ZAKHARIA 1:17 - KITAB NU TUMPU ALLA LELE MA'IMAI'

¹⁷ Malaekat aijo' nonsaimo aku da mompoto'i potuunon aiya mule', “Tumpu Anu Daka' na Kuasanyo binalajanji'mo tukoo-Nyo to kota-kota'nyo po ule'mo mohumpak kasanangan i uno nu kantumuu'an ka' tukoo-Nyo mule' daagi' minsan na Ia montulungi Yerusalem ka' mongakui salaku tumpunyo Ia ahi'.”

ZAKHARIA 1:17 ပူးပေါင်းရင်းမြစ်များ

NEHEMIA 11:20

Mian da'isan nu aha Israel, to ima-imam ka' to mia-mian nu Lewi labinyo, jojoong i posi tano' nu aha anu i kota-kota' i da'erah Yehuda.

NEHEMIA 11:3

I kota-kota' sangga'at, mian da'isan nu Israel, to ima-imam, to mia-mian nu Lewi anu mokalaja i Laigan nu Tumpu, lantas lee' mae nu to posa-posaihon i Salomo jojoong i posi tano' nu aha ka' i to kota-kota' nu aha.

MAZMUR 69:35

Puji' na Tumpu o, langit tiba tano', ndalangon tiba iwi-iwi' na anu konyawanyo anu kiijo' i unonyo.

YESAYA 14:1

Tumpu po ule'mo nongkalibosi Israel mian anu palesayamo hi Ia, ka' po ulemo nompile'i aha da po ule ahi' Ia na tumpu-Nyo. Ia po ule'mo mompojoong ilipu' nu aha. Mian anu lengkat mae isalipu'an tokamo mae ka' maninggalumo hi aha.

YESAYA 44:26

Akumo na nompododo potatae nu posihaon-Ku, ka' nompotimbalimo apaa na anu tinanga'anmo nu anu sinaing-Kumo, Pinoto'ing-Kumo, Yerusalem po ule'mo ojojoongi nu mian, ka' iwi-iwi' na kota' i daerah Yehuda po ule'mo Ku bau; anu singkapmo na idek po ule'mo obau.

YESAYA 49:13

Panyanyimo o, langit, pontaligalaimo o, tano' o, to bungku-bungkutnyo, pontaligalaimo lame-lame'! Kalana Tumpu tokamo mae mohase mian anu palesayamo hi Ia, Ia mongkalibosimo mian anu palesayamo hi Ia, anu sinansalamo.

YESAYA 51:12

Tumpu notatae, “Akumo na mohase' belemiu. Kadaka' beleyum mabuhukmo hi manusia anu madi' tumuu' batu, hi manusia anu ingalinmo susumo hemput?

YESAYA 51:3

O, Yerusalem, Aku mohase'mo beleyum, ka' iwi-iwi' na anu jojoong itampat nu belemiu anu ihansunmo. Sinin na padang tampat anu kinunmo, Kupotimbalimo taman, pokakana sumo Eden, taman-Ku anu molumba' Ikiijo' mian lame'mo ka' mule' bilahimo ka' lewa'mo manyanyi salaku bau pontalima kaseh.

YESAYA 52:9

Pontaligalaimo lame-lame' o, anu singkapmo ihansun i Yerusalem, kalana Tumpu mohase'mo mian anu palesayamo hi Ia ka' mompobebasmo Yerusalem.

YESAYA 54:8

Ola sasaingoni' na Aku madi'mo montonto'i beleyum, kalana tambuha'-Ku talalomo ahi. Panyo kalibosan-Ku anu madi' ko kamingkotannyo na mongkalibosi beleyum.” Sumo aijo' na koonyo nu Tumpu anu Momposalamat beleyum.

YESAYA 66:13

Ku hase'je na belemiu i Yerusalem susumo samian na tina anu mohase' anaknyo.

YEREMIA 31:13

Toka itempo'nyo aijo' to lalangkoyang monsaleleimo ka' lame'mo na kinyonyoa. To tu'a-tu'anyo tiba to oli-olitau bubu'mo mongoa'i sanang na kantumuu'an, kalana Aku mohase'mo aha. Kasusa'an i uno nu kinyonyoa nu aha Ku bali'imo jadimo kalame'an kalibosan nu kinyonyoa Ku bali'imo jadimo sanang na kantumuu'an.

