ZAKHARIA 11:6 - KITAB NU TUMPU ALLA LELE MA'IMAI'

⁶ Aku madi'mo daagi' kokalibosan maumo pa'hihe na mian ilipu' aiya. Ku bee'mo iwi-iwi' na miannyo hi aha anu balakuasa. Aha aijo' mohansunimo lipu' aiya, ka' Aku madi'mo mompo ago aijo' ikakuasa'an nu aha.”

ZAKHARIA 11:6 ပူးပေါင်းရင်းမြစ်များ

MAZMUR 50:22

Soba palahatikan, belemiu anu mongkolilimi Tumpu; bala ingati mae dumo belemiu Ku silakai, ka' madi' ko anu momposalamat.

YESAYA 27:11

De to panga-panga'nyo manggasmo ka' mopato'mo tokamo mae nu ala nu to bou-boune da bau kau' anu oposun. Bansa aijo' madi' ko anu nu pisumbu-sumbu', sahingga Tumpu anu nompotimbalimo ia madi'mo daagi' mongkalibosi aha.

YESAYA 3:5

Aha to mia-mian mompaha bebee'mo kasusa'an. To oli-olitau madi'mo mompajuli aha to tu'a-tu'anyo ka' mian anu kasiasi madi'mo mompajuli mian anu kaya.

YEREMIA 13:14

Lantas aha Ku podukumo hi samian ka' hi samian. Mian anu tu'amo tiba mian anu ma'isa tu'nyo Ku baumo susumo aijo madi'mo daagi' ko ampunnyo. Aha Ku silakaimo madi'mo daagi' mongkalibosi kabai mongkanonongi. Aku, Tumpu, notataemo.”

MOHAANGI 2:21

Tu'anyo tiba anu daagi olitau sinilakamo daha-dahapa ijalan. Olitau, langkoyang sinilakamo nu bajak. Isinaa belento pinusamo, belento nongkolotmo aha kalana madi'mo nongkalibosi.

MOHAANGI 5:8

Kami pinalentahmo nu to mia-mian anu sumo-sumomo ahi' posaihon; madi' ko anu balakuasa molapasakon mae kami aijo' hi aha.

YEHEZKIEL 8:18

Aha mongoa'ije tambuha'-Ku anu taha-tahahumo! Aku madi'mo daagi' mongampuni kasala'an nu aha. Maunyomo ahi' aha' moloboo'akonmo mae daka-daka' do'a nu aha hi beleng-Ku, panyo Aku na madi'mo ahi' mongka'oho' mompotombihing!”

YEHEZKIEL 9:10

Aku madi'mo mongkalibosi aha. Ku baumo hi aha apaa na anu binaumo nu aha hi mian sangga'at.”

HOSEA 1:6

Lapas aitu bengkele'ku aijo' nompohampemo anak anu ko ohua'nyo, anak boune. Tumpu notataemo hi belengku, “Hosea, sanggohi na anak nu beleyum aijo', ‘Anu Madi' Okalibosi’, saba' Aku madi'mo mongkalibosi mule' bansa Israel, ka' madi'mo hondo-hondo mongampuni aha.

HOSEA 2:10

Ku langgo'imo na ia i ahop nu iwi-iwi' na sindua'annyo. Madi' ko samian pe'e na aha anu moko ala molapasakon ia i kakuasa'an-Ku.

MIKHA 5:8

Israel mompatundu'mo iwi-iwi' na sampobali'nyo ka' mule' mohansunimo aha iwi-iwi'.

MIKHA 6:14

Belemiu mongkaan panyo madi' mobosu, ola mule' ahi' tataap mo'ohop. Belemiu mongato bala-balang panyo madi' opoko ala ojagai. Maumo pa' apaa na anu ojagai nu belemiu Ku hansunimo i uno nu pahampatean.

HAGAI 2:22

to kala-kalaj'an Ku ideimo ka' mule' kuasa nu aha Ku hansunimo. Iwi-iwi' na kareta anu bau pahampate tiba anu mompojalan Ku bali-balikakonmo; iwi-iwi' na ajahan mohopu'mo ka' mule' anu monsake'i mompaha pate-pateimo.

