ZAKHARIA 12:4 - KITAB NU TUMPU ALLA LELE MA'IMAI'

⁴ I sinaa aijo' iwi-iwi' na ajahan Ku pobingongmo ka' mule' aha mian anu monsake'i Ku po ulawonmo, ka' mian anu jojoong i Yehuda Ku jagaimo, panyo iwi-iwi na ajahan nu sampobali' nu aha Ku popisokmo.

ZAKHARIA 12:4 ပူးပေါင်းရင်းမြစ်များ

1 TOMU-TOMUNDO' 8:29

Ku taha'imani sinaa ka' pihi Belento montoakon mae Laigan aiya anu pinile'anmo nu Belento salaku tampat ponsomban Belento. Ku taha'imani lengkat mae i kajojoongan nu Belento i Suluga' Belento mompotombihingakon mae ka' mongampuni aku ka' mian anu pinalesayamo hi Belento de kami tokamo mae i laigan aiya ka' balado'a hi Belento.

2 TOMU-TOMUNDO' 6:14

Lantas i tomundo' Siria nompalentahmo nokiijo' sagombu na suludadu manjoo' hondo ka' mule' ajahan ka' kareta anu bau pahampate. Aha tinoka i kota' aijo' pinihimo, lantas tinikumo nu aha na kota' aijo'.

2 TOMU-TOMUNDO' 6:18

Salatan mian nu Siria haha aijo' nontumbuhimo, i Elisa binalado'amo, “O Tumpu de timbali popahakon na mata nu mian haha aiya!” Do'a i Elisa i hongomo nu Tumpu, sahingga aha iwi-iwi' pinahamo.

2 TAWARIKH 6:20

Ku taha'imani da sinaa ka' malom belento monjagai mae laigan aiya anu pinile'anmo nu Belento salaku tampat bau ponsoban belento kita Tumpu. Ku taha'imani da kiita' mae i tampat kajojoongan nu Belento i suluga' belento mohongo mae ka' mongampuni aku ka' mule' mian nu Israel, mian anu pinalesayamo hi belento aijo', de kami tokamo mae i laigan aiya, ka' balado'amo hi belento.

2 TAWARIKH 6:40

Uuka aiya, O Tumpu Allah-ngku, toakon mae na kami ka' potombihingakon mae na do'a iwi-iwi' anu pinotokamo hi belento lengkat i tampat aiya.

2 TAWARIKH 7:15

Aku saja' mae mompalahatikan Laigan-Ku aiya ka' saja' mae mohongo do'a nu aha iwi-iwi' anu nupotoka mae nu aha lengkat i tampat aiya.

NEHEMIA 1:6

Toakon mae na aku O Tumpu, ka' potombihingakon mae na do'angku anu ku potoka hi ahop nu Belento sinaa ka' pihi kona hi aha mian Israel, posaihon nu belento haha aitu. Aku mangakumo saba' kami, mian nu Israel binaladosa'mo; aku ka' to mompo-mompolee'ku binaladosa'mo suele.

YESAYA 24:21

Tempo'nyo aijo' Tumpu mohukumo to mia-mian anu balakuasa aita' ilanga tiba to tomu-tomundo' idunia aiya.

YESAYA 37:17

O, Tumpu de timbali toakon mae apaa na anu jinadimo aiya hi kami. Potombihingakon mae iwi-iwi' na potatae mompopo ambang anu tinaloakonmo i Sanherib hi Belento, Tumpu anu tumuu'.

YEREMIA 24:6

Ku jagai na aha ka' po ule' momboa mae aha minsusule' ilipu' aiya. Aku po ule' mombangonakon aha, misa' mongidei aha;

YEHEZKIEL 38:4

Ku hela'mo na ia nu kakait anu opokonamo ibagangnyo ka' monsabatakonmo mae ia tiba iwi-iwi' na suludadunyo. Manjoo' hondo na suludadunyo anu monsake'i ajahan ka' nompusokmo baju anu pokakana na buhitnyo. Toto samian na suludadunyo nomboa kanta tiba bajak.

YEHEZKIEL 39:20

I meja'-Ku aha mompobosumo kompong nu aha tiba iwi-iwi' na ajahan ka' anu monsake'i ajahan haha aijo' tiba to sulu-suludadu. Aku, Tumpu Anu Matangkas na Kuasanyo notataemo.”

DANIEL 9:18

Potombihingakon mae na kami, o, Tumpu, toa mae na kami ka' palahatikan mae na kasala'an mami tiba kota' mami anu nana idekmo tiba suele sanggo nu Belento. Kami binalado'amo hi Belento misa' kalana kami mian anu manonong panyo kalana Belento talalo ahi' hondo mongkalibosi.

ZAKHARIA 10:5

Mian anu jojoong i Yehuda untungmo na mahampate susu mo suludadu anu lewa'mo mompahampeja'akon sampobal' sumo hensek aitu i jalan. Aha mahampate kalana Aku, Tumpu na montulungi aha, ka' suludadu nu sampobali' momon sake'i ajahan nu patundu'mo nu aha iwi-iwi'.

ZAKHARIA 12:11

I sinaa aijo' ko anumo tumando' talatalalo hondo i Yerusalem, susumo nontando'i i Hadat-Rimon i Bangka'nyo nu Megido.

ZAKHARIA 12:3

Panyo de sinaa aijo' tokamo mae, Ku baumo na Yerusalem susumo batu anu maboat; maumo bansa pa' iya mae na monsoba mohangkat mohumpakmo bahaya. Iwi-iwi' na bansa i dunia aiya mosa'angu'mo montumbuhi Yerusalem.

ZAKHARIA 12:5

Lantas to utu-utus nu aha Yehuda motataemo i uno nu kinyonyoa nu aha, ‘Tumpumo ahi' Anu Daka' na Kuasanyo na nombee'i kahosonan hi mian anu palesayamo hi Ia anu jojoong i Yerusalem'.’

ZAKHARIA 12:6

I sinaa aijo' to utu-utus nu aha Yehuda Ku pojadimo susumo apu i uno nu tambulan nu kau' anu pinosunmo kabai susumo potong anu noakmo pinosuhapmo i timpa'an nu gandum; nu silakaimo nu aha na to bansa-bansa anu aitu mae mompaha ohani aha. Panyo mian anu jojoong i Yerusalem na tataap ahi' jojoong madi' ko anu mompoposia i uno nu kota'.

ZAKHARIA 14:15

Sangahan mule' na panyakit anu mahan hondo nongkonamo ajahan, bagal, unta tiba keledai ka' mule' iwi-iwi' na binatang itampat pinombauan kemah nu aha sampobali'.

ZAKHARIA 9:8

Ku jagaimo na tano'-Ku ka' madi'mo mompobee' to sulu-suludadu anu isalipu'an mae so' motulu. Aku madi'mo daagi mompobee' anu lewa' momposansala mompalentah mian anu palesayamo hi beleng-Ku. Kalana kasansala'an nu aha tinoang-Kumo.”

SISIKON NU TO RASUL-RASUL 17:30

Jadi kaponga'anto aijo' kinolilimanmo nu Tumpu, panyo tempo' uuka Ia nompokaumo iwi-iwi' mian i songko-songko na dunia da bolimo mombau to dosa-dosa' nu aha.

PO'ULE' INGULIT 28:28

Tumpu mompotimbalimo belemiu da ulawon, mapisokmo ka' madi'mo ko anu opisumbu-sumbu'.