ZAKHARIA 13:7 - KITAB NU TUMPU ALLA LELE MA'IMAI'

⁷ Tumpu Anu Daka' na kuasanyo notatae, “Tinjomo mae o, bajak ka' tumbuhimo na polaya' potuu'on anu mokalaja hi beleng-Ku! Pateimo na Ia sahingga to domba-domba mosungke-sungkehetmo. Kutumbuhimo na mian anu palesayamo hi beleng-Ku,

ZAKHARIA 13:7 ပူးပေါင်းရင်းမြစ်များ

MAZMUR 2:2

To tomu-tomundo' nu dunia singkapmo sinumikakan tinuminjo ka' to mia-mian anu montoongi kakuasa'an binasale'mo mongewa Tumpu ka' tomundo' anu pinile'an-Nyomo.

YESAYA 1:25

Aku nongalamo sa'angu' na kantantuan mongkona hi belemiu. Susumo mompotimbalimo mosoni' anu madi' kogalo'nyo, belemiu Ku potimbalimo da madi' ahi' kogalo'nyo; iwi-iwi' na anu mahenyu anu atina' hi belemiu Ku alinakonmo.

YESAYA 27:1

Tempo'nyo aijo' Tumpu monggunakonmo bajak-Nyo anu ko aja'nyo ka' ma katajom hondo kalana kahanda'mo mohukum ulo anu lewa'mo nombialos kahanda'mo mombutu', ka' mule' kahanda'mo mompatei talenga'nyo nu ulo i ambai.

YESAYA 40:11

Susumo samian na polaya' nu binatang na Ia mompotuu', potuu'on-Nyo; Ia na nomposihuk aha. To ana-anak nu domba Nu tangkung mae, madi' Ia monsigohi mae na montuntuni to tina-tinanyo.

YESAYA 9:6

Ia mompalentah salaku tomundo' lee' mae i Daud, kakuasa'annyo daka' hondo. Lipu'nyo saja'mo dame ka' mohumpakmo kantumuu'an ma'ima'; pamalentahannyo montoongi atulan tiba ka'adilan mulai uuka aiya sampe toka sidu-sidutu'. Tumpu Anu Daka' na Kuasanyo na tionyo mombau aijo'.

YEREMIA 47:6

Belemiu moloboo', ‘Sampe toka hipian na kopinnyo na beleyum montumbuhi, o, bajak nu Tumpu? Pinsusule'mo isalungum ka'jojoongmo kiijo' mae, bolimo daagi' mompoposia!’

YEHEZKIEL 21:28

“O, manusia anu madi' tumuu' batu, pongkila-kilamo! Poto'i hi aha mian nu Amon anu sola'mo nongalu mian nu Israel, taalu' Aku, Tumpu Anu Matangkas na Kuasanyo notataemo, ‘Samata na bajak binoitmo sampe jinongkilaban susumo kilat da me kokogia' baumo pompatei.

YEHEZKIEL 21:3

taalu' Aku, Tumpu nompoto'imo mae sumo uuka, ‘Aku aiya sampobali' nu beleyum. Ku keatmo na bajak-Ku ka' mompateimo belemiu iwi-iwi' mau anu ma'ima' na kinyonyoanyo kabai anu manonong.

YEHEZKIEL 37:24

Aha nu posa'angu'mo nu samian na tomundo' sumo lapangnyo i tomundo' Daud anu saidi' mae mompalentah sampe toka sidu-sidutu'. Aha tulu-tulutanmo na montuluti iwi-iwi' na atulan-Ku. Ka' sampe toka sidu-sidutu' aha tiba lee' nu aha monjojoongimo tano' aijo', tano' anu binee'-Kumo hi Yakub ka' jinojoonganmo nu mompolee' nu aha.

YEHEZKIEL 7:6

Uuka aiya iwi-iwi' sinampemo. Uukamo aiya na ka ahenannyo nu beleyum. Madi'mo daagi' ko anu otaha'imani nu beleyum.

