ZAKHARIA 14:16 - KITAB NU TUMPU ALLA LELE MA'IMAI'

¹⁶ Lapas aijo' iwi-iwi' na mian anu daagi' tutuu' aijo' hi aha bansa-bansa anu toho'mo nontumbuhi Yerusalem mambamo i kota' aijo' da monsombahmo Tomundo', aijo'mo Tumpu Anu Daka' na Kuasanyo ka' molame'akonmo Lamean Tahop o, o, atopinu nu Hon nu kau'.

ZAKHARIA 14:16 ပူးပေါင်းရင်းမြစ်များ

2 TAWARIKH 8:13

Koloban haha aijo' sinombahkonnyomo susumo koonyo nu Atulan i Musa de tokamo i sinaa molamean: sinaa nu Sabat, sinaa molame'akon Bitu'on Bu'ou, ka' kototolu'nyomo lamean anu obau sataun toka sataun, aijo'mo sinaa nu lamean Roti Madi' ko Raginyo, sinaa nu lamean mongalamo isi nu ale', ka' sinaa nu lamean Tahop O'atopi nu Hon nu kau'.

EZRA 3:4

Aha mule' nolame'akonmo Sinaa Molame'akon Tahop anu o'atopi nu Honnu kau', susumo koonyo nu atulan; ka' sansinaa sinaa monsombahkon koloban anu pinosadiamo osombahkon sinaa aijo'.

MAZMUR 66:4

Songko-songko na dunia tinolodupumo nonsombah Belento, aha nanyanyimo nompuji' sanggo nu Belento.”

YESAYA 18:7

Tokaje mae na tempo'nyo palasombahan-palasombahan obee'mo hi Tumpu Anu daka' na Kuasanyo lengkat mae ilipu' aijo' nunu sahak nu kaunyo haha aijo'anu lengkat mae i bansanyo anu mahoson ka' mule' baani, ka' mule' lengkat hi aha miannyo anu toto tangka-tangkas ka' kilitnyo ma'ima' ka' mule' okabuhuk isongko-songko na dunia aiya. Aha tokamo mae i Puge'nyo nu Sion itampat nu Tumpu Anu Daka' na Kuasanyo osombah.

YESAYA 19:21

Tumpu mompotoamo butongnyo hi bansa Mesir, ka' saidi' mae nusumbu'mo nu aha na Ia ka' mule' nu sombahmo nu aha ka' momboamo koloban anu opalasombahkon hi Ia. Aha balajanji'mo hi Ia, ka' basumpa'mo da han aijo' tataap ahi' obau.

YESAYA 27:13

Tempo'nyo aijo' opo onyi'mo na tolompet daka-daka' bau polaga mule' da minsusule'mo mae na aha mian nu Israel anu binoamo i Asyur tiba i Mesir. Aha tokamo mae i Yerusalem da monsombahmo Tumpu aita' i puge'-Nyo anu susi'.

YESAYA 6:5

Lantas aku notataemo, “Silakamo! Madi'mo daagi ko anu ku taha'imani kalana nganga'ku nahenyumo nu dosa' ka' aku jojoong hi aha bansa anu suele susumo aijo'mo. Maumo sumo aijo' posi matangkumo na nontoa Tomundo', aijo'mo Tumpu Anu Daka' na Kuasanyo!”

YESAYA 66:23

Salatan Bitu'onmo anu sala'je bete' ka' mule' salatan sinaamo nu Sabat iwi-iwi' na manusia tokamo mae monsombah Aku i kota' Yerusalem.

YEREMIA 46:18

Aku, Tumpu Allah anu tumuu', Aku tomundo', Tumpu Anu Mahakuasa. Susumo Bungkutnyo nu Tabor natunjomo nokiita' i olot nu to bungku-bungkutnyo, ka' mule' Bungkutnyo nu Karmel natunjomo nokiita' noliu-liumo ambai, sumo aijo'mo na kahosonannyo nu aha anu toka mae montumbuhi beleyum.

YEREMIA 48:15

Moab tiba iwi-iwi' na kota'nyo ihansunanmo ka' to oli-olitaunyo toto ima-ima' hondo pinateanmo. Aku notataemo, Aku tomundo', Tumpu Anu Mahakuasa.

YEREMIA 51:57

Ku languimo na to mia-mian anu kopangkatnyo ipamalintahan Babel mian anu toto pande-pande, to pola-polaya' tiba to sulu-suludadu. Aha madi'mo daagi' sola' po ule' mobula, panyo sahoyotnyomo sampe toka sidu-sidutu'. Aku, notataemo; Akumo na tomundo', Aku, Tumpu Anu Balakuasa hondo.

