ZAKHARIA 14:20 - KITAB NU TUMPU ALLA LELE MA'IMAI'

²⁰ I sinaa aijo' iwi-iwi' na dio-dio anu opoko na i baju' nu ajahan otulisimo nu tulisan; “Samata-mata obee'mo hi Tumpu”. To kuho-kuhon anu daagi' i Laigan nu Tumpu oholomatimo sumo to mangko-mangko' anu opake de mombaumo palasombahan i ahop nu mezbah.

ZAKHARIA 14:20 ပူးပေါင်းရင်းမြစ်များ

MAZMUR 110:3

De tokamo na sinaanyo beleyum mongkuasaimo, i bungkutnyo anu susi', layat nu beleyum sanang na mamba mahampate. Sumomo dondu'ok daagi' subu, to oli-olitau tokamo mae hi beleyum.

NOSABATMO 25:29

Obau na to lea-lean ka' to sangki-sangkin, to sele-selekan ka' to mangko-mangko' da pongisian anggur anu osombahkon. Iwi-iwi' na posadiaonnyo nu meja' aijo' tionyo ahi' mosoni' na obau anu madi' ko galo'nyo.

NOSABATMO 37:16

Ia mule' nombau to lea-lean, ka' to pato-patongko, ka' to sele-selekan, ka' to mangko-mangko' anu opake pongisian anggur anu osombahkon. Iwi-iwi' na posadiaon nu meja' aijo' mosoni' anu madi' ko galo'nyo na binau.

NOSABATMO 39:30

Suele obunga-bungai nu mosoni' anu madi' ko galo'nyo, pontandai saba' aha tinantukanmo mokalaja samata-mata hi Tumpu. I bunga-bunganyo haha aijo' tinulismo na potatae; “Samata-mata mokalaja hi Tumpu”.

YESAYA 23:18

Ka untungan tiba tambo nu mokalaja anu nu humpak madi'mo ola nu una', panyo nu palasombahkonmo hi Tumpu. Aha to mia-mian anu monsombahmo Tumpu monggunakonmo doi aijo' bau pongoli kapalaluan nu aha pihude tiba anu nu kaan nu aha.

YESAYA 52:1

Pobulamo o, Yerusalem, pobulamo! Pohoson na kinyonyoa nu beleyum! Pusokmo na baju' pesalin nu beleyum! O, Yerusalem, kota' anu susi', mian anu mahumimi' madi'mo daagi' minsoop i sabatan daka' nu belemiu.

YEREMIA 31:40

Songko-songko na bangka'nyo aijo' anu pinakemo salaku lewa bau polamunan mian ka' bau tampat pongalinan duhehe ka' mule' iwi-iwi' na ale' isonibi nu Kaunyo Kidron toka-toka i Sabatan Daka' Ajahan namba isasu kabete'an aijo' binee'mo samata-mata bau kapentingan-Ku. Kota' Yerusalem madi'mo daagi' ohobo'akon kabai ohansuni.”

YEHEZKIEL 45:1

Ma'isa pe'e tano' aijo' obagi-bagiakon da timbalimo tano' pusaka' nu totosa'angu' na tulunan nu bansang, tionyo ahi' oposi po iwi'mo sa'angu' na bahagian da bau bagi nu Tumpu. Tano' aijo' tionyo ahai' komantannyo 12,5 kilometen ka' mule' kobolanyo 10 kilometen. Songko-songko na daerah aijo' otantukanmo tano' anu sinusi'mo.

IMAMAT 6:28

Kuhon tano' anu opake pongkulukian antoknyo nu koloban aijo' tionyo ahi' oposo'mo. De kuhon besak na pinake, kuhon aijo' tionyo ahi' ogegesi ka' opobelesi' nu uee.

IMAMAT 8:9

Lantas pinosongko'nyomo na suluban hi Harun, ka' i suluban aijo' pinosamatnyomo na mainan mosoni', salaku bau pontandai saba' i Harun anumo nu Tumpu. Iwi-iwi' aijo' binaumo i Musa susumo anu pinalentahkonmo nu Tumpu hi ia.

