ZAKHARIA 10:6 - KITAB NU TUMPU ALLA LELE MA'IMAI'

⁶ “Mian anu jojoong i Yehuda Ku pohosonmo mian nu Israel Ku posalamatmo. Po ule'mo Ku boa na aha minsusule' i lipu'nyo kalana Ku kanonongi na aha. Ku pojadimo na aha, salaku bansa anu madi' toho' Ku kolilimi. Akumo na Tumpu nu Aha, iwi-iwi' na do'a nu aha po ule'mo Ku palahatikan.

ZAKHARIA 10:6 ပူးပေါင်းရင်းမြစ်များ

MAZMUR 89:21

Aku nongkabotmo i Daud, posaihonku, ka' jinujuhankumu nu lanya' susumo biasa opake de mohangkatmo samian timbali tomundo'.

YESAYA 11:12

Tumpu mompotinjomo sa'angu' na bandela' bau pontoan nu to bansa-bansa. Aijo'mo na tandanyo taalu' Ia po ule'mo nomposihuk bansa Israel, tiba bansa Yehuda anu noga'a-ga'atmo iyaya mae i dunia aiya ka' monsule'akonmo mae aha.

YESAYA 14:1

Tumpu po ule'mo nongkalibosi Israel mian anu palesayamo hi Ia, ka' po ulemo nompile'i aha da po ule ahi' Ia na tumpu-Nyo. Ia po ule'mo mompojoong ilipu' nu aha. Mian anu lengkat mae isalipu'an tokamo mae ka' maninggalumo hi aha.

YESAYA 41:10

Boli mabuhuk kalana Aku na monsangalui beleyum, boli baat-bata, kalana Aku na Tumpu nu beleyum. Beleyum Ku pokododomo ka' Ku tulungimo, Ku taka'mo nu limang-Ku anu timbali otaha'imani.

YESAYA 54:4

Boli mabuhuk, beleyum madi opopo'ambang; madi'mo o, alu ka' lewa' mahasasungonan. O kolilimimo nu beleyum na beleyum madi' namomong tempo'nyo daagi' olitau; madi'mo daagi' monginau' na beleyum iliing tempo'nyo beleyum binalumo.

YESAYA 54:8

Ola sasaingoni' na Aku madi'mo montonto'i beleyum, kalana tambuha'-Ku talalomo ahi. Panyo kalibosan-Ku anu madi' ko kamingkotannyo na mongkalibosi beleyum.” Sumo aijo' na koonyo nu Tumpu anu Momposalamat beleyum.

YEREMIA 23:6

De ia na mompalentah, mian nu Yehuda salamatmo ka' mule' mian nu Israel tumuu'mo madi'mo ko anu mompoposia. Tomundo' aijo' osanggohimo ‘Tumpu anu momposalamat Kita’.

YEREMIA 3:18

Israel mosa'angu'mo tiba Yehuda ka' hingga-hinggatmo mae toka lengkat ilipu' pinomboan isasu utara. Aha minsusule'mo mae ilipu' anu binee'-Kumo salaku tano' pusaka' hi aha lee' nu belemiu.”

YEREMIA 30:18

Tumpu po ule' mule' notatae; “Belemiu mian anu palesayamo hi beleng-Ku Ku kalibosimo ka' po ule'mo Ku pokopiani na kantumuu'an nu belemiu i tano' kinahampean nu belemiu. Yerusalem po ule'mo ahi' obau ka' laigannyo nu tomundo' opoko ima'imo.

YEREMIA 30:20

Bansa nu belemiu Ku pojadimo talasanggo susumo naipuan mae, ka' po ule'mo tuminjo' salaku mian anu palesayamo hi beleng-Ku. Iwi-iwi' na anu nombee'imo kasansala'an Ku hukumo suele.

YEREMIA 31:1

Tumpu notatae, “Tokaje mae na tempo'nyo Aku timbalimo Tumpu Allah nu aha iwi-iwi' na tulunan nu bansa Israel ka' aha timbalimo mian anu palesayamo hi beleng-Ku.

YEREMIA 31:20

O Israel beleyum anak anu Ku kanonongi hondo anak anu oka'ima'i hondo, saja' o inau' i uno nu kinyonyoang-Ku. De Aku montambuha'imo bele saja'mo Ku inau' na beleyum ka' molibosmo. Beleyum na Ku atun ahi' ima-ima' nu kalibosan.

YEREMIA 31:31

Tumpu notatae, “Tokaje mae na tempo'nyo Ku bauje na palajanjian anu obauje mule' tiba mian nu Israel ka' Yehuda.

YEHEZKIEL 36:11

Miannyo ka' potuu'on nu belemiu Ku tuangimo sahingga majoo'mo hondo lebe'mo manjoo' na anu u'utu mae ka' mule' aha mohumpakmo lee' manjoo'. Aha po ule' tumuu' kiijo' mae susumo u'utu mae ka' Ku pojadimo sanang na kantumuu'an nu aha susumo anu ma'isa toho' tina'up nu belemiu. Sahingga nu sumbu'je nu aha taalu' Akumo ahi' na Tumpu.

YEHEZKIEL 36:37

Tumpu Anu Matangkas na Kuasanyo notataemo, “O bansa Israel, belemiu Ku pobee'mo mule' momoita tulung hi beleng-Ku; Ku tuangimo na konjoo'nyo nu belemiu susumo gombuan nu domba.

YEHEZKIEL 37:16

“O manusia anu madi' tumuu' batu, ala na tokon sa'angu' ka' potulis na potatae aiya sasu aita' mae, ‘Kalaja'an nu Yehuda'’. Lantas ala mule' na tokon sangga'at, ka' potulis sasu aita' mae ‘Kalaja'an nu Israel’.