MIKHA 5:2

Jadi nu pojohokmo nu Tumpu na mian-Nyo anu palesayamo da nu kuasaimo nu sampobali' nu aha, sampeje boune anu tinantukanmo da timbali tinanyo nu anu mongkuasai aijo' mompohampemo Ia anu mongkuasai Israel. Lapas aijo' to mia-mian anu bubu' bansanyo anu kiijo' mae i tampat pinomboan ka' pinompojoongan aha po ule'mo oposa'angu' tiba bansa nu aha.

MIKHA 5:4

ka' mule' Nu bee'imo kadamean. De suludadu nu aha Asyur montumbuhimo mae lipu' to ka' mohobo'akonmo bentengto, kita suele montipaha'imo ahi' to pola-polaya'to anu to hoso-hoson da mongewamo aha. To pola-polaya'to mompatundu'mo Asyur nu toongon nu aha ka' momposalamatmo kita da madi'mo nu patei nu aha.

ZAKHARIA 11:11

Isinaamo aijo' na palajanjian ai-aijo' madi'mo daagi' osidahakon. To pada-padagang domba haha aijo' no mata-mataimo mae aku ka' aha sininsumbu'mo talu' iwi-iwi' na palabuatanku aijo'mo na salaku potatae nu Tumpu.

ZAKHARIA 11:4

Tumpu, notataemo hi belengku, “Soba bau au'aitu beleyum atina' polaya' potuu'on anu molaya' domba anu oko-okolotmo.

ZAKHARIA 11:7

Aku, i Zakharia, lantas tinamboanmo nu to pada-padagang domba da molaya' domba-domba anu okolotmo. Aku daagi' ko tokon ohua'; sa'angu' sinanggohanku, i “Kanonongan” ka' sa'angu' mule' i “Posegot”. Lapas aijo' jinagaankumo ka' lewa'mo pinotuu'ku na domba haha aijo'.

MATIUS 1:23

“Samian na boune anu ma'isa toho' nonganak ia na poboa ka' mohampeakon samian na anak mo'ane. Anak aijo' osanggohi Imanuel.” (Imanuel te basa' nu Ibrani alati'nyo, “Tumpu monsangalui kita”.)

MATIUS 10:42

De ihe na mompo'inumi, mau mule' ola uee lop hi sala'samian to mia-mian anu madi' ko angga'nyo, kalana ia anu saja' mombatuki Aku, palesayamo ia tantu montalima tamboonyo!”

MATIUS 11:27

Lantas i Yesus notatae, “Iwi-iwi na apaa pinotalimamo nu Tuuma hi beleng-Ku. Madi' ko samian pe'e monsumbu' Anak, de misa' Tuuma. Madi' mule' ko anu monsumbu' Tuuma de misa' Anak, ka' to mia-mian maumo ihe na Anak aijo' monsisikakon Tuuma.

MATIUS 18:10

“Jaga! Boli mompopo'ambang sala'samian na to mia-mian anu ise' aijo'. Kalana, o inau'mo, na to mala-malaikat, aha saja' i ahop nu Tuumang-Ku i suluga'. [

MATIUS 18:14

Sumo aitumo na Tuumaum i suluga' madi' mongka'oho' sala'samian lengkat hi to mia-mian anu sala'je palesaya hi beleng-Ku aiya, sala' jalan.”

MATIUS 26:31

Lantas i Yesus notatae hi anu saja' mombatuki Ia, “Pihi uuka komiu iwi-iwi' mopadeka'mompala'i Aku; kalana i uno nu Kitab nu Tumpu tinulis: Tumpu notatae, ‘Aku mompatei polaya' domba aijo', ka' sampahas na dombanyo mosungke-sungkehet.’

MATIUS 26:56

Panyo memang sumo aitumo da timbali apaa na anu tinulismo nu to nabi-nabi i uno nu Kitab nu Tumpu.” Lapas aijo', iwi-iwi' na anu saja' mombatuki Ia nopadeka'mo nompala'i Yesus.

MARKUS 14:27

Lapas aijo' i Yesus notatae hi aha, “Komiu iwi-iwi' malai mompala'i Aku. Kalana i uno nu Kitab nu Tumpu tinulis, ‘Tumpu mompateimo anu molaya' dombanyo, ka' sampahas na dombanyo mosungkehetmo.’