OBAJA 1:17

“Panyo i bungkutnyo nu Sion saidi' mae ko anumo oposalamat ka' bungkutnyo aijo' timbalimo sa'angu' na tampat bau katokaan-Ku. Sahingga lee' i Yakub po Ule'mo montumpui tano' pusaka' nu aha.

ZEFANYA 2:11

Tumpu mombaumo aha da mabuhuk. Ia mohansunimo to pilo-pilogot anu aiya i dunia. Lantas iwi-iwi' na bansa saidi' mae monsombahmo Tumpu i posi-posi lipu' nu aha.

ZAKHARIA 14:19

Aijo'mo na hukuman anu opokona hi aha Mesir ka' mule' hi iwi-iwi' na bansa anu madi' mongka'oho' molame'akon Lamean Tahop o, o, atopi nu Hon nu kau'.

ZAKHARIA 8:3

Aku po ule'mo minsusule' i Yerusalem, kota'-Ku anu susi' aijo' ka' jojoongmo ikiijo' mae. Yerusalem saidi mae nu sumbu'je nu mian salaku kota' anu tulu-tulutan, ka' puge'nyo nu Tumpu Anu Daka Na Kuasanyo osanggohije Puge'nyo anu Susi'.

ZAKHARIA 9:15

Mian anu palesayamo hi Ia na memang ahi' Nu jagai, sahingga iwi-iwi' na sampobali' nu aha timbali opoko ala opatundu'. Susumo polo ais nu mian anu nalangumo nu inumon, sumo aitumo na polo ais nu aha hau-haunyo mahampate. Susumo baso' nu koloban anu dinudu'akonmo aita' i mezbah sumo aitumo na baso' nu sampobali' nu aha nobubus.

MALEAKHI 1:11

Aku o adati nu mian iwi-iwi' isongko-songko na dunia. Iyayamae kamangian opapui salaku bau pongadati sanggong-Ku ka' osombahkon suele na koloban-koloban anu memang ahi' pantas, kalana iwi-iwi' na bansa mongadati mae Aku!

NOMBILANGMO 4:14

Ka' aita' i bawonyo aijo' nu paha potimpasmo nu aha iwi-iwi' na pakakasnyo anu opake monsombah i mezbah aijo': pomposulian apu, sobang, ponsangku' ka' pongisian uee. Lantas tionyo ahi' nukukubi nu aha iwi-iwi' aijo' nu kilit anu ma'ima' hondo santake ka' opokonamo na kau' polembanan.

NOMBILANGMO 4:7

Aha tionyo ahi' mongkukubi nu sambotu' na hude mobilu' i meja' pompo'una'an roti anu okaan anu bau bagi nu Tumpu, ka' aita' i meja' aijo' tionyo ahi' nupotimpasi nu aha lean, dulang, bau pompotimpasan kamangian, dulang pompotimpasan anu osombahkon ka' selekan pongisian anggur anu osombahkon. Roti kaanon tionyo ahi' saja' opo'una' i meja' aijo'.

LUKAS 11:41

Anu i uno nu mangko' ka' i leanum aijo', aijo'mo na anu tionyo obee' miu hi to mia-mian anu kasiasi. Tiba jalan aijo', iwi-iwi' timbalije mompobelesi' butong komiu.

SISIKON NU TO RASUL-RASUL 10:15

Panyo lewo' aijo' notatae mule' hi ia, “Apaa na anu tinaloakonmo nu Tumpu timbali o kaan, bolimo nu sangka aijo' madi' timbali o kaan.”

SISIKON NU TO RASUL-RASUL 10:28

Lantas ia notatae hi aha, “Posi to Utu-utus monsumbu' saba' mian nu Yahudi o tewa' nu agamanyo na mamba molenga kabai mompahasumbu' tiba to mia-mian lengkat i bansa sangga'at. Panyo Tumpu nompotoamo hi belengku, saba' aku madi' timbali monsangka mau pe'e ihe pahengas kabai madi' timbali o kaan.