HOSEA 12:9

Kita uuka aiya kinayamo na koonyo nu aha. ‘Kita inguntungmo! Madi' ko samian pe'e na anu monsangka tukoonyo kita nohumpak kakaya'an kalana katageo'anto'.’

YOËL 2:32

Panyo de ihe na momoita tulung hi Tumpu saidi mae nu posalamatmo. Tumpu motataemo, “I Yerusalem to mia-mian anu pinile'an-Kumo oposalamatmo.”

MIKHA 4:2

aha iwi-iwi' motataemo, “Imbo' da kita mamba mindako mokiita' i puge'nyo nu Tumpu i Laigan nu Tumpu Israel! Ia nompogulu'mo hi kita apaa na anu tionyo ahi' obaunto. Kita mombatukimo pangajalan-Nyo kalana pangajalan nu Tumpu lengkat mae i Yerusalem; kiita mae i Sion Ia notataemo hi mian-Nyo anu palesayamo.”

ZAKHARIA 14:9

Sahingga Tumpu mompalentahmo salaku tomundo' i songko-songko na dunia; toto samian monsombahmo Ia salaku Tumpu ka' monsumbu'mo Ia i uno nu sanggo anu pokakana.

ZAKHARIA 9:7

Aha madi'mo daagi' mongkaan antok nu binatang anu daagi' baso'on kabai kaanon sangga'at anu opoliwa' madi' timbali okaan. Iwi-iwi' na mian anu daagi' tontuha' timbalimo mian anu palesayamo hi beleng-Ku, ka' o, anggapmo salaku tulunan nu bansa Yehuda. Ekron timbalimo mian anu palesayamo hi beleng-Ku susumo aha mian nu Yebus tempo'nyo naipuan mae.

MALEAKHI 1:14

Mohumpak kutuk na anu topo akali anu mompalasombahkon hi beleng-Ku binatang anu madi'mo mingkaliangan de memang ahi' hi aha aijo' daagi ko potuu'onnyo anu jinanji'nyomo binatang anu ma'ima na osombahkon hi beleng-Ku! Kalana Akumo na Tomundo' anu Talasanggo ka' mule' o adati nu iwi-iwi' na bansa.”

LUKAS 19:38

Aha noloboo'akon, “Balakatiakon na Tomundo anu tinokamo mae kalana sanggo nu Tumpu! Salamat i suluga', ka' o puji' na Tumpu Allah!”

YOHANES 1:49

“Kita Tuumangku Gulu',” na koonyo i Natanael, “Kita Tuuma Anak nu Tumpu! Kitamo Tuuma na Tomundo bansa nu Israel!”

YOHANES 7:2

Tempo'nyo aitu ohanimo na lamean Sinaa Daka' Pondok Daun.

SISIKON NU TO RASUL-RASUL 15:17

da iwi-iwi' na mian anu tinasisa aijo' molio Tumpu, tiba iwi-iwi' bansa sangga'at anu misa' Yahudi anu i lagang-Kumo da timbalimo Aku na tumpunyo.’

ROMA 11:16

De sandihis na roti anu momona binee'mo hi Tumpu, aijo' alati'nyo iwi-iwi' na roti obee'mo hi Tumpu. Ka' de bakat nu kau' anu Nu Tumpu, aijo' alati'nyo to panga-panga'nyo anu-Nyomo suele.

ROMA 11:26

Sumo aijo' na mian nu Yahudi iwi-iwi' oposalamat. Kalana i uno nu Kitab nu Tumpu tinulismo sumo uuka, “Tomundo' anu Momposalamat tokaje mae lengkat i Sion; Iaje na mongalini iwi-iwi' ka'idekan anu lengkat mae hi lee' i Yakub.

ROMA 11:5

Sumo aitu mule' tempo' uuka aiya: Daagi' ko to mia-mian sangkiding anu pinile'anmo nu Tumpu, kalana balakat-Nyo.

ANU PINOTO'I HI YOHANES 11:13

Sahingga tempo'nyo aijo' jinadimo na luulu' daka' hondo. O bagi sampulu' sambahagian na kota aijo' i hansun, ka' popitu' na madala na mian i natemo nu luulu' aijo'. To mia-mian sangga'atannyo aijo' nabuhukmo hondo, lantas aha nompuji'mo katalasanggoan nu Tumpu i suluga'.

ANU PINOTO'I HI YOHANES 19:16

I juba'-Nyo ka' i pa'anyo tuli-tulis na sanggo sumo uuka, “Tomundo nu tomundo iwi-iwi', ka' Tumpu nu tuan iwi-iwi'.”