ZAKHARIA 14:10 - KITAB NU TUMPU ALLA LELE MA'IMAI'

¹⁰ Songko-songko na lipu' lengkat mae i Geba sasu utara toka-toka i Rimon sasu salatan timbalimo katano'an. Panyo Yerusalem mompaka patangkasmo lebemo matangkas nu liu-liumo na tano' anu i duhu-duhuknyo; kota aijo' mompaka ewamo lengkat mae i Sabatan Daka' Benyamin toka-toka i Sabatan Daka' anu i Pasu'nyo, tampat nu Sabatan Daka' anu Momona ka' lengkat mae i Laigan tangka-tangkas Hananel toka-toka i pompao'an anggur anu i tomundo'.

ZAKHARIA 14:10 ပူးပေါင်းရင်းမြစ်များ

1 TOMU-TOMUNDO' 15:22

Lapas aijo', iwi-iwi' na mian songko-songko i da'erah Yehuda madi'ko samiannyo, pinalentahmo i Tomundo' Asa da mamba mongato batu ka' kau' anu pinake i Baesa kiijo' i Rama nompohoson kota aijo'. Batu tiba kau' haha aijo' pinakemo i Asa da mompohoson kota Mizpa tiba Geba, sa'angu' na kota i da'erah nu Benyamin.

2 TOMU-TOMUNDO' 14:13

I Amazia i hakopmo i Yoas, lantas nambamo i Yerusalem ka' nohobo'akonmo pagan mesen nu kota' aijo' anu ko mantannyo kila-kila ua'atu na meten, lengkat pe'e i Sabatan Daka' Efraim toka-toka i Sabatan Daka Pasu'nyo.

1 TAWARIKH 4:32

Aha suele jinojoongmo i olima' na tampat sangga'at aijo'mo, Etam, Ain, Rimon, Tokhen, Asam,

1 TAWARIKH 6:77

Lee' i Merari anu ma'isa nohumpak tano', nohumpak kampung tiba padang i da'erahnyo sumo uuka: I da'erah tulunan nu bansa Zebulon: Rimono tiba Tabor.

2 TAWARIKH 25:23

I Yoas nohakopmo i Amazia ka' binoamo nu aha i Yerusalem lantas pinaha hobo'akonmo nu aha na pagan mesen nu kota' aijo' anu ko mantannyo kila-kila 200 na meten, lengkat pe'e i Sabatan Daka' Efraim toka-toka i Sabatan Daka' anu i Pasu'nyo.

2 TAWARIKH 26:9

Bau pompohoson kota' Yerusalem, i Uzia nompotinjomo laigan tangka-tangkas i Sabatan Daka' anu i Pasu'nyo, i Sabatan Daka' anu i Bangka'nyo ka' ipasu'nyo nu pagan mesen.

NEHEMIA 12:39

Lantas kami nontulumo Sabatan Daka' Efraim, Sabatan Daka' anu mana-manau'mo, Sabatan Daka' mamba pongolian ikan, Laigan tangka-tangkas Hananeel ka' Laigan tangka-tangkas Mea sampe tinoka i Sabatan Daka' nu Domba, Kami i lumajang nojiji' aijo', madi'mo i lumajang salatan tinokamo koko Sabatan Daka' anu bau Ponjaga'an aijo', koko Laigan nu Tumpu.

NEHEMIA 3:1

Aiyamo na lelenyo mosia na mesen nu kota' Yerusalem pinokoima'anmo. I Imam Daka' Elyasib ka' to sanga-sangalunyo po'ule'mo nombau Sabatan Daka' Domba, nompokonamo tumbannyo ka' sinombahkonmo nu aha hi Tumpu. Aha nompoko'ima'imo ka' sinombahkonmo nu aha na pagan mesen toka-toka i Laigan tangka-tangkas sa'atu ka' toka-toka i Laigan tangka-tangkas Hananeel.

YESAYA 10:29

Aha noliu liumo potaapan ka' daagi' inale' i Geba! Mian anu jojoong i kota' Rama nabuhukmo tiba aha mian anu jojoong i Gibea, kota' i Tomundo' Saul, nopalaimo.

YESAYA 2:2

Isinaa anu aiya mae ihop puge'nyo tampat Laigan nu Tumpu matangkasmo ka' tuminjo'mo hodi-hodi' aita ito bungku-bungkutnyo ka' mule' to puge-puge'nyo. Iwi-iwi' na bansa moduyu-duyutmo mamba mokiijo',

YEREMIA 20:2

pinalentahkonnyomo da aku opahanjagunakon ka' opanga' i Sabatan Daka' Benyamin, sabatan daka' sasu buannyo i Laigan nu Tumpu.

