ZAKHARIA 11:5 - KITAB NU TUMPU ALLA LELE MA'IMAI'

⁵ Anu mongoli domba aijo' nompateimo domba haha aijo', pada han madi' kinohukumannyo. Aha anu nompobaluk antoknyo nu domba haha aijo' notatae, ‘Opuji' na Tumpu! Uuka aiya kita nompaka kayamo!’ Topo laya' potuu'on haha aijo' madi' kinokalibosan hi domba haha aijo' anu nu jagai nu aha.

ZAKHARIA 11:5 ပူးပေါင်းရင်းမြစ်များ

2 TOMU-TOMUNDO' 4:1

Daagi' kino sansinaan balu nu samian na nabi nambamo hi Elisa ka' nompoto'i, “Kita Tuuma, langkai'ku sinilakamo! Ka' osumbu'mo nu belento Tuuma saba' ia suele mian anu tulu-tulutan hondo hi Tumpu Allah, panyo daagi' ko samaya'nyo hi mian. Sahingga mian aijo' tinokamo mae nongala anaku ua-ua'aha aha ka' nu baumo nu aha posaihon, salaku pombayan samaya' nu Tuuma nu aha aijo'mo langkai'ku sisinilakamo.”

NEHEMIA 5:8

ka' pinoto'ingkumo, “Kita binala'usahamo hondo totu-totu'u nontokongi to utu-utusto mian nu Yahudi anu paya bemanau' nompobalukmo butongnyo hi bansa anu i salipu'an. Panyo uuka aiya belemiumo mule' ahi' na mompakisa aha da mompobaluk butong nu aha hi belemiu, padahan belemiu suele bubu' mian nu Yahudi!” To pola-polaya' haha aijo' madi' noko ala nontaami maumo pe'e ola santaa'.

YEREMIA 2:3

O Israel, beleyum ola Aku na tumpunyo, batu nu kinyonyoangku anu Ku kanonongi. Ku potokamo mae na balaa' hi aha iwi-iwi' nonsaduakonmo beleyum da sinansala, Aku, Tumpu notataemo.”

YEREMIA 50:7

Aha otumbuhimo ka' osakisamo nu mian iwi-iwi' anu singkabot tiba aha. Iwi-iwi' na sampobali nu mian anu palesayamo hi beleng-Ku notataemo, ‘Apaa na anu binauntomo, madi' sala', kalana mian haha aijo' binaladosa'mo hi Tumpu. Mompolee' nu aha na palesaya ahi' hi Tumpu, jadi sabenannyo aha na sabole-bole ahi' tulu-tulutan hi Ia.’

YEHEZKIEL 34:10

Aku, Tumpu Anu Matangkas na Kuasanyo notataemo hi beleyum, taalu' Aku aiya sampobali' nu beleyum. Dombang-Ku haha atina' po ule'mo Ku ala, ka' madi'mo Ku poki kalesang hi beleyum; belemiu madi'mo daagi' Ku pobee' mompotutugakon apaa na posi kapentingan nu beleyum. Dombang-Ku haha atina' Ku posalamatmo sahingga aha madi'mo daagi' bau kaanon nu belemiu.’ ”

YEHEZKIEL 34:21

Belemiu mompaha gege-gegensomo ka' montandukmo domba anu masakit sahingga aha mambamo madi'mo maninggalo' igombuan nu domba sangga'at.

YEHEZKIEL 34:6

Sahingga dombang-Ku haha aijo' lewa'mo namba ito puge-puge'nyo anu matangkas ka' mule' ito bungku-bungkutnyo. Aha noga'a-ga'atmo namba isongko-songko na dunia, madi' kinosamian na anu mompalahatikan aha kabai molio aha.

HOSEA 12:8

Tumpu notatae hi aha bansa Israel, “Belemiu tageo' na kinyonyoa sumomo mian nu Kana'an; to pada-padagang nu belemiu saja' mongakali mian anu lewa mongoli hi belemiu balang, mompake timbangan anu madi' totu'u.

HOSEA 12:9

Kita uuka aiya kinayamo na koonyo nu aha. ‘Kita inguntungmo! Madi' ko samian pe'e na anu monsangka tukoonyo kita nohumpak kakaya'an kalana katageo'anto'.’

AMOS 2:6

Tumpu notatae, “Mian nu Israel saja'mo nombau dosa' pa' pimpianmo, kalana aijo' Aku tionyo mohukumo aha. Mian anu madi' tageo' na kinyonyoanyo madi'mo moko sule'akon anu sinabonnyo, pinobaluk nu aha tinimbalimo bau botuan. Sumo aitumo mule' na kalakuan nu aha hi mian anu kasiasi anu madi'mo moko bayan samaya'nyo, pada han samaya' aijo' ola oli nu sa'angu' na pan na sapatu.

MATIUS 23:13

“Silakamo na komiu to gulu-gulu' agama ka' to mia-mian nu Farisi! Komiu saja' mombau pula-pula. Komiu ola monsaduakon da mian madi' totu-totu'u timbali mian anu palesayamo hi Tumpu Allah. Posi komiu pe'e madi' mongka'oho' mian anu palesayamo hi Tumpu, ka' mian sangga'at anu oka'oho', miu da boli palesaya. [

YOHANES 10:1

“Totu'u hondo na potataeng-Ku aiya: Mian anu minsoop i pangkun nu domba malaluan i pagan, ka' madi' montulu sabatan, panyo moliba' montulu jalan sangga'at, mian aijo' anu mombuling ka' mule' ia tololang.

YOHANES 16:2

Komiu osabatakon i laigan anu saja-saja' pogalejaan. Ka' tokaje na tempo'nyo saba' mian anu mompatei komiu tukoonyo ia mombau anu nu palentahkon nu Tumpu.

2 PETRUS 2:3

Kalana aha mangoa, sahingga to gulu-gulu' anu madi' totu'u aijo' nonsisikakonmo hi belemiu to sisi-sisik anu o posi kalang da bau pohumpakan ka'untungan hi belemiu. Panyo anu momputusi monabu'akonmo hukuman hi aha pininmo na pinosadia, ka' kabinasa'an anu tinantukanmo bau bagi nu aha hau-haunyomo montanda'imo aha.

ANU PINOTO'I HI YOHANES 18:13

kilit kayu manis, to lampa-lampa, dupa, mur, ka' kamangian; anggur ka' lanya', labu ka' gandum, sapi' ka' domba, ajahan ka' kereta, to posa-posaihon ka' suele mule' nyawa nu mian.

ANU PINOTO'I HI YOHANES 3:17

Belemiu notatae, ‘Kami kaya ka' sukup; kami madi' kakulangan apa-apaa.’ Panyo madi' osumbu' miu, palias na ko kasiasinyo ka' ko susa'nyo na ka'ada'an miu! Belemiu kasiasi, to langgo-langgo' ka' mapisok.