ZAKHARIA 12:2 - KITAB NU TUMPU ALLA LELE MA'IMAI'

² “Ku baumo na Yerusalem susumo piala anu ko isinyo anggur, to lipu-lipu' anu mompaha ohani monginumo ka' mahasungonanmo susumo mian anu malangumo. Ka' de Yerusalem otumbuhimo to kota-kota' i lipu' Yehuda anu daagi' suele ahi' otumbuhimo.

ZAKHARIA 12:2 ပူးပေါင်းရင်းမြစ်များ

MAZMUR 75:8

Panyo posi Tumpu ahi' na momputusi ulusan, Ia na mompototu'u samian ka' mompisala'i sangga'at.

YESAYA 51:17

Pobulamo, o, Yerusalem, pobulamo! Hukuman anu inabu'akonmo nu Tumpu kalana tambuha'-Nyo ingoa'anmo nu beleyum sampe iningkot.

YEREMIA 25:15

Tumpu, Tumpu Allah nu aha Israel, notataemo mae hi belengku, “Ala na galas nu anggur aiya anu ingisian-Kumo nu anggur tambuha'-Ku. Boamo hi iwi-iwi' na bansa pa' iya na kalambanan ponsaian-Ku beleyum mamba, ka' pokau na aha da monginum anggur aiya.

YEREMIA 25:17

Sahingga ingalang-Kumo na galas aijo' hi lima nu Tumpu dan nambamo hi sinin na bansa anu pinonsaian nu Tumpu kalambananku, lantas ingusahakonkumo da nu inum nu aha na anggur aijo'.

YEREMIA 49:12

Mian anu madi' pantas ohukum kinonamo ahi' suele nu hukuman, kadaka' belemiu na madi'? Tantu belemiu tionyo ahi' ohukum!

YEREMIA 51:57

Ku languimo na to mia-mian anu kopangkatnyo ipamalintahan Babel mian anu toto pande-pande, to pola-polaya' tiba to sulu-suludadu. Aha madi'mo daagi' sola' po ule' mobula, panyo sahoyotnyomo sampe toka sidu-sidutu'. Aku, notataemo; Akumo na tomundo', Aku, Tumpu Anu Balakuasa hondo.

YEREMIA 51:7

Babel u'utu mae sumomo ahi' galas mosoni' anu totong hi beleng-Ku ka' anu nompojadimo songko-songko na dunia nalangu. To bansa-bansa nonginumo anggur igalas aijo', sahingga aha notutuangmo.

YEREMIA 8:14

“Kadaka' kita madi'mo noko ala nombau apa-apaa?” na koonyo nu mian anu palesayamo hi Tumpu Allah. “Imbo' kita' mopalaimo mamba ikota-kota' anu ko bentengnyo, bakas da kita silakaje kiijo' mae. Noko putuskanmo nu Tumpu Allah na kita tionyo ahi' silakamo. Binee'an-Nyomo na kita lasung da o'inum kalana kita binaladosa'mo hi Ia.

HABAKUK 2:16

Uuka aiya tinokamo na tempo'nyo hi beleyum da o'ambangimo, misa' da oholomati. Kaholomatan nu beleyum timbalimo anu madi' oholomati. Nu pakisamo nu Tumpu na beleyum monginum aijo' igalas anu ingisianmo hukuman da obee' hi beleyum. Nuinumo nu beleyum ka' mahasungonanmo.

ZAKHARIA 14:14

To momoane nu aha Yehuda mahampatemo monsangaja'i Yerusalem. To bala-balang anu pinahuhuakon nu aha; aha nongalamo iwi-iwi' na halata' nu to bansa-bansa anu mompaha ohani sumo mosoni', salaka ka' mule' pakean manjoo' hondo.

ZAKHARIA 14:2

Nu posihukmo nu Tumpu iwi-iwi' na bansa da montumbuhimo Yerusalem. Kota' aijo' opatundu'mo ka' iwi-iwi' na laigannyo otololangimo ka' mule' to bou-bounenyo suele opasala'imo nu aha. Mintonga' na bagian na aha mian anu jojoong kiijo' oboamo i tampat pompojoongan, panyo labinyo na jinojoong ahi' i kota' aijo'.

ANU PINOTO'I HI YOHANES 14:10

mian aijo' na monginum anggur nu Tumpu, aijo'mo anggur nu tambuha'-Nyo anu i lambe'-Nyomo i tampat pongisiannyo anggur anu madi' o ga'ai sangkiding pe'e! Iwi-iwi' na mian aijo' osakisamo i uno nu apu ka' belelang i ahop nu to mala-malaikat anu susi', ka' i ahop nu Anak nu Domba aijo'.

ANU PINOTO'I HI YOHANES 16:19

Kota anu daka' aijo' nobagi-bagimo tinimbalimo totolu' na bahagian, ka' i nohopu'mo suele na to kota-kota, iwi-iwi' na negara i dunia aiya. Lantas Tumpu tinonginau'mo hi Babel anu daka' aijo'. Saba' Tumpu nompo'inummo anggur anu aijo' i tampat pinongisian anggur nu Tumpu – aijo'mo anggur pusa-Nyo anu tahahumo hondo.

ANU PINOTO'I HI YOHANES 18:6

Obau na ia sumo pinombaunyomo belemiu; obalosi na ia pinduan lipat han iwi-iwi' na anu binaunyomo. Isi na mangko'nyo nu inumon pinduan lipat nu anu lebe molangui anu pinosadiakonnyomo hi belemiu.