ZAKHARIA 1:6 - KITAB NU TUMPU ALLA LELE MA'IMAI'

⁶ Aha to nabi-nabi posaihon-Ku haha aijo' pinoto'ing-Kumo na to pale-palentang-Ku ka' mule' to poki-pokinde'-Ku da opoto'i hi mompolee' nu belemiu. Panyo aha madi' nompajuli sahingga aha tionyo ahi' montanggung apaa na anu jadi saidi' mae imihinyo. Lantas aha nompele-pele'mo ka' mule' nongakuimo tukoonyo nu aha Akumo na Tumpu Anu Daka' na Kuasanyo mohukumo aha sitimbang tiba kasala'an nu aha ka' susumo ahi' anu tinantukan-Kumo.”

ZAKHARIA 1:6 ပူးပေါင်းရင်းမြစ်များ

AYUB 6:29

Boli mombau apa-apaa madi' adin, sampamo ahi' sinsumbu'! Boli mae mongalu aku, aku na totu-totu'u ahi' madi' ko kasala'an.

YESAYA 21:17

Anu toto pande-pande na mompana' hi aha mian nu Kedar aijo'mo na mian anu toto babaani hondo. Panyo anu salamat na mian aijo' hi aha ola sangkiding. Aku, Tumpu Allah nu aha Israel notataemo.”

YESAYA 44:26

Akumo na nompododo potatae nu posihaon-Ku, ka' nompotimbalimo apaa na anu tinanga'anmo nu anu sinaing-Kumo, Pinoto'ing-Kumo, Yerusalem po ule'mo ojojoongi nu mian, ka' iwi-iwi' na kota' i daerah Yehuda po ule'mo Ku bau; anu singkapmo na idek po ule'mo obau.

YESAYA 55:1

Tumpu notatae, “Imbo'mo na belemiu iwi-iwi' anu negotmo, inummo na uee anu sinadiamo. Toka mae na belemiu anu madi' ko doinyo, talimamo na gandum madi' opai oli, ka' kaanmo! Anggur ka' susu sinadiamo, alamo atina' ola obee'.

YESAYA 55:11

sumo atina'mo suele na potatae anu tinaeakon-Kumo mai' mobalik mae hi beleng-Ku ola palasuma panyo ko hasinnyo mombau apaa na anu Ku kahanda'i, ka' montokai iwi-iwi' na anu Ku kahanda'i.

YEREMIA 23:20

Tambuha'-Nyo madi' momohokot de ma'isa pe'e iwi-iwi' jadi na anu tinanga'an-Nyomo. Saidi' mae imihinyo mian anu palesayamo hi Tumpu mangalati'je totu-totu'u han aijo'.”

YEREMIA 26:15

Panyo jaga ahi', de belemiu mompateimo mae aku, belemiu tiba mian anu jojoong ikota' aiya montanggungimo kasala'an kalana nompateimo mian anu madi' ko sala'nyo. Kalana Tumpu ahi' na nonsaimo mae aku da mompokinde'i belemiu.”

YEREMIA 28:17

Sahingga memang itaunmo aiya kakona ibitu'onmo kopopitu'nyo, i Hananya sinilakamo.

YEREMIA 32:24

To mia-mian nu Babel nombau pagan mesen da bau pontumbuhian iduhu-duhuk na kota' da timbali opoko ala na kota' aijo' ka' uuka aiya aha nontumbuhimo. Pahampatean, kasusa'an i anu okaan, tiba panyakit anu molele na monsaduakonmo kota aiya matundu'mo hi lima nu aha Babel.

YEREMIA 36:28

da mongala kitab anu ilulun sangga'at ka' po ule' montulis anu tinulismo iwi-iwi' ikitab anu ilulun momona aijo'.

YEREMIA 39:16

da mompoto'i hi Ebed-Melekh mian nu Sudan ai-aijo', kooNyo Tumpu Anu Balakuasa hondo, Tumpu Allah Israel nompoto'imo mae sumo uuka, “Susumo anu pinoto'ing-Kumo salatanmo pe'e naipuan mae, Ku potokamo ikota' aiya na balaa', misa' ka'ima'an nu kantumuu'an. Beleyum montoaje han aijo' jadi saidi' mae.

