ZAKHARIA 11:7 - KITAB NU TUMPU ALLA LELE MA'IMAI'

⁷ Aku, i Zakharia, lantas tinamboanmo nu to pada-padagang domba da molaya' domba-domba anu okolotmo. Aku daagi' ko tokon ohua'; sa'angu' sinanggohanku, i “Kanonongan” ka' sa'angu' mule' i “Posegot”. Lapas aijo' jinagaankumo ka' lewa'mo pinotuu'ku na domba haha aijo'.

ZAKHARIA 11:7 ပူးပေါင်းရင်းမြစ်များ

MAZMUR 23:4

Maumo aku nontulumo bangka'nyo anu pikat, aku madi' nabuhuk i apa-apaa na anu nonsilakai, kalana Belentomo na nonsangaluimo aku. Belentomo na nonjagai aku sumomo samian na polaya' anu nonjagaimo dombanyo nu tokonnyo ka' amangkunnyo.

MAZMUR 27:4

Ola sa'angu' na anu ku kakase hi Tumpu, ola aiya na anu ku kahanda'i: jojoong i Laigan nu Tumpu sampe toka sidu-sidutu' de aku daagi' tutuu' da ku oa'i na kanonongan nu Tumpu, ka' mongkakase da nu pokinde'i mae nu Tumpu.

MAZMUR 90:17

O, Tumpu mami, balakatiakon mae na kami, da anu okalaja mami iwi-iwi' ko hasinnyo ahi'.

YESAYA 11:4

Mian anu kasiasi adin hondo na ia montantukan kaputusannyo, mian anu madi' monsumbu' apa-apaa na ulusan nu tinjohi ka' madi'; kopikilan tageo' hi mian aijo'; mian anu kokasala'an obee'i hukuman, mohongo palentahnyo, mian anu ma'idek na kinyonyoanyo nu patei.

YESAYA 40:11

Susumo samian na polaya' nu binatang na Ia mompotuu', potuu'on-Nyo; Ia na nomposihuk aha. To ana-anak nu domba Nu tangkung mae, madi' Ia monsigohi mae na montuntuni to tina-tinanyo.

YESAYA 61:1

Kuasa nu Tumpu Anu Matangkas na Kuasanyo aiyamo hi belengku; Ia nompile'imo aku ka' nonsaimo aku da momboa lele ma'ima' hi mian anu kasiasi ka' mompa'alin mian anu ihansunmo na kinyonyoanyo; da mombebakon hi mian anu tinahanmo saba' aha malia'mo opobebas, ka' hi to mia-mian i uno nu talungku' saba' aha osabatakonmo.

YEREMIA 39:10

Sambagian na aha mian da'isan anu kasiasi hondo ka' anu madi' kohalata' pinojoongmo nu aha i Yehuda ka' binee'anmo ale' nu anggur tiba tano' bau pongale'an.

IMAMAT 27:32

Toto sampulu' na potuu'on o ala sa'angu' na potuu'on aijo' na obee' hi Tumpu. De potuu'on aijo' obilang toto sa'angu', saba' potuu'on anu ko sampulu'nyomo aijo' na obee' hi Tumpu.

MIKHA 7:14

O, Tumpu ojagaiakon mae na mian anu palesayamo hi Belento, mian anu pinile'anmo nu Belento. Aha nosi tademo na jinojoong i uno nu alas anu ewa hondo i daerah nu tano' anu ma'omuk. Bisa-bisa aha mohumpak anu okaan i padang hemput kiijo' mae i Basan ka' mule' kiijo' mae i Gilead susumo tempo'nyo naipuan mae.

ZEFANYA 3:12

Ikiijo' mae Ku pobee'mo da tataapmo na sa'angu' na bansa anu madi' takabun anu montaha'imani da Aku ahi' na montulungi. Aku timbalimo jojoong ikiijo' mae.

ZAKHARIA 11:14

Lapas aijo' pinato'kumo na tokonku ko ohua'nyo, aijo'mo anu kusanggohi “Posegotan”, maka no poso'mo na posaangu'an i Yehuda ka' Israel.

ZAKHARIA 11:4

Tumpu, notataemo hi belengku, “Soba bau au'aitu beleyum atina' polaya' potuu'on anu molaya' domba anu oko-okolotmo.

MATIUS 11:5

Mian anu mapisok montoa, mian anu lupe moko lumajang, mian anu ko panyakit kilit anu okabuhuk ma'alin; mian mabongon nohongo, mian anu mate po'ule' tumuu', ka' Lele Ma'ima' lengkat hi Tumpu opotokakon hi to mia-mian kasiasi.

MARKUS 12:37

Jadi, de i Daud monsanggo Tomundo' Pomposalamat aijo' ‘Tumpu’, mosiamo na Ia timbali lee' i Daud?” Mian da'isan anu kiijo' i Laigan nu Tumpu, sanaang na mohongo i Yesus mongajan.

YOHANES 10:16

Daagi' mule' ko domba-domba sangga'at aijo' suele anung-Ku, panyo madi' pinosoop i pahasan nu domba haha aiya. Aha suele tionyo Kuboa, ka' aha mule' tionyo mohongo potataeng-Ku. Aha iwi-iwi' tionyo timbali sampahas ka' sa'angu' na polaya'.

YAKOBUS 2:5

O inau', to Utu-utus anu okanonongi! Mian anu kasiasi i dunia aiya, pinile'anmo nu Tumpu da timbali mian anu kaya i uno nu iman. Mian haha aijo' pinosoopmo da timbalimo mian anu palesayamo hi Tumpu, sumo anu jinanji'mo nu Tumpu hi mian anu mongkalibosi Ia.

1 SAMUEL 17:40

Lapas aijo' ingalanyomo na tokon anu lewa' nu pake bau polaya'nyo domba, ka' nompile'imo olima' na batuan nu batu anu timpodon i kaunyo, lantas ingisinyomo ipopojenyo. Ka' mule' anu bau ponsalambetanyo tinoongannyomo lantas ia nambamo nonsingkaboti i Goliat.

1 SAMUEL 17:43

Koonyo i Goliat hi Daud, “Bau apaa na tokon atina'? Te kooyum aku aiya dedeng?” Lantas tinotobi'akonnyomo na i Daud da nu kutuki nu to pilo-pilogotnyo.