14 ka malaikat aijo nompo kau aku da' mompotoka apa na anu tinaeakon nu Tumpu Anu Matangkas na Kuasa-Nyo. Aku mongkalibosi kondo ka molibos kondo kota Yerusalem, kota-Ku anu susi'.
I Yerusalem tiba aita' ibungkutnyo nu Sion saidi' mae ko to mia-mianmo anu salamat kalana Tumpu Anu Daka' hondo na Kuasanyo nontantukanmo han aijo' memang tionyo ahi' jadi.
Potenangmo nakinyonyoa nu aha Yerusalem, poto'i taalu' tobotuanan imadi'anmo. Kasala'an nu aha ingampunan-Kumo, iwi-iwi na dosa nu aha ihukum-Kumo lipat pinduan.”
Daagi ko potatae anu lewa' nontaloakon, “Polelemo!” Pinokilawangkumo, “Apaa na anu tionyo ahi' ku polele?” “Polelemo taalu' manusia sumo hemput, sumo bunga-bunga anu ola sasaingoni' na ia ma'ima'.
Tumpu mambamo mahampate susumo samian na talenga' susumo samian na suludadu anu binanimo na mahampate. Ia nongaisakonmo ais nu pahampatean, ka' nompotoamo ka untungan-Nyo mahampate de mongewamo sampobali'.
O, Tumpu, toa mae mo uuka atina' i suluga', lengkat mae atina' ikajojoongan nu Belento anu susi' ka' talasanggo. Iyamo mae na kalibosan tiba kabaanian nu Belento? Iyamo mae na kanonongan tiba kalibosan nu Belento? Boli mae montahan aijo', bee'mo mae hi kami.
Tumpu notatae, “O Israel te toho' mule' ahi' belemiu Ku pojohok kabai Ku pala'i. Te toho' mule' ahi' belemiu Ku hopu'i susumo Adma? Kabai pa' Ku baumo susumo Zeboim? Madi' sanang na kinyonyoang-Ku mombau han aijo' kalana liibos-Ku talalo hondo daka-daka' hi beleyum!
Malaekat aijo' nonsaimo aku da mompoto'i potuunon aiya mule', “Tumpu Anu Daka' na Kuasanyo binalajanji'mo tukoo-Nyo to kota-kota'nyo po ule'mo mohumpak kasanangan i uno nu kantumuu'an ka' tukoo-Nyo mule' daagi' minsan na Ia montulungi Yerusalem ka' mongakui salaku tumpunyo Ia ahi'.”