ZAKHARIA 10:9 - KITAB NU TUMPU ALLA LELE MA'IMAI'

⁹ Maumo ahi' gina'a-ga'at-Kumo na aha namba hi bansa-bansa, aha tataap ahi' monginau' mae Aku kiijo' mae. Aha oposalamatmo sumo aitu mule' na to ana-anak nu aha ka' minsusule'mo hingga-hinggat mamba ilipu'nyo.

ZAKHARIA 10:9 ပူးပေါင်းရင်းမြစ်များ

NEHEMIA 1:9

Panyo de kami po'ule'mo mohongo-hongo belento ka' montulutimo palentah nu Belento iwi-iwi', saba' kami anu nobagi-bagimo aijo' po'ule'je oposihuk nu Belento, maumo kami kiijo'mo mae i puusnyo nu dunia. Lantas sinuleakontomo mae nu Belento na kami i tampat anu pinile'anmo nu Belento da bau tampat ponsomban belento.

ESTER 8:17

Ka' mule' i toto sa'angu' na kota' ka' propinsi, anu binasa'akonmo na sulat palentah i tomundo, to mia-mian nu Yahudi ilame'mo, lewa'mo binasanang-sanang ka' nombaumo bau-bauon. Sahingga nanjoo'mo na aha tumpu nu lipu' tinimbalimo bansa Yahudi, kalana aha nabuhukmo hi nu aha na bansa aijo'.

YESAYA 44:21

Tumpu notatae, “O, tutugi na iwi-iwi' aiya, o, Israel, kalana beleyumo na posaihon-Ku. Aku nompotimbalimo beleyum ka' mule' beleyumo na posaihon-Ku, o, Israel, Aku madi' mongkolilimi beleyum!

YESAYA 64:4

Ma'isa toho' kinomian nohongo ka' ma'isa toho' kinomian anu nontoamo samian na tumpu anu nompalentahmo mian anu taha'iman hi ia, olamo ahi' samata-mata belento na nombaumo hi aha anu sumo aijo'.

YESAYA 65:23

Iwi-iwi' na anu nu bau nu aha ko hasinnyomo, ka' to ana-anak nu aha madi' saitotolo' silakamo. Aha tiba lee' nu aha, Ku balakatimo sampe toka sidu-sidutu'.

YESAYA 65:9

Aha mian nu Israel anu lengkat mae i tulunan nu bansa Yehuda Ku balakatije, ka' lee' nu aha mohumpakje tano'-Ku anu i bungkutnyo. Mian haha aijo' anu pinile'an-Kumo anu tulu-tulutan hi beleng-Ku jojoongmo kiijo' mae.

YEREMIA 31:27

Aku, Tumpu notataemo, tukoong-Ku tokaje mae na tempo'nyo lipu' nu Israel tiba Yehuda Ku pobuke'imo nu manusia tiba binatang.

YEREMIA 51:50

Tumpu notataemo hi aha mian nu Israel anu kiijo' mae i Babel, “Belemiu madi'mo jadi pinatean! Jadi' lako'mo uuka aiya! Bolimo daagi' montanda'i! Maunyomo ahi' belemiu majo'on lengkat ilaigan, panyo inau' mae ahi' na Aku, Tumpu Allah nu belemiu, ka' suele ahi' o'inau' na Yerusalem.

YEHEZKIEL 6:9

ikiijo' mae aha tumuu'mo ipinomboan ka' pinompojoongan. Lantas aha tonginau'mo mae hi beleng-Ku ka' mangalati'mo taalu' Aku nohukumo ka' nompopo ambangmo aha kalana kinyonyoa nu aha madi'mo tinulu-tulutan hi beleng-Ku. Aha nohikumo Aku ka' nompile'imo pilogot salaku bau pombolosi nu aha Aku. Lantas aha monguahi mo na mongoa'i posi butong nu aha kalana palabuatan ma'idek ka' anu moko pahumimi' bibinaumo nu aha.

HOSEA 2:23

Ku bauje na mian-Ku anu palesayamo da tumuu'mo sanang, ka' tataapmo ilipu' nu aha. Kona hi aha anu osanggohi ‘Anu Madi' Okalibosi’ ku potoaje saba aha Kukalibosi ahi', ka' hi aha anu osanggohi ‘Misa' mian-Ku anu palesayamo’ Ku taloakonje, ‘Belemiu mian-Ku anu palesayamo’. Aha montaamije sumo uuka, ‘Beleyumo na Tumpu mami!’ ”

AMOS 9:9

Ku palentahmo da o tapiimo na bansa Israel susumo mian montapii gandum i kiapan. Da o'alini iwi-iwi' na anu madi' ko gunanyo anu aijo' hi aha, Ku pokalangkabutmo na aha hi to bansa-bansa.

MIKHA 5:7

Aha mian nu Israel anu daagi' jinojoong hi aha to bansa-bansa sumomo singa itotonga' nu to bina-binatang anu i uno nu alas kabai itotonga' nu tompukan nu domba anu i daerah nu padang hemput. Singa aijo' minsoopmo mokiijo' itotonga' nu tompukan nu domba haha aijo' ka' mompahampeja'akonmo ka' mule' mombente-bentekmo; madi' ko anu moko ala molapasakon domba haha aijo'.

SISIKON NU TO RASUL-RASUL 8:1

Ka' i Saulus suele sinanangmo kalana mian aijo' pinateanmo. Sinaa aitu mule' jama'at i Yerusalem mulaimo saja' o loloi', sahingga iwi-iwi' mian anu palesayamo, me sambiha'nyo to rasul-rasul, noga'a-ga'atmo nokiijo' i songko-songko na tano' nu i Yudea ka' i Samaria.

SISIKON NU TO RASUL-RASUL 8:4

To mia-mian palesaya anu noga'a-ga'atmo aijo' noleleakonmo Lele Ma'ima' lengkat mae hi Tumpu aijo' iyaya mae.

ROMA 11:24

Kita Utus anu misa' nolengkat mae i bansa nu Yahudi sumo panga' nu kau' zaitun nu kuhat. Jadi, de kita Utus madi' mo'imboa tiba kalakuan nu kita Utus, timbali ahi' opokampa' i kau' anu totu-totu'u zaitun, lebe-lebe mule' to mia-mian Yahudi anu kinantuangakon sumo to panga-panga' nu kau' anu totu-totu'u memang zaitun aijo'. Tantu lebe dengke mule' na Tumpu po'ule' monsule'akon aha i posi kau' zaitun nu aha.