YEREMIA 30:18

Tumpu po ule' mule' notatae; “Belemiu mian anu palesayamo hi beleng-Ku Ku kalibosimo ka' po ule'mo Ku pokopiani na kantumuu'an nu belemiu i tano' kinahampean nu belemiu. Yerusalem po ule'mo ahi' obau ka' laigannyo nu tomundo' opoko ima'imo.

YEREMIA 37:13

Panyo salatan aku tinokamo i Sabatan Daka' Benyamin, kamundan nu suludadu anu monjagai ikiijo' nontahanmo aku ka' notatae, “Beleyum kahanda'mo mopalai maninggalumo hi aha Babel!” (Suludadu sanggonyo i Yeria; ia anak i Salemya ka' mule' ia makumpu i Hananya).

YEREMIA 38:7

Tempo'nyo aitu daagi' ko samian ia mian nu Sudan anu mokalaja ilaigan nu tomundo'. Sanggonyo i Ebed-Melekh. Ihongonyomo na aku taalu' inguluakonmo i uno nu bubung aijo'. Tempo'nyo aijo' i tomundo' hau-haunyo mompipin rapat i Sabatan Daka' Benyamin.

AMOS 9:11

Tumpu notatae, “Tokaje na tempo'nyo Aku mompo'ule' mombali'i kalaja'an i Daud. Uuka aiya kalaja'an aijo' tinimbalimo susumo laigan anu nohobo'mo. Panyo pagannyo mesen po'ule'je Ku poko ima'i ka' po'ule'je Ku bau sahingga timbalimo susumo u'utu mae.

MIKHA 4:1

I sinaa anu aiya mae o ahopi puge'nyo pipinombauan Laigan nu Tumpu tuminjomo hodi-hodi' ka' matangkas hondo lebemo moliu-liu to bungku-bungkutnyo ka' to puge-puge'nyo. Iwi-iwi' na bansa mododuyutanmo mambamo mompanjolongi

ZAKHARIA 12:6

I sinaa aijo' to utu-utus nu aha Yehuda Ku pojadimo susumo apu i uno nu tambulan nu kau' anu pinosunmo kabai susumo potong anu noakmo pinosuhapmo i timpa'an nu gandum; nu silakaimo nu aha na to bansa-bansa anu aitu mae mompaha ohani aha. Panyo mian anu jojoong i Yerusalem na tataap ahi' jojoong madi' ko anu mompoposia i uno nu kota'.

ZAKHARIA 2:4

Malaekat anu u'uka momona notataemo hi malaekat anu ko ohu'nyo, “Lako'mo lia-lia' hi olitau aijo', ka' poto'iakon hi ia na Yerusalem po ule'mo da'isan na miannyo tiba potuu'on sahingga madi'mo bisa na po ule' obau na pagan mesennyo titikup.

ZAKHARIA 8:3

Aku po ule'mo minsusule' i Yerusalem, kota'-Ku anu susi' aijo' ka' jojoongmo ikiijo' mae. Yerusalem saidi mae nu sumbu'je nu mian salaku kota' anu tulu-tulutan, ka' puge'nyo nu Tumpu Anu Daka Na Kuasanyo osanggohije Puge'nyo anu Susi'.

TO MIA-MIAN KOPIAN 20:45

Suludadu nu aha Benyamin sangga'at nobalikmo ka' nopalaimo namba i da'erah nu padang anu mapeges nokiijo'mo i to bungkut-bungkutnyo nu batu kiijo' mae i Rimon. Aha 5.000 na mian, pinatean i totongan nu jalan. Sangga'at sabole-bolemo i loloi' tinoka-toka i Gideom. Mian haha aijo' 2.000 na mian anu pinatean.

TO MIA-MIAN KOPIAN 20:47

Panyo aha anu nopalai notulu i da'erah padang anu mapeges nokiijo' i to bungku-bungkutnyo batu Rimon 600 na mian anu nolapas madi' pinoko ala pinatean. Aha jinojoong kiijo' i Rimon ingopat na bitu'on na kinopinnyo.

TO MIA-MIAN KOPIAN 21:13

Lapas aijo' iwi-iwi' na mian nu Israel nonsaimo bobotokon hi to mia-mian nu Benyamin anu kiita mae ito bungkut-bungkutnyo nu batu Rimon kahanda' monsale'i da baladamemo.