ZAKHARIA 11:11 - KITAB NU TUMPU ALLA LELE MA'IMAI'

¹¹ Isinaamo aijo' na palajanjian ai-aijo' madi'mo daagi' osidahakon. To pada-padagang domba haha aijo' no mata-mataimo mae aku ka' aha sininsumbu'mo talu' iwi-iwi' na palabuatanku aijo'mo na salaku potatae nu Tumpu.

ZAKHARIA 11:11 ပူးပေါင်းရင်းမြစ်များ

2 TAWARIKH 9:14

ma'isa minsoop na to hasi-hasin anu o'ala hi to daga-dagang anu toto daka-daka' ka dagang anu olaje babanggan. To Tomu-tomundo nu aha Arab tiba gubolonun-gubolonun nu aha Israel suele nombee'imo mosoni' ka' salaka hi ia.

MAZMUR 69:33

Montoa han aijo' mian anu sinakisamo lame'mo, mian anu monsombah Tumpu bilahimo.

YESAYA 14:32

Apaa na bau pontaaminto hi aha to mia-mian anu toka mae lengkat hi aha bansa Filistin? Opoto'into tukoonto hi aha Tumpu nombaumo Sion ka' mian anu palesayamo hi Ia anu nongoa'imo kasansalan ojagaimo ikiijo mae.

YESAYA 40:31

Panyo mian anu montakabunakon Tumpu, saidi' mae po ule'mo mohumpak kahosonan. Aha pokakanamo sumo bonyia', anu lumahap matangkas kalana kahosonan nu polipiknyo. Aha lewa' mopadeka' panyo madi' malawe, aha lewa' lumajang panyo madi' lu'us.

YESAYA 8:17

Tumpu madi'mo nompotoa butong-Nyo hi lee' i Yakub, mian anu palesayamo hi Ia.

YEREMIA 32:8

Lantas sosok hondo susumo anu pinoto'imo nu Tumpu tinokamo mae na i Hanameel hi belengku ipopasan nu laigan nu tomundo' ka' nompoto'i da mongoli tano'nyo. Kalana aijo' aku iyakinmo taalu' Tumpu totu-totu'u ahi' notataemo mae hi belengku.

MIKHA 7:7

Panyo kita na montaha'imani ahi' Tumpu; ka' totu-totu'u ahi' na kinyonyoanto montanda'i Tumpunto. Ia mohongomo dosa' anu binauntomo ka' momposalamatmo kita.

ZEFANYA 3:12

Ikiijo' mae Ku pobee'mo da tataapmo na sa'angu' na bansa anu madi' takabun anu montaha'imani da Aku ahi' na montulungi. Aku timbalimo jojoong ikiijo' mae.

LUKAS 19:48

panyo madi' mohumpak jalan da obau na han aijo', kalana iwi-iwi' na mian saja' mohongo Ia, ka' mongka'ima'i potatae-Nyo.

LUKAS 2:25

Tempo'nyo aijo' i Yerusalem daagi' ko samian sanggonyo i Simeon. Ia mian anu ma'ima', anu mabuhuk hi Tumpu, ka' hau-haunyo montanda'i tempo'nyo Tumpu momposalamat Israel. Roh nu Tumpu monsangalui ia,

LUKAS 2:38

Pas tempo' aitu mule' ia tinokamo, lantas nompuji'mo Tumpu Allah, ka' nonsisik Anak aijo' kona hi iwi-iwi' na mian anu montanda'i tempo'nyo Tumpu mompobebas Yerusalem.

LUKAS 7:22

I Yesus nontaami, “Pinsusule'mo hi Yohanes, ka' opoto'iakon apaa na anu ihongomo miu ka' tinoa: mian anu mapisok montoa, mian anu lupe i lumajang, mian anu ko panyakit kilit okabuhuk i na'alin, mian anu mabongon nohongo, mian anu sinilakamo po'ule' tinumuu', ka' Lele Ma'ima' lengkat mae hi Tumpu pinoto'iakon hi to mia-mian kasiasi.

PO'ULE' INGULIT 31:21

ka' manjoo'mo na balaa' anu okabuhuk montokaimo aha. Panyo nyanyian aiya saja' onyanyiakon ka' opake salaku bau pomponyata' hi aha. Ka' mule' uuka aiya ma'isa pe'e binoang-Ku namba i lipu' anu jinanji'-Kumo, pikilan nu aha sinumbu'-Kumo.”

PO'ULE' INGULIT 31:29

Ku sumbu' saba' de aku silakamo mian haha aijo' timbalimo ma'idek ka' madi'mo mongala apaa na anu pinotingankumo hi aha. Ka' aha saidi' mae nutokaimo nu balaa' kalana nonsaduakonmo da Tumpu notambuha' kalana nombaumo apaa na anu tinewa'-Nyomo.”