ZAKHARIA 1:19 - KITAB NU TUMPU ALLA LELE MA'IMAI'

¹⁹ Pinokilawangkumo hi malaekat, anu notatae mae hi belengku, “Apaa na alati'nyo nu tanduk-tanduk haha aijo'?” Ia nontaami mae, “Tanduk-tanduk haha aijo' salaku tanda to kala-kalaja'an anu toto hoso-hoson momposungkehetmo mian anu jojoong i Yehuda, Israel, tiba Yerusalem.”

ZAKHARIA 1:19 ပူးပေါင်းရင်းမြစ်များ

1 TOMU-TOMUNDO' 22:11

Sala samian na nabi haha aijo' sanggonyo i Zedekia anak i Kenaana, nombau tanduk, besak na tinutuk, lantas pinoto'inyomo hi Ahab, “Aiyamo na anu kokoonyo nu Tumpu, 'Tiba tanduk anu susumo aiya na bau pompatei nu belento Siria ka' bau pohopu'i aha.’ ”

EZRA 4:1

Lele nu aha anu ninsusule'mo mae lengkat i Babel anu pinomboan aha, tinogilelemo tukoonyo aha hau-haunyomo mombau Laigan nu Tumpu, Tumpu Allah nu Israel, i hongomo nu aha anu monsampo bali' aijo'mo: Yehuda tiba Benyamin.

EZRA 4:4

Kalana aitu mian anu pininmo na jinojoong i lipu' aijo' lewa'mo nombee'i sisik da madi'mo daka-daka' na kinyonyoa nu aha mian Yehudi mombau Laigan nu Tumpu ka' lewa'mo nompopobuhuk aha da bolimo obau na Laigan nu Tumpu Allah aijo'.

EZRA 4:7

Ka' suele tempo'nyo i Artahsasta nompalentahmo, Persia, han aijo' po'ule' mule' binau nu aha na kahanda montewa': i Bislam, i Mintredat, i Tabeel tiba to sanga-sangalu nu aha nontulismo sulat opakatu hi tomundo. Sulat aijo' tinulis nompake' basa' nu aha Aram, jadi de obasa'mo tionyo ahi' otalangkan da osumbu' na alati'nyo.

EZRA 5:3

Panyo i Tatnai, gubernur nu Propinsi Efrat sasu Kinsoban, tiba i Syetar-Boznai tiba to sanga-sangalu nuhaha sampamo namba i Yerusalem ka' nompokilawa hi aha to mia-mian Yehudi, “Ihe na nompokau belemiu nombau ka' nomposadiamo pakakasnyo nu laigan anu bau ponsombaan Tumpu aiya?”

MAZMUR 75:4

Bisuannyo tano' tiba iwi-iwi' na anu jojoong i unonyo gayu'anmo Aku na mompo'ule' mompohoson ohi'nyo iwi-iwi'.”

MAZMUR 75:5

Kona hi mian anu lewa' buulon, Ku taloakonje da bolimo daagi' lewa' buulon.

YEREMIA 48:25

Kahosonan nu Moab pinato'anmo ka' mule' kakuasa'annyo ihansunanmo Aku, Tumpu, notataemo.”

DANIEL 12:7

Mian sangga'at aijo' nohangkatmo limanyo ohu-ohua' no kiita' ilangit. Ihongongkumo na ia binasumpa' i uno nu sanggo nu Tumpu anu tataap sampe toka sidu-sidutu' ka' notatae, “Kajadian-kajadian haha aiya saja' sabole-bole daagi' totolu' ka' mintonga' na taun. Salatan ponsakisan mian anu palesayamo hi Tumpu lapasmo, saba' suele lapasmo ahi' na kajadian-kajadian anu okabangangi haha aijo!”

DANIEL 7:16

Lantas ingohaniankumo na sala'samian anu tinuminjo ikiijo' ka' pinoitangkumo na katalangan nu anu jinadimo iwi-iwi' aijo'. Sahingga pinoto'inyomo mae.

AMOS 6:13

Belemiu talalomo molabi na motatae au' aitu belemiu mohungku'imo Lodebar. Belemiu mule' notatae, “Kami sukup mahoson mompokala Karnaim”.

HABAKUK 3:14

Hihis nu pana' nu Belento nolampasmo to pola-polaya' nu suludadu nu sampo bali', tempo'nyo suludadu nu aha tinoka mae anu sumomo tombusisi' na kohosonnyo. Da kami nu ga'a-ga'atakonmo.

ZAKHARIA 1:18

Han anu sangga'at mule' na tinoangku, opat na tanduk nu sapi'.

ZAKHARIA 1:21

Pinokilawangkumo, “Apaa na kahanda'nu aha toka mae aiya?” Tinaamannyo, “Da mombau kahengge'an ka' mompatundu'mo aha to bansang-bansang anu nohansunimo Yehuda ka' mule' nomposungkehetmo mian anu jojoong ikiijo'.”

ZAKHARIA 1:9

Pinokilawangkumo hi ia, “O, Tuan apaa na alati'nyo ajahan haha aijo' iwi-iwi'?” Ia nontaami, “Ku potiju'je na alati'nyo hi beleyum.

ZAKHARIA 2:2

Pinokilawangkumo, “Pa' kahanda'mo moya?” “Ka oho'mo mongukun Yerusalem,” na koonyo, “aku kahanda' monsumbu' pa' sangkuka na ko mantannyo ka' mule' ko bolanyo nu kota' aijo'.”

ZAKHARIA 8:14

Tumpu Anu Daka na Kuasanyo notataemo, “Tempo'nyo mompolee' nu belemiu nonsaduakonmo Aku da pinusa, tinantukan-Kumo da opiboatimo na mohukum aha. Aku madi'mo mombabali'i katantuan-Ku aiya, panyo osidahimo ahi'.