ZAKHARIA 13:1 - KITAB NU TUMPU ALLA LELE MA'IMAI'

¹ Tumpu Anu Daka' na Kuasanyo notatae, “I sinaa aijo' mimpusesemo mae sa'angu' na mata nu uee da momposusi' lee' mae i Daud tiba mian anu jojoong i Yerusalem da madi'mo baladosa' ka' mule' palasombahan hi pilogot anu lewa-lewa'mo binau nu aha.

ZAKHARIA 13:1 ပူးပေါင်းရင်းမြစ်များ

MAZMUR 51:2

salatan ia pinokinde'anmo i Nabi Natan kalana nasala'mo tiba i Batsyeba.

MAZMUR 51:7

Memang, ma'idek na kinyonyoangku salatanmo pe'e aku pinohampe, ka' binaladosa'mo salatanmo pe'e i uno nu ma'alum.

YESAYA 12:3

Susumo uee lop momposanang kinyonyoa nu mian anu negotmo, sumo aijo'mo na belemiu lame'mo kalana nu posalamatmo nu Tumpu.”

YESAYA 4:4

Kakuasa'anmo nu Tumpu na momputusi saidi' mae ka' mompoko ima'imo mian anu palesayamo hi Ia. Ia mompobelesi'mo baso' nu to mia-mian i Yerusalem anu pinatean ikota' aijo'.

YEREMIA 17:13

O Tumpu, Belentomo na bau kataha'imanan nu Israel, mian anu palesayamo hi Belento; iwi-iwi' na anu nompala'imo Belento saidi' mae ma ambangmo. Aha saidi' mae mingkotmo madi'mo ko anu idunia aiya ka' mambamo idunia nu mian anu sinilakamo. Kalana, Belento pipinolengkatan mae nu uee anu bau kantumuu'an pinala'ianmo nu aha, o Tumpu.

YEREMIA 2:13

Mian anu palesayamo hi belengku nombaumo ohua' na ngahan nu dosa': aha nohikumo mae Aku, mata nu uee anu mombee'i kantumuu'an hi manusia; aha nombaumo kolam nu butong nu aha, kolam anu losut madi' moko ala montahan ueenyo.”

YEREMIA 29:26

“Tumpu nohangkatmo beleyum tinimbali imam da mombolosakon i Yoyada, ka' uuka aiya beleyumo na pangkat anu matangkas hondo i uno nu Laigan nu Tumpu. Kalaja nu beleyum aijo'mo da mompalentah da supaya batu-batu mian anu ulawon, anu mongakui butongnyo nabi, ia otalungku'mo ka' olante'mo nu besak igogohongnyo.

YEREMIA 33:8

Ku pobelesi'mo na dosa-dosa' nu aha anu binaumo nu aha hi Belengku; sinin na dosa tiba ka'idekan nu aha Ku ampunimo.

YEHEZKIEL 36:17

“O manusia anu madi' tumuu' batu, tempo'nyo aha mian Israel jonojoongmo ilipu' nu aha, palabuatan nu aha nohumimi'imo butong nu aha. Ku anggap na palabuatan nu aha aijo' anu ahi' madi' pantas obau pokakanamo sumo boune anu hau-haunyo tinokamo na adat nu aha boune.

YEHEZKIEL 36:25

Lapas aijo' belemiu Ku pipi'mo nu uee anu molino hondo da belemiu belesi'mo madi'mo ko pilogotnyo ka' mule' iwi-iwi' anu nohumimi'imo belemiu.

YEHEZKIEL 36:29

Belemiu Ku pobebasmo madi'mo daagi' mahumimi' na belemiu. Ku palentahmo na gandum da tumuu'mo molumba' sahingga belemiu madi'mo daagi monta'up kasusa'an i anu okaan.

YEHEZKIEL 47:1

Mo'ane aijo' nomboa mule' aku isabatan pinsoopan mokiijo' i Laigan nu Tumpu. Aku nontoamo uee mo ili lengkat mae akaong i aluk nu sabatan aijo' mamba isasu kabete'an, susumo suele Laigan nu Tumpu mongahopi sasu kabete'an. Uee aijo' mo ili lengkat mae akaong i aluk nu sabatan Laigan nu Tumpu bahagian salatan montulu sulapa'nyo sasu salatan nu mezbah.

IMAMAT 11:36

Ola mata nu uee kabai bubung yo madi' mahumimi', iwi-iwi' na sangga'at timbalimo mahumimi' de nukonamo nu bangke'.

MIKHA 5:12

Ku hansunimo na to pato-patong nu belemiu ka' mule' iwi-iwi' na tugu anu o'anggap nu belemiu ko balakatnyo; Belemiu madi'mo monsombah to bala-balang anu oposi bau nu lima nu belemiu.

ZAKHARIA 12:3

Panyo de sinaa aijo' tokamo mae, Ku baumo na Yerusalem susumo batu anu maboat; maumo bansa pa' iya mae na monsoba mohangkat mohumpakmo bahaya. Iwi-iwi' na bansa i dunia aiya mosa'angu'mo montumbuhi Yerusalem.

YOHANES 1:29

Dodododopnyo, i Yohanes nontoa i Yesus namba mae hi ia. Lantas i Yohanes notatae, “Toa, aijo'mo na Anak Domba nu Tumpu Allah anu mongalini dosa' nu dunia.

YOHANES 5:4

Kalana toto minsan malaikat nu Tumpu mintatau' i talaga aijo' ka' mongkembong ueenyo. Ka' mian masakit anu momona makakiop i talaga aijo' de ueenyo mokokembongmo tionyo ma'alin mau mule' panyakit apaa na o'oa'i.]

1 KORINTUS 6:11

To pia-piangkuka itina' hi komiu u'utu mae ko kalakuan sumo aijo'. Panyo uuka dosa' miu pinobelesinmo. Komiu tinimbalimo samata-mata anu nu Tumpu. Komiu nompo'ule'mo nompaha ima' tiba Tumpu, kalana komiu pinalesayamo hi Tumpu Yesus Kristus, ka' kalana kuasa nu Roh anu nolengkat mae hi Tumpu Allah-nto.

1 PETRUS 1:19

panyo anu ko angga'nyo hondo; aijo'mo posi butong i Kristus anu tinimbalimo salaku domba, anu kinolobanakon hi Tumpu anu madi' ko panyakitnyo kabai ko kakulangannyo.

1 YOHANES 1:7

Panyo de kita tumuu'mo i uno nu jingka susumo Tumpu i uno nu jingka, saba' kita suele ahi' tumuu' sambukumo, mompaha dame-damemo samian ka' samian, ka' baso' i Yesus, Anak-Nyo, na mompolomasmo dosa'to iwi-iwi'.

1 YOHANES 5:6

I Yesus Kristusmo na anu tinoka i dunia tiba uee pinompalamandikan Ia ka' tiba baso' anu Ia sinilakamo. Ia tinoka misa' ola uee, panyo tiba uee ka' baso'. Ka' posi Roh nu Tumpu Allah na nompoto'i anu sinakisiannyomo tukoonyo memang aijo' totu'u, kalana Roh madi' toho' baleko'.