YEREMIA 33:13

Aita' mae ikota-kota' anu idaerah anu ibungkutnyo, ka' anu itengke nu bungkutnyo, ka' mule' i daerah Yehuda sasu salatan, ka' mule' daerah nu aha Benyamin tiba kampung anu toto ise-ise' anu madi' majo'on i Yerusalem, ka' mule' ikota-kota' Yehuda, to pola-polaya' domba po ule' mule' molekeng domba nu aha. Aku, Tumpu notataemo.”

YEREMIA 33:9

Yerusalem mompolame'mo mae kinyonyoang-Ku ka' mompopodaka'mo mae Aku. Iwi-iwi' na bansa i dunia mabuhukmo ka' nu lakatmo ka' mule' moholomatimo mae Aku, de aha mohongomo palabuatan ma'ima' anu binaung-Kumo iwi-iwi' hi aha mian anu jojoong i Yerusalem ka' mongkona kamajuan anu binee'-Kumo i kota' aijo'.”

YEHEZKIEL 36:33

Tumpu Anu Matangkas na Kuasanyo notatae, “Salatan belemiu Ku pobelesi'mo sahingga madi'mo baladosa'na belemiu, Belemiu Ku pobee'mo mule' jojoong isinin na kota' nu belemiu ka' po ule'mo mombau apaa na anu ihansunmo.

AMOS 9:14

Ku pojadimo na mian-Ku Israel anu palesayamo da aha po ule'mo sanang. Aha po ule'mo mombau kota' nu aha iwi-iwi' anu na'idekmo lantas aha jojoongmo ikiijo. Aha monsu'animo nu anggur iwi-iwi' na ale' lantas saidi' mae nu inumo nu aha na ueenyo. Aha mongale'mo ka' nu kaanmo nu aha na hasinnyo.

OBAJA 1:20

Aha mian nu Israel anu i sasu Utara saidi' mae minsusule'mo lengkat mae i pinomboan aha ka' pinompojoongan lantas monjojoongimo Fenisia toka-toka i Zarfat. To mia-mian nu Yerusalem anu binoamo ka' pinojoongmo i Sardis saidi' minsusule'mo ka' montumpuimo iwi-iwi' na kota' i sasu salatan Yehuda.

ZAKHARIA 1:14

ka malaikat aijo nompo kau aku da' mompotoka apa na anu tinaeakon nu Tumpu Anu Matangkas na Kuasa-Nyo. Aku mongkalibosi kondo ka molibos kondo kota Yerusalem, kota-Ku anu susi'.

ZAKHARIA 1:18

Han anu sangga'at mule' na tinoangku, opat na tanduk nu sapi'.

ZAKHARIA 2:12

Daagi' minsan na Yehuda po ule' timbali Tumpu, na tumpu-Nyo itano'-Nyo anu susi' ka' mule' Yerusalem timbalimo kota' anu talalo hondo Nu kanonongi.

ZAKHARIA 2:4

Malaekat anu u'uka momona notataemo hi malaekat anu ko ohu'nyo, “Lako'mo lia-lia' hi olitau aijo', ka' poto'iakon hi ia na Yerusalem po ule'mo da'isan na miannyo tiba potuu'on sahingga madi'mo bisa na po ule' obau na pagan mesennyo titikup.

ZAKHARIA 3:2

Malaekat nu Tumpu notataemo, hi Setan, “Bisa-bisa' nu hukum nu Tumpu na beleyum Setan! Bisa-bisa' Tumpu anu mongkanonongi Yerusalem mohukumo beleyum. Mian aiya sumomo lo'uton anu ihambet mae aijo' i apu anu hau-haunyo moak.”

EFESUS 1:4

Ma'isa pe'e dunia aiya pinotimbali, Tumpu nompile'imo kita kalana pinalesayamo hi Kristus ko kahanda' da kita timbalimo samata-mata iamo na tumpu-Nyo, ka' madi' ko ideknyo i ahop-Nyo. Kalana kalibosan nu Tumpu.