ZAKHARIA 14:2 - KITAB NU TUMPU ALLA LELE MA'IMAI'

² Nu posihukmo nu Tumpu iwi-iwi' na bansa da montumbuhimo Yerusalem. Kota' aijo' opatundu'mo ka' iwi-iwi' na laigannyo otololangimo ka' mule' to bou-bounenyo suele opasala'imo nu aha. Mintonga' na bagian na aha mian anu jojoong kiijo' oboamo i tampat pompojoongan, panyo labinyo na jinojoong ahi' i kota' aijo'.

ZAKHARIA 14:2 ပူးပေါင်းရင်းမြစ်များ

YESAYA 13:16

Nu sakisimo nu aha na to bunga-bunga mea' nu aha ohansunimo, ka' mule' laigan nu aha iwi-iwi' otongkalimo ka' mule' to bengke-bengkele' nu aha opakisamo na mompatiduhusi.”

YESAYA 4:3

Batu-batu mian anu daagi' tinasisa i Yerusalem, ka' mule' aha to mia-mian anu pinile'anmo nu Tumpu da oposalamat, osanggohimo sinusi'mo.

YESAYA 5:26

Tumpu molagamo bansa anu majo'on ka' aha tokamo mae malia-lia'!

YESAYA 65:18

Bilahimo ka' lame'mo sampe toka sidu-sidutu' kalana apaa na anu binaung-Kumo. Aku mombaumo Yerusalem anu obauje mule' ka' saja' kokabilahian, ka' mian anu monjojoongi ola saja' lame'.

YEREMIA 21:4

da mompoto'i hi Zedekia taalu' Tumpu, Tumpu Allah Israel nompoto'imo mae sumo uuka, “Zedekia, Ku patundu'mo na suludadu nu beleyum anu hau-haunyo nahampatemo nongewa tomundo' Babel tiba suludadunyo. Sinin na toongon bau pahampate nu suludadu nu beleyum Ku tambunmo itotonga' nu kota'.

YEREMIA 34:1

Salatan i Nebukadnezar tomundo' nu Babel tiba suludadunyo anu lebemo pinaka pohoson nu to sulu-suludadu anu lengkat mae isinin na bansa ka' negara tinundu'mo hi ia, aha tinokamo mae nontumbuhi Yerusalem tiba kota-kota' anu madi' majo'on ikiijo', Tumpu nompoto'imo mae hi belengku.

MOHAANGI 1:10

Iwi-iwi' na halata'nyo ingagoanmo nu sampobali'nyo. Ia me montoa aha mompinsoopi Laigan nu Tumpu Allah, sa'angu' na kalakuan anu madi' nupobee' nu Tumpu hi mian anu ma'isa palesaya hi Ia.

YEHEZKIEL 5:8

Sahingga Aku, Tumpu Anu Matangkas na Kuasanyo mompoto'imo saba' Akumo na sampobali' nu beleyum. Beleyum Ku hukumje i ahop nu to bansa-bansa sangga'at.

YOËL 3:2

Iwi-iwi' na bansa, Ku posihukmo ka'Ku boamo i Bangka'nyo nu Pomputusian. Lantas Ku putusimo na palabuatan nu aha ma'i-ma'idek aijo' bibinaumo nu aha hi mian-Ku anu palesayamo kalana aha nombagi-bagimo tano' nu Israel ka' mule' mian-Ku anu palesayamo binoamo nu aha i yayamae na lipu'.

YOËL 3:9

Bebakonmo na anu pinoto'imo aiya hi aha to bansa-bansa. Posadiamo na mahampate ka' osabung na butong nu belemiu! Potumbumo mae na anu toto babaani tiba to tale-talenga', posihukmo mae na suludadu iwi-iwi' ka' pahampatemo!

AMOS 7:17

Tumpu notatae tukoo-Nyo bengkele' nu beleyum tinimbalimo mian masala' i jala-jalan nu kota' ka' to ana-anak nu beleyum opateimo i pahampatean. Tano' nu beleyum obagi-bagimo hi mian sangga'at, ka' suele beleyum silakamo ilipu' anu madi' palesaya hi Tumpu. Mian aha i Israel memang oboamo ka' opojoongmo i sa'angu' na tampat, majo'on ilipu' nu aha.”

ZAKHARIA 12:2

“Ku baumo na Yerusalem susumo piala anu ko isinyo anggur, to lipu-lipu' anu mompaha ohani monginumo ka' mahasungonanmo susumo mian anu malangumo. Ka' de Yerusalem otumbuhimo to kota-kota' i lipu' Yehuda anu daagi' suele ahi' otumbuhimo.

ZAKHARIA 12:3

Panyo de sinaa aijo' tokamo mae, Ku baumo na Yerusalem susumo batu anu maboat; maumo bansa pa' iya mae na monsoba mohangkat mohumpakmo bahaya. Iwi-iwi' na bansa i dunia aiya mosa'angu'mo montumbuhi Yerusalem.

ZAKHARIA 12:9

I sinaa aijo' Ku silakaimo na to bansang-bansang anu monsoba-soba montumbuhi Yerusalem.

MATIUS 22:7

Salatan tomundo aijo' nohongo han aijo', ia pinusa hondo. Ia nonsai suludadunyo da mompatei anu lewa' mompatei aijo' ka' nompapui kota nu aha.

MARKUS 13:14

“Komiu montoaje' ‘Ka'idekan anu Monsilakai’, tuminjo i tampat anu opoliwa' hi ia. (Pompotuka' hi anu mombasa': Palahatikan apaa na alati'nyo!) Tempo'nyo aitu mian anu jojoong i Yudea, tionyo malai mamba i i bungkutnyo.

MARKUS 13:19

I sinaa ma'idek tempo' aitu daagi' ko kasusa'an anu ma'isa toho' tinimbali, salatanmo pe'e Tumpu nompotimbali dunia sampe tempo' u'uka, ka' madi'mo daagi' po'ule' timbali.

LUKAS 2:1

Tempo'nyo aijo' i Tomundo Agustus nompalentahkon da iwi-iwi' na layat nu kalaja'an Roma mombee' sanggo o tulis da o bilang na konjoo'nyo.