan daka' da bau kajalanan-Nyo mae anu nonsake'i mae kundom. Sanggo-Nyo Tumpu – balasana-sanangmo i ahop-Nyo!

MAZMUR 78:65

Sahingga Tumpu nobungkutmo sumomo mian anu nobulamo hau-haunyo hoyot. Sumomo mian anu nahosonmo salatan noko inumo anggur.

YESAYA 14:2

Manjoo' na bansa montulungimo bansa Israel da minsusule'mo ilipu' anu binee'mo nu Tumpu hi aha ka' ikiijo' mae bansa haha aijo' baumo posaihon nu aha Israel. Israel mompahahakopakonmo aha to mia-mian anu toho'mo nohakop ia ka' mule' mompalentahmo aha to mia-mian anu toho'mo nonsakisa i uno nu pakalaja'an.

YESAYA 19:16

Tokaje mae na tempo'nyo bansa Mesir timbalimo susumo boune anu sampa tolokuku' na kinyonyoa ka' sampa mabuhuk. Aha nulakatmo nu buhuk de montoamo Tumpu Anu Daka' na Kuasanyo motangkakonmo lima-Nyo kalana kahanda'mo mohukum aha.

YESAYA 41:1

Koonyo nu Tumpu, “Pomohokotmo ka' potombihing mae na Aku, o, to mia-mian anu jojoong ilipu' anu toto jo'o-jo'on. Balasadiamo ka' mangadapmo hi mian kopian, lajangmo ka' poto'imo na palakala nu beleyum. Imbo' da kita opalesamo hingga-hinggat. Da oputusimo pa' ihe na anu totu'u kabai pa' ihe na sala'.

YESAYA 51:9

Tinjomo mae o, Tumpu, ka' tulungi mae na kami, posalamatakon mae na kami nu kuasa nu Belento, Tinjomo mae susumo naipuan mae tempo'nyo Belento nompohintutumo i Rahab ka' nonjalo'mo ulo daka-daka' nu ambai aijo' sampe inate.

YESAYA 57:15

Kalana sumo uukamo na potatae nu Tumpu Anu Matangkas na Kuasanyo ka' susi', anu balakuasa sampe toka sidu-sidutu', “Kajojoongan-Ku i tampat anu matangkas ka' susi', panyo suele ahi' jojoong hi to mia-mian anu ma'ima' na kinyonyoanyo, ka' anu binalatobatmo isinin na dosa' nu aha, da opo'ule'mo na sumangat nu aha tiba halapan nu aha.

YESAYA 57:5

Belemiu nonsombahmo to pilo-pilogot anu mombee'i kalumba'an ka' butong nu belemiu binoamo nu napisu ipatuu nu kau' anu o, anggap ko balakatnyo. Belemiu nolamunmo to ana-anak nu belemiu i bangka'nyo nu kaunyo nyo, i liang nu batu.

YESAYA 63:15

O, Tumpu, toa mae mo uuka atina' i suluga', lengkat mae atina' ikajojoongan nu Belento anu susi' ka' talasanggo. Iyamo mae na kalibosan tiba kabaanian nu Belento? Iyamo mae na kanonongan tiba kalibosan nu Belento? Boli mae montahan aijo', bee'mo mae hi kami.

YEREMIA 25:30

Iwi-iwi' na anu pinoto'ing-Kumo hi beleyum, o Yeremia, tionyo ahi' nu poto'i nu beleyum. Poto'i hi aha, ‘Potatae nu Tumpu pinobehengkatmo mae lengkat i suluga'; lengkat mae itampat-Nyo anu susi'. Ia binuhokanmo mae susumo gohung mongewa mian anu palesayamo hi Ia. Songko-songko na mian anu jojoong idunia aiya mohongomo Ia molo ais sumomo to mia-mian anu mokalaja mompao' anggur itampat pompetian anggur.

HABAKUK 2:20

Tumpu kiijo' i uno nu Laigan-Nyo anu susi'; tionyo ahi' iwi-iwi' na mian i dunia aiya boli manjoo' na katalangan i ahop-Nyo.