MARKUS 14:50

Iwi-iwi' anu saja' mombatuki Ia nopadeka'mo nompala'i Yesus.

LUKAS 12:32

“Komiu anu ola sangkiding na konjoo'nyo, boli mabuhuk! Kalana Tuumaum sanang mombee' hi beleyum balakat lengkat mae i Kapalentahan-Nyo.

LUKAS 17:2

Lebe ma'ima' de batu ponggiling oposegot i gogohongnyo, lantas ia o alin i uno nu ambai, ka' de mule' ia monsaduakon sala'samian na to mia-mian ise' aiya mombau dosa'.

YOHANES 1:29

Dodododopnyo, i Yohanes nontoa i Yesus namba mae hi ia. Lantas i Yohanes notatae, “Toa, aijo'mo na Anak Domba nu Tumpu Allah anu mongalini dosa' nu dunia.

YOHANES 10:30

Aku tiba Tuuma sa'a-sa'angu'nyomo.”

YOHANES 10:38

Panyo kalana Aku mombau palentah-Nyo, opalesaya apaa na anu Kubau aijo', mau mule' komiu madi' mongka'oho' palesaya hi beleng-Ku. Atina'je ka' osumbu' miu, ka' mangalati' taalu' Tuuma tataap mosa'angu' tiba Aku, ka' Aku tataap mosa'angu' tiba Tuuma.”

YOHANES 14:1

“Boli kinyonyoaum susa',” koonyo i Yesus hi aha. “Palesaya hi Tumpu, ka' palesaya suele na Aku.

YOHANES 14:23

I Yesus nontaami, “Mian anu mongkalibosi Aku, tionyo mombatuki pangajalan-Ku. Tuumang-Ku mongkalibosije ia. Tuuma ka' Aku tokaje hi ia ka' jojoong hingga-hinggat ka' ia.

YOHANES 16:15

Iwi-iwi' anu daagi' hi Tuuma, aijo' anung-Ku. Mokonyo aijo', Aku motatae, apaa na anu nupotoka nu Roh hi komiu, tinalima-Nyo lengkat hi beleng-Ku.”

YOHANES 16:32

O'inau'! Tempo'nyo tokaje mae, aitu pe'e tinokamo, komiu oposungkehetmo. Komiu minsusule' i posi laigan ka' mompala'i Aku sausa'. Panyo Aku madi' posi sausa', kalana Tuuma na mosangalu ka' Aku.

YOHANES 5:23

Nubau nu Tuuma sumo aijo' da iwi-iwi' na mian mongadati Anak sumo aha mongadati Tuuma. Mian anu madi' mongadati Anak, madi' suele mongadati Tuuma anu nonsai mae Anak.

YOHANES 8:58

I Yesus nontaami, “Totu'u na anu Ku taloakon hi komiu: ma'isa pe'e i hampe na i Abraham, Aku polo-polo'mo daagi'.”

SISIKON NU TO RASUL-RASUL 2:23

Posi pongka'oho'-Nyo na Tumpu nomputusi da obee' na i Yesus hi komiu. Ka' salatan binee' na Ia, komiu nompateimo Ia ka' nompojohokmo to mia-mian ma'idek nonsalib Ia.

ROMA 4:25

I Yesus aijo' binee'mo da o patei kalana dosa-dosa'to, lantas Ia po'ule' pinotumuu' nu Tumpu da mompotimbali kita po'ule' mompaha maima' tiba Tumpu.

ROMA 8:32

Posi Anak-Nyo madi kinalibosan-Nyo, panyo binee'-Nyo bau kapentingan nu kita iwi-iwi'; te madi' mule' Ia mombee' hi kita anu sasangga'atannyo?

2 KORINTUS 5:21

I Kristus madi' baladosa', panyo Tumpu nompotimbalimo Ia bau pontokong dosa'to, da kita nompo'ule' na'ima' tiba Tumpu Allah kalana nosa'angu'mo tiba i Kristus.

