ZAKHARIA 14:17 - KITAB NU TUMPU ALLA LELE MA'IMAI'

¹⁷ De daagi' ko bansa anu madi' mongka'oho' mamba i Yerusalem da monsombah Tomundo' aijo'mo Tumpu Anu Daka' na Kuasanyo saba' ilipu'nyo madi'mo ko ujan anu tudun mae.

ZAKHARIA 14:17 ပူးပေါင်းရင်းမြစ်များ

KAJADIAN 10:32

Iwi-iwi' aijo' lee' i Nuh, bansa toka sa'angu' na bansa ko posi-posi lee' nu aha. Ahamo na nolee'akon to bansa-bansa i dunia aiya noko lapas na iyaba' daka' aijo'.

KAJADIAN 12:3

Ku balakatije na to mia-mian anu mombalakati beleyum ka' mongkutuki to mia-mian anu mongkutuki beleyum. Ka' kalana beleyum Ku balakatije na bansa iwi-iwi' i dunia.”

KAJADIAN 28:14

Lee' nu beleyum timbalimo susumo abu' i tano' na konjoo'nyo. Aha mompaka pobolamo da'erah nu aha toka-toka iyaya mae, ka' lengkat mae hi beleyum ka' lee' nu beleyum Ku balakatimo na bansa iwi-iwi' i dunia aiya.

1 TOMU-TOMUNDO' 17:1

Daagi' ko samian na nabi, sanggonyo i Elia. Ia mian lengkat mae i Tisbe, sa'angu' na kota' i da'erah Gilead. Daagi' kino sansinaan ia tinokamo hi Tomundo' Ahab ka' notatae, “Jumo nu sanggo nu Tumpu anu tumuu' Tumpu Allah anu osombah nu mian Israel ka' anu kuku hongo na palentahnyo, ku poto'i hi belento Tuan, ohua' kabai totolu' na taun anu aiya mae i ahop madi'mo daagi' ko dondu'ok kabai ujan mau ola sangkiding, de ku poto'imo, yo atina' daagi'mo.”

1 TOMU-TOMUNDO' 8:35

De mian anu pinalesayamo hi Belento ka' baladosa'mo hi Belento ka' o hukummo nu Belento na aha madi'mo montudunakon mae ujan lantas aha balatobatmo madi'mo mombau dosa' nu aha ka' mongadatimo Belento salaku Tumpu, lapas aijo' aha tokamo mae i laigan ponsomban aiya ka' balado'amo hi Belento, de timbali Belento kiita' i suluga' mompotombihingakon mae naha,

2 TAWARIKH 6:26

De mian anu pinalesayamo hi belento baladosa'mo hi belento ka' belento mohukumo aha, madi'mo montudunakon ujan, lantas aha madi'mo mombau dosa' nu aha ka' mongadatimo belento salaku Tumpu, lapas aijo' tokamo mae i Laigan nu Belento aiya ka' balado'amo hi belento,

2 TAWARIKH 7:13

De madi' Ku tudunakon na ujan kabai monsai mae kihi-kihi' da mongingkoti isi nu ale' kabai mompotoka mae panyakit anu molele hi mian anu pinalesayamo hi belengku,

YESAYA 18:7

Tokaje mae na tempo'nyo palasombahan-palasombahan obee'mo hi Tumpu Anu daka' na Kuasanyo lengkat mae ilipu' aijo' nunu sahak nu kaunyo haha aijo'anu lengkat mae i bansanyo anu mahoson ka' mule' baani, ka' mule' lengkat hi aha miannyo anu toto tangka-tangkas ka' kilitnyo ma'ima' ka' mule' okabuhuk isongko-songko na dunia aiya. Aha tokamo mae i Puge'nyo nu Sion itampat nu Tumpu Anu Daka' na Kuasanyo osombah.

YESAYA 45:23

Aku binalajanji'mo ka' janji'-Ku aijo' madi'mo mongabali'; posi Akumo ahi' na binasumpa'; Toto samian saidi' mae tolodadupumo i ahop-Ku, ka' posi basa'nyomo na ia balajanji' tulu-tulutanmo hi beleng-Ku.

