ZAKHARIA 13:9 - KITAB NU TUMPU ALLA LELE MA'IMAI'

⁹ Me sambagian na dunia na daagi' salamat. Ka' mule' aha aijo' Ku posusi'mo susumo salaka anu osuangmo i apu da madi'mo ko galo'nyo. Aha Ku uji'mo susumo mian monguji'mo mosoni'. Lantas aha balado'amo hi beleng-Ku ka' suele ahi' Ku taamimo na aha. Ku poto'imo hi aha tukoong-Ku aha aijo' mian anu palesayamo hi beleng-Ku, ka' aha suele mongakuimo tukoonyo nu aha; Akumo na Tumpu nu aha.”

ZAKHARIA 13:9 ပူးပေါင်းရင်းမြစ်များ

2 SAMUEL 7:24

Bansa Israel pinotimbalimo nu belento mian anu pinalesayamo hi belento sampe toka sidu-sidutu' ka' belentomo ahi' o, Tumpu na timbali Tumpu Allah nu Aha.

AYUB 23:10

Panyo Nusumbu' na kalakuanku ka' mule' apaa na anu ku bau. De lapangnyo susumo mosoni' aku o'uji', tantu osumbu'mo na kinyonyoangku, totu-totu'u molino.

AYUB 28:1

Daagi' ko tampat anu lewa' pongkekean salaka; daagi' ko tampat mule' lewa' pontapisan mosoni' da totu-totu'u ohumpak na mosoni' anu madi' ko galo'nyo.

MAZMUR 144:15

Mohumpak kantumuu'an ma'ima' na bansa anu sumo aijo, mohumpak kantumuu'an na mian anu Tumpu-nyo, aijo'mo na Tumpu!

MAZMUR 43:4

Sahingga aku mompanjolongimo mezbah nu Tumpu, mangadap hi Tumpu anu pinolengkatan mae nu ka'ima'an nu kantumuu'anku. Aku manyanyimo ka' mongkuti'mo kasapi', bau pompuji' Belento, O Tumpu, Tumpungku.

MAZMUR 50:15

Pongkakase mae hi Beleng-Ku de nu tokaimo nu kasusa'an, Aku mompobebasmo belemiu, ka' opuji'mo nu belemiu na Aku.”

MAZMUR 91:15

De ia mongkakase mae hi belengku, tionyo Ku taami. De nutokaimo nu kasusa'an tionyo ahi' Ku tulungi na ia; ia tionyo ahi' ku lapasakon da madi' mohumpak balaa' ka' mule' ia Ku bee'imo kaholomatan.

AMSAL 17:3

Mosoni' tiba salaka o uji' iponsuangan; panyo kinyonyoa nu mian nu uji' nu Tumpu.

NYANYIAN ANU TALASANGGO 2:16

Sindua'anku akumo na tumpunyo ka' aku mule' iamo na tumpunyo. Ia molaya' dombanyo haha aijo', i olot nu bunga-bunga bakung.

YESAYA 43:2

De beleyum motapmo i uee, Aku na monsangalui beleyum, beleyum madi' mule' molomos i uno nu kasansala'an-kasansala'an nu beleyum. De motulu i apu, beleyum madi' mule' motoyo', palasoba'an anu toto daka-daka' madi' mule' monsilakai beleyum.

YESAYA 48:10

Aku nonguji'mo beleyum i uno nu apu kasansala'an susumo salaka sinuangmo i uno nu apu.

YESAYA 58:9

De belemiu balado'a, ku talimaje. De belemiu momoita hi beleng-Ku, Ku taamije. Boli daagi' monsansala sangko sangalu nu belemiu, bolimo obau na mo'uwali ka' mongalu.

YEREMIA 24:5

“To mia-mian anu pinojohok-Kumo binoa i Babel aijo' Ku anggap sumomo bua' nu kau' ara anu toto ima-ima' haha aiya; kalana aijo' Aku, Tumpu Allah Israel mongatun ahi' aha ima-ima'.

YEREMIA 31:33

Sumo uuka na palajanjian anu Ku bauje tiba aha mian nu Israel; Atulan-atulan-Ku, Ku po una'mo i uno nu kinyonyoa nu aha, ka' mule' Ku tulismo i uno nu kinyonyoa nu aha. Aku timbalimo Tumpu Allah nu aha ka' mule' aha timbalimo mian anu palesayamo hi beleng-Ku.

