ZAKHARIA 12:7 - KITAB NU TUMPU ALLA LELE MA'IMAI'

⁷ Aku, Tumpu na momona mombee'i ka untungan mahampate hi aha to sulu-suludadu nu Yehuda, da kaholomatan anu tinalimamo nu lee' i Daud ka' mule' mian anu jojoong i Yerusalem madi' molingkudui kaholomatan anu titinalimamo nu mian sangga'at anu jojoong i Yehuda.

ZAKHARIA 12:7 ပူးပေါင်းရင်းမြစ်များ

AYUB 19:5

Otutugi nu belemiu, belemiumo na lebe ma'ima' molingkudui aku; kasusa'anku osangkamo nu belemiu aijo'mo na bukuti'nyo aku sinala'mo.

MAZMUR 35:26

Sahanyo mian anu sanang na montoa kasansala'anku timbalimo bingong ka' mohumpakmo ambang. Sahanyo mian kobubuun mae hi belengku o'alu ka' opopo ambang.

MAZMUR 38:16

Panyo aku na montaha'imani ahi' Belento o Tumpu ka' Belento, o Tumpungku nontaamimo mae aku.

MAZMUR 55:12

Iyaya mae daagi' ko anu sinilakanmo; anu nonsansalamo mian ka' anu nongakalimo mian, saja' mo jinadi i pasan tampat anu lewa' pompobalukan apa-apaa.

YESAYA 23:9

Tumpu Anu Daka' na Kuasanyo, Iamo na nongala kaputusan aijo'. Ia nomputusimo da bolimo sola' takabun na miannyo anu jojoong ikiijo' maumo ahi' aha noko alamo nohumpak iwi-iwi na apaa, ka' nonteemo to mia-mian anu oholomati i dunia aiya.

YEREMIA 30:18

Tumpu po ule' mule' notatae; “Belemiu mian anu palesayamo hi beleng-Ku Ku kalibosimo ka' po ule'mo Ku pokopiani na kantumuu'an nu belemiu i tano' kinahampean nu belemiu. Yerusalem po ule'mo ahi' obau ka' laigannyo nu tomundo' opoko ima'imo.

AMOS 9:11

Tumpu notatae, “Tokaje na tempo'nyo Aku mompo'ule' mombali'i kalaja'an i Daud. Uuka aiya kalaja'an aijo' tinimbalimo susumo laigan anu nohobo'mo. Panyo pagannyo mesen po'ule'je Ku poko ima'i ka' po'ule'je Ku bau sahingga timbalimo susumo u'utu mae.

ZAKHARIA 11:11

Isinaamo aijo' na palajanjian ai-aijo' madi'mo daagi' osidahakon. To pada-padagang domba haha aijo' no mata-mataimo mae aku ka' aha sininsumbu'mo talu' iwi-iwi' na palabuatanku aijo'mo na salaku potatae nu Tumpu.

ZAKHARIA 4:6

Malaekat aijo' nonsaimo aku da mamba mompotokakon hi Zerubabel potuunon nu Tumpu sumo uuka, “Misa' kalana kahosonan nu suludadu ka' mule' misa' posi kahosonan nu beleyum sahingga binala hasinmo, panyo ola ahi' kalana roh-Ku.

LUKAS 10:21

Tempo'nyo aitu suele, i Yesus binilahimo kalana kinuasanmo nu Roh nu Tumpu. I Yesus notatae, “Tuuma, Tumpu anu mongkuasai langit tiba tano'! Aku montalima kaseh hi Belento kalana iwi-iwi' aijo' pinohowinintomo hi to mia-mian anu pande tiba anu ko ilimu', panyo pinotiju' nu Belento hi to mia-mian anu madi' binalagulu'. Aijo'mo na nomposanang kinyonyoa nu Kita Tuuma.

ROMA 3:27

Mokonyo aitu madi' ko pintoongan hi kita mongkabubuunakon. Kadaka' sumo aitu? Ugaat kalana kita mombau anu tuli-tulis i uno nu atulan nu agama Yahudi? Misa'. Panyo kalana kita palesaya.

YAKOBUS 2:5

O inau', to Utu-utus anu okanonongi! Mian anu kasiasi i dunia aiya, pinile'anmo nu Tumpu da timbali mian anu kaya i uno nu iman. Mian haha aijo' pinosoopmo da timbalimo mian anu palesayamo hi Tumpu, sumo anu jinanji'mo nu Tumpu hi mian anu mongkalibosi Ia.

YAKOBUS 4:6

Mau mule' sumo aijo', balakat nu Tumpu anu binee'nyomo hi kita lebe daka' molingkudui pongka'oho' nu rohto aijo'. Mokonyo aijo' i uno nu Kitab nu Tumpu tinulis mule', “Tumpu mompisala'i anu ko bubuun, panyo mule' Ia mongkalibosi mian anu kinyonyoanyo mati aluk.”