SISIKON NU TO RASUL-RASUL 11:9

Panyo lewo' aijo' notatae mule' lengkat i langit, ‘Apaa na anu pinonyata'mo nu Tumpu timbali o kaan boli otaloakon madi' timbali o kaan.’

SISIKON NU TO RASUL-RASUL 15:9

Tumpu montoa kita pokakana sumo aha. Ia nompobelesimo kinyonyoa nu aha, kalana aha palesaya.

KOLOSE 3:17

Apaa na anu obau miu iwi-iwi' kabai otaloakon, aijo' obau ka' otaloakon, samata-mata kalana sanggo nu Tumpu Yesus. Montalima kase ahi' hi Tumpu Tuumanto, kalana apaa na anu binaumo i Yesus hi komiu.

1 PETRUS 2:5

Belemiu sumomo to batu-batu anu tumuu'. Kalana aijo' tionyo ahi' da belemiu opake bau pompotinjo Laigan nu Tumpu, aijo'mo posa'angu'an nu mian anu pinalesayamo. Desumo aitu yo belemiu timbalimo to ima-imam, anu tumuu' matungka' bau kapentingan nu Tumpu Allah, ka' kalana i Yesus Kristus nonsombahkonmo butongnyo binau koloban rohani anu nuka'ima'i nu kinyonyoa nu Tumpu.

1 PETRUS 2:9

Panyo belemiu bansa anu pinile'anmo, to ima-imam anu mohongo ka' mombau palentah nu tomundo, bansa anu susi' matungka' bau kapentingan nu Tumpu, mian anu nu Tumpu. Tumpu Allah nompile'imo belemiu ka' nolagamo belemiu nosabat mompala'i mae kapintungan da minsoop i uno nu jingka-Nyo anu lonyingkaban, kahanda'nyo da belemiu mombebakon lele mongkona apa-apaa na anu binau-Nyomo anu madi' opoko lingkudui.

1 PETRUS 4:11

Mian anu mompotokakon lele, tionyo ahi' mompotokakon lele anu lengkat mae hi Tumpu; mian anu mongkalesang kapalaluan nu mian sangga'at, tionyo mongkalesang nu kahosonan anu lengkat mae hi Tumpu, da i uno nu iwi-iwi na han, Tumpu na opopodaka' kalana i Yesus Kristus. Ia na anu ko kuasa ka' patut opopodaka' sampe toka sidu-sidutu'. Amin.

ANU PINOTO'I HI YOHANES 1:6

Ka' nompotimbalimo kita sa'angu' na bansa to ima-imam anu mompojalan palentah nu Tumpu, Tuuma-Nyo. I Yesus Kristus aijo'mo na anu talasanggo ka' anu mongkuasai sampe toka sidu-sidutu'. Amin!

ANU PINOTO'I HI YOHANES 20:6

Mohumpakmo ka'ima'an na to mia-mian anu po'ule'mo o potumuu' i bahagian anu momonanyo aijo'. Aha konanyomo na timbali anumo nu Tumpu. Kasilakan anu kopinduannyo madi'mo mongkuasai aha. Aha timbalimo to ima-imam nu Tumpu, ka' to ima-imam i Kristus; ka' aha mompalentahje tiba Ia kopinnyo samadala na taun.

ANU PINOTO'I HI YOHANES 5:10

Beleyum nompotimbalimo aha sa'angu' na bansa da timbali samata-mata bau to ima-imam, da aha mompojalan palentah nu Tumpunto, ka' mompalentah dunia aiya.”

1 SAMUEL 2:14

sobang aijo' nususukakonmo nu aha i uno nu kuhon anu pinongkulukian anantoknyo aijo', lantas maumo pa' apaa na ohela' nu sobang ka' anu nu kaitmo mae aijo' nu alamo hi ia. Iwi-iwi' na mian nu Israel anu toka ikiijo' i Silo monsombahkon koloban nu bau nu aha sumo aijo'.