GALATIA 3:13

Panyo i Kristus nompobebasmo kita da boli nu kona nu kutuk ola kalana atulan nu agama. Ia nombau han aijo' nompopilayamo butong-Nyo kinutukan kalana monginau' kita. Kalana i uno nu Kitab nu Tumpu tinulismo, “Kinutukanmo na mian anu sinilakamo pinokalayo' i ohi' kau'.”

FILIPI 2:6

Sabenannyo Ia pokakana tiba Tumpu, panyo Ia madi' ko kinyonyoa sabole-bole mompotoa sipat-Nyo susumo Tumpu na pagala nu toongi.

IBRANI 13:20

Tumpu mompotumuu'mo Tumpunto i Yesus anu sini-sinilakamo. Kalana Ia sinilakamo, sahingga Ia tempo' uuka tinimbalimo Polaya'to anu Talasanggo aiya hi kita to domba-domba-Nyo. Ia sinilaka aijo' mompaka pompohosonmo palajanjian anu sampe toka sidu-sidutu' anu binaumo nu Tumpu hi kita.

1 PETRUS 3:18

Kalana i Kristus sinilaka ola minsan sampe toka sidu-sidutu' kalana dosa' nu manusia – samian anu madi' ko sala'nyo sinilaka kalana monsawani mian anu ko sala'nyo. I Kristus nombau sumo aijo' da Ia timbali molaya' belemiu toka hi Tumpu. Ia sinilakan ola butongnyo biasa, panyo po'ule' pinotumuu' nimbutongmo nu rohani.

1 PETRUS 5:4

Ka' de saidi' mae Polaya' Anu Talasanggo aijo' tokamo mae, komiu mohumpakmo makota anu jongkilaban, anu madi' toho' mingkot na jongkilabannyo.

1 YOHANES 2:2

I Yesus Kristus na mombolosakon da iwi-iwi' na dosa'to o ampuni. Ka' misa' ola dosa'to panyo suele tiba dosa' nu iwi-iwi' mian.

ANU PINOTO'I HI YOHANES 1:11

Lewo' aijo' notatae, “Tulismo apaa na anu tinoaum, ka' pakatumo na kitab aijo' toka i popitu' na jama'at aijo'mo: Efesus, Smirna, Pergamus, Tiatira, Sardis, Filadelfia, ka' Laodikia.”

ANU PINOTO'I HI YOHANES 1:17

Salatan tinoangkumo na Ia, aku dinumaladupu i ahop-Nyo sumo mian anu sinilakamo. Panyo Ia nompotiik lima-Nyo koanan hi belengku ka' notatae, “Boli mabuhuk! Akumo na anu i momonanyo ka' anu imihinyo.

ANU PINOTO'I HI YOHANES 1:8

“Akumo na anu i momona ka' anu i mihinyo,” koonyo nu Tumpu Allah, anu polo-polo'mo daagi', ka' anu daagi'mo, ka' anu sidu-sidutu' sabole-bole daagi', Anu Matangkas na Kuasanyo.

ANU PINOTO'I HI YOHANES 13:8

Binatang aijo' na nu sombah nu iwi-iwi' mian anu tumuu' i uno nu dunia, sambiha'nyo to mia-mian anu sanggonyo noko daputanakonmo ma'isa pe'e dunia pinotimbali, i uno nu kitab nu mian anu tumuu', tumpu'nyo aijo'mo Anak nu Domba anu ki kinolotmo.

ANU PINOTO'I HI YOHANES 2:23

Anu mombatuki ia Kupatei suele da iwi-iwi' na jama'at sinsumbu' saba' Akumo na Ia anu mompangalati'i pikilan ka' kinyonyoa nu mian. Komiu Ku balosije sumo apaa na anu binaumo miu i toto samian.

ANU PINOTO'I HI YOHANES 21:6

Lantas Ia notataemo, “Ilapasmo! Akumo na anu momonanyo, ka' anu imihinyo; Akumo na Tumpu lengkat pe'e Momonanyo toka-toka Imihinyo. Batu-batu mian anu megot, Ku po'inumije madi' pilenje o'oli i mata nu uee anu mombee'i kantumuu'an.