ZAKHARIA 11:14

Lapas aijo' pinato'kumo na tokonku ko ohua'nyo, aijo'mo anu kusanggohi “Posegotan”, maka no poso'mo na posaangu'an i Yehuda ka' Israel.

ZAKHARIA 11:5

Anu mongoli domba aijo' nompateimo domba haha aijo', pada han madi' kinohukumannyo. Aha anu nompobaluk antoknyo nu domba haha aijo' notatae, ‘Opuji' na Tumpu! Uuka aiya kita nompaka kayamo!’ Topo laya' potuu'on haha aijo' madi' kinokalibosan hi domba haha aijo' anu nu jagai nu aha.

ZAKHARIA 11:9

Lapas aijo' aku notataemo hi sampahas na domba haha aijo', “Aku madi'mo daagi' molaya' belemiu. Anu matemo pojohokmo da ia matemo, ka' anu pisala'onmo pojohokmo da ia pisala'onmo. Lantas tuha'nyo bakasmo da mompaha pate-pateimo.”

ZAKHARIA 14:13

I sinaa aijo' Tumpu mompobingongmo bansa-bansa sahingga mabuhukmo ka' mule' batu-batu mian mohakopmo sangalunyo anu isohipi'nyo ka' nu pateimo.

ZAKHARIA 8:10

Naipuan mae ma'isa pe'e ko anu noko ala nontamboi mian kabai binatang na mokalaja ka' mule' madi' ko anu mongoa'i ka'amanan, ka' mule' sampobali' anu mongganggu. Aku nonsabungmo aha samian tiba samian.

MALEAKHI 4:6

Nu pojadije na to tutuuma ka' mule' to ana-anak da kinyonyoa mosa'angu', da Aku madi' mohansuni lipu' nu belemiu.” 1

MATIUS 10:21

Saidi' mae timbalije saba' mian posi utusnyo mombee' da o patei. Ka' aitu mule' na saidi' mae timbali hi tuumanyo tiba anaknyo. To ana-anak tionyo mongewa tina ka' tuumanyo, ka' mombee' aha da o patei.

MATIUS 22:7

Salatan tomundo aijo' nohongo han aijo', ia pinusa hondo. Ia nonsai suludadunyo da mompatei anu lewa' mompatei aijo' ka' nompapui kota nu aha.

MATIUS 24:10

Tempo'nyo aitu da'isan na mian madi'mo palesaya, mombiabiangakonmo agama, palangues, ka' mompaha ka'ika'idekimo samian ka' sangga'at.

YOHANES 19:15

Aha nolo-noloboo'mo, “Pateimo na Ia! Pateimo na Ia! Salibmo na Ia!” I Pilatus nompokilawa, “Tionyo ku salibmo na tomundo miu?” To kapa-kapala nu imam nontaami, “Samata-mata i Kaisar na tomundo mami!”

1 TESALONIKA 2:16

Ka' aha nontewa'mo kami mompolele hi aha to bansa-bansa anu misa' Yahudi, lele anu timbali momposalamat bansa haha aijo'. Tiba jalan anu sumo aijo' komiu mian nu Yahudi aijo' saja'mo montuangi to dosa-dosa' nu aha sampe konjoo'nyo sampa'mo. Ahennyo uuka aiya aha nu konaimo nu tambuha' nu Tumpu.

IBRANI 2:3

Pakalaus mule' de kasalamatan anu lebe daka' na angga'nyo ka' anu molingkuduimo potuunon haha aijo'! De kita madi' saja' monginau' kasalamatan aijo', tantu kita madi' molapas i hukuman. Kalana Tumpu na momonanyomo nompoto'i kasalamatan aijo', ka' to mia-mian anu momonanyo nohongo nomponyata'mo anu totu'unyo hi kita.

YAKOBUS 2:13

Kalana Tumpu madi' mompotoa kalibosan-Nyo hi mian anu madi' monsumbu' kalibosan. Panyo kalibosan lebe mahoson molingkudui hukuman!