YEREMIA 32:38

Aha timbalimo mian anu palesayamo hi Belengku, ka' Aku timbalimo Tumpu Allah nu aha.

YEHEZKIEL 11:20

Sahingga aha montulutimo iwi-iwi na atulan-Ku ka' mule' tulu-tulutanmo ipalentang-Ku iwi-iwi'. Aha timbalimo mian anu palesayamo hi beleng-Ku ka' mule' Aku timbalimo Tumpu nu aha.

YEHEZKIEL 14:11

Iwi-iwi' aijo' Ku baumo da aha mian nu Israel bolimo daagi' matikojo'on madi'mo mae ohani hi belengku, ka bolimo mule' ohumimi'i nu dosa' na butong nu belemiu. Tiba jalan anu sumo aijo' aha timbalimo mian anu palesayamo hi beleng-Ku, ka' Aku timbalimo Tumpu nu aha.” Aku, Tumpu Anu Matangkas na Kuasanyo notataemo.

YEHEZKIEL 20:38

To mia-mian anu saja' motomuhuk tiba anu saja' mombau palabuatan anu ma'idek madi'mo Ku pogalum atina' hi belemiu. Aha Ku boamo mosabat lengkat lipu' iwi-iwi', tampat nu aha tempo uuka aiya ka' madi'mo Ku pobee' minsusule' itano' nu Israel. Sahingga nu sumbu'je nu belemiu taalu' Akumo ahi' na Tumpu.”

YEHEZKIEL 36:28

Jadi belemiu jojoongmo itano' anu binee'-Kumo hi mompolee' nu belemiu. Belemiu timbalimo mian anu palesayamo hi beleng-Ku ka' Aku mule' timbalimo Tumpu nu belemiu.

YEHEZKIEL 37:27

Aku jojoongmo tiba aha, Aku timbalimo Tumpu Allah nu aha ka' mule' aha timbalimo mian anu palesayamo hi beleng-Ku.

DANIEL 11:35

Sambagian na to pola-polaya' anu toto pande-pande opateimo panyo aijo' salaku bau ponguji' aha mian anu palesayamo sahingga aha totu-totu'u belesi'mo. Han aijo' saja'mo jadi susumo aijo' sampe toka i sinaa kakiamatanmo, aijo'mo na tempo' anu tinantukanmo nu Tumpu.

DANIEL 12:10

Manjoo' na mian o'uji'mo ka' mule' opobelesi'mo ahi' totu-totu'u. Aha mian anu ma'idek na palabuatannyo madi' mangalati' ka' saja' ahi' mombau anu ma'idek. Ola ahi' aha mian anu pande na moko ala mangalati'.

YOËL 2:32

Panyo de ihe na momoita tulung hi Tumpu saidi mae nu posalamatmo. Tumpu motataemo, “I Yerusalem to mia-mian anu pinile'an-Kumo oposalamatmo.”

IMAMAT 26:12

Aku monsangaluimo belemiu; Aku timbalimo Tumpu Allah nu belemiu ka' belemiu timbalimo mian anu pinalesayamo hi beleng-Ku.

ZAKHARIA 10:6

“Mian anu jojoong i Yehuda Ku pohosonmo mian nu Israel Ku posalamatmo. Po ule'mo Ku boa na aha minsusule' i lipu'nyo kalana Ku kanonongi na aha. Ku pojadimo na aha, salaku bansa anu madi' toho' Ku kolilimi. Akumo na Tumpu nu Aha, iwi-iwi' na do'a nu aha po ule'mo Ku palahatikan.

ZAKHARIA 12:10

Lapas aijo' lee' mae i Daud tiba mian anu jojoong i Yerusalem Ku bee'imo kinyonyoa anu mongka'ima'i mongkalibosi ka' mule' mongka'ima'i balado'a. Aha saidi' mae montoamo ia jijinalo'mo nu aha ka' montando'imo susumo mian anu montando'imo anak anu sa'a-sa'angu'nyomo na sinilaka. Aha tumando'mo ka' susa'mo hondo na kinyonyoa nu aha susumo mian anu nolapusmo na anaknyo tumpe.