YESAYA 5:6

Ku pojohokmo da nutumuu'imo nu hemput nu alas. Anggurnyo madimo lewa' Ku patagi na sumpenyo ka' mule' madi'mo lewa' Ku sube'i na hemputnyo. Pakalaus Ku pobakasmo da nu kalumbungimo nu hemput anu kohii'nyo, ka' mule' iwi-iwi na kundom Ku tewa'mo da bolimo montudunakon ujan.”

YESAYA 60:12

Bansa tiba kalaja'an anu madi' mongka'oho' tulut hi beleyum osilakaimo ka' mingkotmo.

YEREMIA 10:25

Potudunje na kapusan nu Belento hi aha to bansa-bansa anu madi' mongakui Belento ka' madi' monsombah Belento. Kalana aha nonsilakaimo mian anu palesayamo hi Belento ingko-ingkot ka' mule nohansunimo lipu' mami.

YEREMIA 14:22

Pilogot nu to bansa-bansa madi' moko ala montudunakon ujan i tano'. Langit suele imadi' ahi' moko ala mombubusakon ujan nu posi kuasanyo. Ola-olanyomo ahi' Belento na anu otaha'imani mami. Belento na nombau aijo' iwi-iwi' sampe jinadi.

YEREMIA 14:3

To posa-posaihon nu mian kaya sinaimo mamba molio uee iyaya mae; Iwi-iwi' na bubung ilambananmo nu aha panyo ueenyo iningkotmo iwi-iwi'. Madi' mae kino isinyo na kendi anu po ule' mae binoa nu aha. Binimbangmo na aha ka' sinusa'mo na kinyonyoa nu aha ka' na ambangmo sahingga kinukumbunganmo nu aha na ohup nu aha.

YEREMIA 14:4

Ujan madi'mo tinudun ka' tano' notiismo ka' nobeka-beka'mo; mian anu mongale' nongkukumbungimo ohup nu aha kalana madi'mo daagi' koanu otaha'imani.

AMOS 3:2

“Pa' sangkuka na bansang i dunia, ola sa'a-sa'angu'mo na bansa na anu Ku sumbu' ka' Ku palahatikan. Aijo' na sababnyo dosa' nu belemiu talalo daka', ka' Aku totu-totu'u mohukumo belemiu.”

ZAKHARIA 14:16

Lapas aijo' iwi-iwi' na mian anu daagi' tutuu' aijo' hi aha bansa-bansa anu toho'mo nontumbuhi Yerusalem mambamo i kota' aijo' da monsombahmo Tomundo', aijo'mo Tumpu Anu Daka' na Kuasanyo ka' molame'akonmo Lamean Tahop o, o, atopinu nu Hon nu kau'.

ZAKHARIA 14:9

Sahingga Tumpu mompalentahmo salaku tomundo' i songko-songko na dunia; toto samian monsombahmo Ia salaku Tumpu ka' monsumbu'mo Ia i uno nu sanggo anu pokakana.

PO'ULE' INGULIT 11:17

De belemiu molanggaimo palentah aijo', nutambuha'imo nu Tumpu na belemiu. Ia madi'mo mompodaagi' mae ujan; tano' miu timbalimo mapeges hondo, sahingga anu osu'an madi'mo ko hasinnyo. Sahingga ola sakinihap belemiu silakamo i tano' anu ma'omuk anu binee'mo nu Tumpu hi belemiu.

YAKOBUS 5:17

I Elia pokakana mian sumo kita. Ia binalado'a totu-totu'u da ujan boli tudun, sahingga ujan madi' tinudun tinotolu' ka' inintonga' na taun na kinopinnyo.

ANU PINOTO'I HI YOHANES 11:6

Aha daagi' ko kuasa mongkulubi langit da boli tudun mae na ujan hau-haunyo aha daagi' mombebakon lele lengkat mae hi Tumpu Allah. Aha daagi' suele ko kuasa mongkuasai iwi-iwi' mata nu uee, da mombali'i uee timbali baso'. Ka' aha daagi' mule' ko kuasa mondoke dunia nu iwi-iwi' na ngahan nu balaa', de aha kahanda'mo mombau.