YEREMIA 4:4

Toongi na palajanjian nu beleyum tiba Aku, Tumpu nu beleyum ka' posadiamo na butong nu beleyum da bau kapalaluan-Ku o belemiu anu jojoong i Yehuda tiba Yerusalem. De madi' ahi', saba' tambuha'-Ku saidi' mae tahahumo ka' montoyo'imo susumo apu anu madi'mo opoko ala opatei maumo ahi' pa' hihe. Iwi-iwi' aijo' mongkonamo butong nu beleyum kalana palabuatan nu beleyum ma'i-ma'idek aijo!”

YEREMIA 44:2

Sumo uuka na potuunon nu Tumpu Anu Mahakuasa, Tumpu Allah Israel hi aha, “Belemiu nonsakisimo balaa' anu pinokonang-Kumo hi Yerusalem tiba hi iwi-iwi' na kota' sangga'at nu Yehuda. Sampe uuka aiya kota' haha aijo' daagi' hau-haunyo hansun madi'mo ko anu nonjojoongi,

YEREMIA 44:28

Me pa' to pia-piangkuka na mian na daagi' tumuu' ka' daagi' minsusule' i Yehuda lengkat mae i Mesir. Sahingga iwi-iwi' na mian nu Yehuda anu kiijo' i Mesir montoaje pa' potatae nu aha kabai pa' potataeng-Ku na anu ko bukutinyo.

YEREMIA 44:29

Ku potokamo mae na balaa' hi belemiu itampat aiya bau pompobukuti hi belemiu saba' hukuman anu tinanga'an-Kumo onabu'akon hi belemiu totu-totu'u memang ahi' ototu'uimo.

YEREMIA 44:6

Mokonyo aijo' pinobuntung-Kumo na tambuha'-Ku tiba idek nu kinyonyang-Ku hi kota-kota' Yehuda tiba jalan-jalan kiijo' i Yerusalem. Iwi-iwi' pinapung-Kumo sahingga tinimbalimo ihansun ka' kinunmo susumo anu tinoamo tempo' uuka aiya.

YEREMIA 5:14

Lantas Tumpu Anu Mahakuasa hondo notataemo mae hi belengku, “O Yeremia kalana mian haha aijo' notataemo sumo aijo', saba' aha nu tuda'imo mae nu balaa' anu kokoonyo nu aha madi' mule' jadi. Ku pojadimo na potataengku pokakana susumo apu i uno nu nganga' nu beleyum. Bansa aijo' sumomo kau' anu oposun ka' apu aijo' montoyo'imo aha sampe mingkot.”

MOHAANGI 1:18

Panyo Tumpumo na anu totu'u, kalana palentah-Nyo madi'mo binatukanKu. Potombihing mae na aku, o to bansa-bansa, toa mae na aku i uno nu sansala. To oli-olitau ka' to lalangkoyangku i hakop ka' binoamo ka' binoamo i tampat pompojoongan.

MOHAANGI 2:17

Tumpu nomposidamo tambuha'-Nyo anu naipuan mae noko tanga'an-Nyomo ka' pinoto'i-Nyomo hi kita. Kita ihansunan-Nyomo ka' madi'mo kinalibosan-Nyo, sampobali' bine'an-Nyomo ka untungan na nahampate Pinolame'-Nyomo na aha na montoa kita nahungku'mo.

MOHAANGI 3:42

“Kami binaladosa'mo ka' notomuhukmo hi Belento, O Tumpu, ka' Belento madi'mo nongampuni mae.

YEHEZKIEL 20:43

Ikiijo' mae belemiu tonginau'je iwi-iwi' na palabuatan anu okahegati anu nohumimi'imo butong nu belemiu. Sahingga bubunje na belemiu de tonginau'mo ipalabuatan aijo' iwi-iwi'.

YEHEZKIEL 37:11

Tumpu Allah notataemo mae hi belengku, “O manusia anu madi' tumuu' batu, buku haha aiya molambangakon bansang Israel. Aha nososonmo koonyo nu aha, aha nanggasmo madi'mo daagi' ko anu otaha'imani isinaa aiya mae i ahop.