ZEFANYA 1:7

Sinaa nu Tumpu ohanimo mae toka, isinaa aijo' Tumpu nongalamo sa'angu' na katantuan; kalana aijo' bolimo daagi momoya mompala'i Ia. Tumpu hau-haunyomo mosadia monsilakaimo mian-Nyo anu pinalesayamo susumo koloban anu osombahkon ka' Ia nolagamo to sampo-sampo bali' nu aha Yehuda.

ZEFANYA 2:9

Kalana Aku anu tumuu', Tumpu nu bansa Israel, Kusapuimo iwi-iwi' na Moab tiba Amon susumo Sodom ka' Gomora. Lipu' haha aijo' mobuke'mo nu bubung anu kaho timusonnyo, kota' anu singkapmo ma'idek anu nu tumuu'imo nu kau' tiba hemput sampe sidu-sidutu'. Tuha' nu mian-Ku anu pinalesayamo anu daagi tutuu' montomangmo mian anu jojoong ikiijo' ka' mongalamo tano' nu aha.”

ZEFANYA 3:8

Panyo jaga mae! Tanda'imo na sinaanyo. Aku tuminjomo susumo anu mongkalak. Kalana pinutusan-Kumo da oposihukmo na to bansa-bansa tiba to kala-kalaja'an da Ku pokonamo na tambuha'-Ku hi aha. Songko-songko na dunia mingkotmo nu kaan nu apu nu tambuha'-Ku.

ZAKHARIA 4:9

Pinoto'i-Nyo, “I Zerubabel nompotimpasmo pundasi nu Laigan-Ku, ka' ia na mompojadi iwi-iwi' na laigan aijo'. De aijo' jadimo mian-Ku anu palesayamo monsumbu'je talu' Akumo na anu nompalentah mae beleyum Zakharia namba mae hi aha.

ZAKHARIA 6:15

Tomia-mian tokamo mae lengkat i tampat anu majo'on ka' montulungimo mombau Laigan-Ku. De laigan aijo' timbalimo nu sumbu'je nu aha na Aku talu' Tumpu Anu Daka' na Kuasanyo nonompalentahmo mae beleyum da tinoka mae hi aha. Iwi-iwi' aijo' timbali jadi de aha totu-totu'u montuluti iwi-iwi na palentah-ngKu, Tumpu nu aha.”

ROMA 3:19

Uuka aiya osumbu'to taalu' iwi-iwi' na anu tinulis i uno nu atulan nu agama Yahudi, kona hi to mia-mian anu daagi' i aluk nu palentah nu atulan aijo'. Desumo aitu madi' ko samian pe'e na moko ala mombee'i katalangan da bau kahondoan mule', ka' songko-songko na dunia timbali nu tuntut nu Tumpu.

ROMA 9:20

Panyo, kita Utus! Kita Utus ola mian. Ka' kita Utus madi' timbali baani montaami Tumpu! Te timbali na tampat nu bunga mompokilawa hi mian anu nombau, “Ka' kadaka' beleyum nombau aku sumo aiya?”

PO'ULE' INGULIT 18:21

Ugat belemiu motatae i uno nu kinyonyoa, ‘Mosia na kami monsumbu' potuunon nu samian na nabi aijo' nolengkat mae hi Tumpu kabai misa'?’

PO'ULE' INGULIT 18:22

De samian na nabi motatae kalana sanggo nu Tumpu, panyo anu nu taloakon aijo' madi' jadi, saba' anu tinahi'annyo aijo' nyata' misa' anu nolengkat mae hi Tumpu. Nabi aijo' motatae posi pongka'oho'nyo, jadi boli okabuhuk na ia.”

PO'ULE' INGULIT 26:15

I tampat nu belento anu susi' i suluga' sanangmo pe'e mae ahi' na kinyonyoa nu belento montoa ka' mombalakati mae mian nu Israel anu pinalesayamo hi bebelento; balakatiakon mae suele na lipu' anu kaya ka' ma'omuk anu binee'mo nu belento hi kami susumo anu jinanji'mo nu belento hi mompolee' mami.’ ”