YEHEZKIEL 39:25

Tumpu Anu Matangkas na Kuasanyo notatae, “Panyo uuka aiya po ule'mo Ku kalibosi na aha mian nu Israel lee' i Yakub ka' po ule'mo Ku pokopiani na kantumuu'an nu aha. Tiba jalan anu sumo aijo' na Aku monjagai da sanggong-Ku tataap oholomati.

HOSEA 1:11

Bansa Yehuda tiba bansa Israel oposa'angu'mo mule'. Aha po'ule'mo mohangkat samian bau polaya', ka' aha timbalimo da'isan ka' sanangmo mule' i lipu' nu aha. Memang Sinaa nu Yizreel tinimbalimo sinaa anu opopodaka'!

HOSEA 1:7

Panyo bansa Yehuda Ku kalibosimo. Aku Tumpu, Tumpu nu aha momposalamatmo aha, panyo misa' kalana mahampate, ka' suele misa' kalana bajak, kabai pana', kabai ajahan ka' anu monsake'i.”

HOSEA 14:9

Mian nu Israel mongalinmo iwi-iwi' na patong nu pilogot nu aha aha Ku jagaimo ka' mule' Ku talimamo na do'a nu aha. Susumo kau' anu tambok na honnyo, Kujagaimo na aha. Akumo na polengkatan mae nu balakat, iwi-iwi' anu nu humpak nu aha. Akumo na Tumpu anu notataemo.

HOSEA 2:23

Ku bauje na mian-Ku anu palesayamo da tumuu'mo sanang, ka' tataapmo ilipu' nu aha. Kona hi aha anu osanggohi ‘Anu Madi' Okalibosi’ ku potoaje saba aha Kukalibosi ahi', ka' hi aha anu osanggohi ‘Misa' mian-Ku anu palesayamo’ Ku taloakonje, ‘Belemiu mian-Ku anu palesayamo’. Aha montaamije sumo uuka, ‘Beleyumo na Tumpu mami!’ ”

OBAJA 1:18

Mian-Ku Israel anu pinalesayamo saidi' mae sumomo apu anu montoyo'i ingko-ingkot na lee' i Esau susumo apu montoyo'imo ingko-ingkot na hat i ale'. Madi' ko samiannyo pe'e na lee' i Esau na madi' nu kona, Aku Tumpu na notataemo!

MIKHA 4:13

Tumpu notatae, “O, mian anu jojoong i Yerusalem lako'mo ka' pahampeja' akonmo na to sampo-sampobali' nu belemiu! Ku pojadije na belemiu da mahoson susumo sapi' anu nintandukmo besak ka' ningkonukumo tambaga. Belemiu mohansunije manjoo' hondo na bansang ka' mule' kakaya'an anu i humpak nu aha kalana lewa' nompahuhuakon, osombahkonmo mae hi beleng-Ku, Tumpu nu songko-songko na dunia.”

MIKHA 4:6

Tumpu notatae, “Tokaje mae na tempo'nyo Ku posihukmo na to mia-mian anu Kuhukumo, aitumo aha anu binee'anmo kasansala'an i tampat pinomboan ka' pinompojoongan aha.

MIKHA 5:3

De anu mongkuasai aha aijo' tokamo mae, Ia mompalentahmo mian-Nyo anu palesayamo tiba kahosonan ka' mule' kakuasa'an anu lengkat mae hi Tumpu-Nyo. Mian-Nyo anu palesayamo tumuu'mo sanang madi'mo ko anu mompoposia kalana iwi-iwi' na mian i songko-songko na dunia mompototu'umo katalasanggoan-Nyo,

MIKHA 5:8

Israel mompatundu'mo iwi-iwi' na sampobali'nyo ka' mule' mohansunimo aha iwi-iwi'.

MIKHA 7:16

Da iwi-iwi' na bansa montoaje han aijo' ka' ma'ambangmo kalana aha tonginau'mo talu' iwi-iwi' na kahosonan nu aha madi' ahi' ko alati'nyo apa-apaa. Madi' ko anu nupisumbu-sumbu' nu aha sahingga madi'mo daagi' moko ala motatae kabai mohongo.

ZAKHARIA 1:16

Uuka aiya Aku minsusule'mo i Yerusalem da mombee'imo ka ampunan hi kota' aijo'. Laigan-Ku po ule'mo obau ka' mule' kota' Yerusalem po ule'mo opokopiani.”

ZAKHARIA 10:12

Aku mompohosonmo mian anu palesayamo hi beleng-Ku, aha tulu-tulutanmo ka' monsombahmo Aku. Akumo, na Tumpuu anu notataemo.”

ZAKHARIA 13:9

Me sambagian na dunia na daagi' salamat. Ka' mule' aha aijo' Ku posusi'mo susumo salaka anu osuangmo i apu da madi'mo ko galo'nyo. Aha Ku uji'mo susumo mian monguji'mo mosoni'. Lantas aha balado'amo hi beleng-Ku ka' suele ahi' Ku taamimo na aha. Ku poto'imo hi aha tukoong-Ku aha aijo' mian anu palesayamo hi beleng-Ku, ka' aha suele mongakuimo tukoonyo nu aha; Akumo na Tumpu nu aha.”

ZAKHARIA 8:11

Panyo uuka mian anu daagi' tutuu' na bansa aiya madi'mo Ku bau susumo naipuan mae.

ZAKHARIA 9:16

De sinaa aijo' tokamo mae, Tumpu momposalamatmo mian anu palesayamo hi Ia, susumo polaya' nu potuu'on momposalamatmo dombanyo da madi' mohumpak balaa'. Aha majingkamo itano' nu Tumpu, susumo mainan nu makota' anu jongkilaban hondo.