ZAKHARIA 13:4 - KITAB NU TUMPU ALLA LELE MA'IMAI'

⁴ I sinaa aijo' to nabi-nabi ma'ambangmo na mombau apa-apaa susumo nabi. Aha madi'mo mompusok baju' nu nabi bau-bau pongakali ka' mombuulakon anu tinoa nu aha.

ZAKHARIA 13:4 ပူးပေါင်းရင်းမြစ်များ

2 TOMU-TOMUNDO' 1:8

“Juba'nyo ka' pombutu'nyo kilit na binau,” na koonyo nu aha. “O, itina' i Elia!” na koonyo i tomundo'.

YESAYA 20:2

Totolu'mo nataun anu ihikuhakonmo ma'isa pe'e kino han aijo', Tumpu nonsaimo i Yesaya anak i Amos da mongukatakon sapatunyo ka' hude kalung anu pake-pake hi ia. Ia nontulutimo ka' ia ilumajangmo langgo-langgo ka' mule' madi'mo nisapatu.

YEREMIA 2:26

Tumpu notatae, “Susumo anu sola' tomang mongoa'imo ma'ambang salatan ia ihakopmo, sumo aitumo na belemiu iwi-iwi' saidi' mae mongoa'imo ma'ambang o mian Israel, to tomu-tomundo' tiba to mia-mian anu kopangkatnyo, to ima-imam tiba to nabi-nabi nu belemiu!

YEREMIA 6:15

Sabenannyo aha ma ambangmo ahi' kalana nombaumo iwi-iwi' anu moko ambang aijo'. Panyo kinabanmo na ohup nu aha ka' madi'mo nonsumbu' ambang. Kalana aijo' aha ohukumo susumo mian sangga'at; sisikon nu aha mingkotmo de Ku hukumo na aha. Aku, Tumpu, notataemo.”

YEREMIA 8:9

To mia-mian anu toto pande-pande atina' hi belemiu saidi' mae opopo ambangmo. Aha madi'mo moko ala bapikin ka' ohakopmo. Aha madi'mo mongka'oho' montalima pokinde'-Ku; jadi kapandean apaa na anu daagi' hi aha?

MATIUS 3:4

I Yohanes nompake baju' bulu nu unta. Pombutu'nyo kilit na binau, ka' kaanonnyo kihi-kihi' ka' juu' nu uani'.

MARKUS 1:6

I Yohanes nompake pakean bulu nu unta. Pombutu'nyo atina'mo kilit, ka' anu nukaan kihi-kihi', ka' juu' nu uani'.

IBRANI 11:37

Aha pinahambunu'akon nu batu sampe sinilaka, daagi' mule' ko anu kinolong nu galagaji, ka' anu pinatean nu bajak. Aha anu namba momoya, ola mibaju' nu kilit nu domba kabai kilit nu mee'; aha kasiasi, okabisa'i, ka' osakisa.

ANU PINOTO'I HI YOHANES 11:3

Aku monsaije ua'aha na sakising-Ku anu mompusok baju' monsusa'akon anu silakamo, ka' aha mompoto'ije lele nu Tumpu Allah kopinnyo 1.260 na sinaa.”