ZAKHARIA 8:8

ka' monsule'akonmo mae aha anu lengkat mae i kabete'an, ka' mule' anu lengkat mae i kinsoban, sahingga aha po ule'mo jojoong i Yerusalem. Aha timbalimo mian anu palesayamo hi beleng-Ku ka' Akumo na Tumpu nu aha. Aku mompalentahmo aha ma'i-ma'ima' ka' mule' adin.”

SISIKON NU TO RASUL-RASUL 2:21

Tempo'nyo aitu, mian anu mongkakase hi Tumpu oposalamat.’

IBRANI 8:10

Panyo uuka aiya, aiyamo na palajanjian anu Ku baumo tiba mian nu Israel, i sina-sinaa anu tokaje mae, koonyo nu Tumpu: Aku monguna'mo atulan-Ku i uno nu pikilan nu aha, ka' montulismo i kinyonyoa nu aha. Aku timbalimo Tumpu nu aha, ka' aha timbalimo mian anu palesayamo hi beleng-Ku.

YAKOBUS 1:12

Mohumpak ka'ima'an na mian anu sabaan de ia monta'up soba'an. Kalana de ia moko alamo montahan soba'an aijo', ia mohumpakje tambonyo, aijo'mo kantumuu'an anu jinanji'mo nu Tumpu Allah hi to mia-mian anu mongkalibosi Tumpu.

1 PETRUS 4:12

To Utu-utus anu okanonongi! Komiu tempo' uuka aiya nongoa'imo hondo kasansala'an kalana hau-haunyomo o'uji'. Panyo boli bangang, au'aitu daagi' ko apa-apaa anu tahahumo pa' apaa na tinimbali hi belemiu.

ANU PINOTO'I HI YOHANES 21:7

To mia-mian anu inguntungmo i uno nu kasabalan montalimaje hahan aijo' hi Beleng-Ku. Aku timbalimo Tumpunyo, ka' ia timbalimo anak-Ku.

ANU PINOTO'I HI YOHANES 8:10

Lapas aijo' malaikat ko totolu'nyo nompuuhimo tolompetnyo, sahingga sa'angu' na mandala' anu daka', anu saja' moak sumo potong, nanabu'mo lengkat mae i langit, lantas to kau-kaunyo ka' to mata-mata nu uee o bagi totolu' sambahagian na tinuda'nyo.

ANU PINOTO'I HI YOHANES 8:11

(Sanggo nu mandala' aijo' “Mapakat”.) Sahingga uee o bagi totolu' sambahagian na tinimbalimo napakat, ka' manjoo' na mian anu nate kalana nonginummo uee anu napakatmo aijo'.

ANU PINOTO'I HI YOHANES 8:12

Lantas malaikat ko opatnyo nompuuhimo tolompetnyo. Sahingga o bagi totolu' na batu nu sinaa sambahagian na madi'mo najingka, bitu'on o bagi totolu', sambahagian na madi'mo najingka, ka' to manda-mandala' o bagi totolu' sambahagian na madi'mo najingka sahingga aha anu pinaha bagimo totolu' sambahagian na madi'mo ko jingkanyo. Sumo aitu mule' o bagi totolu' na sinaa, sambahagian na anu madi'mo majingka, ka' sumo aitu mule' o bagi totolu' na pihi sambahagian na madi'mo pinihi.

ANU PINOTO'I HI YOHANES 8:7

Malaikat momona nompuuhi tolompetnyo, sahingga ujan es ka' apu nogogalo'anmo baso' mabohos hondo na tinudun i tano'. O bagi totolu' na dunia sambahagian ningkot nopapu; sumo aitu mule' o bagi totolu' na to kau-kau' sambahagian na nopapu, ka' batu-batu hemput anu molumba'.

ANU PINOTO'I HI YOHANES 8:8

Lantas malaikat ko ohua'nyo nompuuhimo tolompetnyo, sahingga apa-apaa na anu talalo daka' anu otoa sumo bungkutnyo anu lewa' moak ingalinmo nokaiyong i uno nu ambai. O bagi totolu' na ndalangon sambagian na tinimbalimo baso',

ANU PINOTO'I HI YOHANES 8:9

ka' binatang i ambai o bagi totolu' sambahagian na i natemo; sumo aitu mule' o bagi totolu' na to kapa-kapan sambahagian na nohopu'.