DANIEL 4:28

Iwi-iwi' aijo' jadimo i butongku Tomundo' Nebukadnezar.

HOSEA 5:9

Israel mahungku'mo kalana tinokamo na tempo'nyo pohukumanmo ia. Potombihing mae belemiu mian da'isan nu Israel, han aijo' memang jadimo.

HOSEA 9:15

Tumpu notatae, “Iwi-iwi' na palabuatan anu ma'idek nu aha aijo' lengkat pe'e mae i Gilgal. Kiijo' pe'e mae na Aku nontampu'unimo nongka'ideki aha. Kalana palabuatan nu aha anu ma'i-ma'idek aijo', Kulaa'mo na aha da bolimo jojoong ilipu'-Ku aiya. Madi'mo daagi Ku kalibosi na aha, iwi-iwi' na polaya' nu aha madi'mo nontuluti Aku.

AMOS 9:10

Mian-Ku anu palesayamo panyo binaladosa'mo, motatae, ‘Tumpu madi' mompojohok kita nutuda'i nu balaa'.’ Panyo aha totu-totu'unyo osilakaimo i uno nu pahampatean.”

ZAKHARIA 1:7

I tanggan uampulu' ka opat bitu'on Syebat aijo'mo bitu'on ko sampulu'nyomo ka' sa'angu' i taun anu ko ohua'nyomo na i Tomundo' Darius nompalentah. Tumpu nompoto'imo potuunon-Nyo hi belengku. Daagi' kino sampahuan nontoamo pihi-pihi,

MALEAKHI 3:18

Mian anu palesayamo hi beleng-Ku montoa mule' bedanyo mosia na mian anu manonong tiba mian anu maidek na kalakuannyo, ka' mule' mian anu monsombah Aku tiba mian anu madi' monsombah Aku.”

NOMBILANGMO 23:19

Tumpu Allah madi' sumo manusia anu sampa mompele-pele' ka' mongka'ima'i baleko'. De Tumpu Allah balajanji' sabole-bole Nu ganapi! De Ia motataemo tantu tionyo ahi' jadi!

NOMBILANGMO 32:23

Panyo ingat, de belemiu madi' mombau anu jinanji'mo nu belemiu, belemiu baladosa'mo hi Tumpu ka' o hukumo, kalana dosa' nu belemiu atina'.

NOMBILANGMO 33:56

De belemiu madi' molaa' aha, Akumo na mompatei belemiu susumo anu kinahanda'an-Kumo obau hi aha.”

MATIUS 24:35

Langit ka' tano' lanjap, panyo potataeng-Ku tataap sampe toka sidu-sidutu'.”

PO'ULE' INGULIT 28:15

“Panyo de belemiu madi' montuluti Tumpu Allah nu belemiu, ka' madi' mombau ima-ima' palentah iwi-iwi' ka' atulan-Nyo anu ku bee'mo hi belemiu sinaa aiya, saba' iwi-iwi' na kutuk aiya opokonamo hi belemiu:

PO'ULE' INGULIT 28:2

Tuluti na Tumpu Allah nu belemiu, sahingga iwi-iwi' na balakat aiya obee' hi belemiu:

PO'ULE' INGULIT 28:20

De belemiu mombaumo anu ma'idek, ka' madi'mo mompajuli Tumpu, Nu potokamo saidi' mae na balaa', kahengge'an, kasusa'an i han iwi-iwi' apaa na anu obau nu belemiu, sahingga i uno nu tempo' anu madi' pin, belemiu opateimo iwi-iwi'.

PO'ULE' INGULIT 28:45

Iwi-iwi' na balaa' aijo' montuda'imo belemiu ka' saja'mo mongkabisa'i belemiu sahingga belemiu silakamo, kalana belemiu madi'mo nontuluti Tumpu Allah nu belemiu ka' madi'mo nombau apaa na koonyo nu atulan-Nyo, anu binee'-Nyomo hi belemiu.

1 TESALONIKA 5:4

Panyo komiu misa' mian anu tumuu' i uno nu pintung, sahingga sinaa aijo' mompotolokengkeng komiu sumo katokaan nu anu mombuling.