YUNUS 1:4 - KITAB NU TUMPU ALLA LELE MA'IMAI'

^4-5 I Yunus nintatau'mo kaiyong mae sasu lunasa'nyo ka' kino mamale'mo ikaiyong, lantas ihoyotmo bobobogon. Lapas aijo' Tumpu nompotokamo mae antong anu makansang hondo i ambai ka' jinadimo na antong anu makansang hondo aijo' nontintip kapan aijo' sahingga kiniboli' ihansunmo. To mia-mian pangalaja nu kapan nabuhukmo hondo ka' lewa'mo noloboo' na aha toto samian momoita tulung hi posi-posi pilogot nu aha. Da mongkulangi bahaya dumo tompu, pinaha lumbu'akonmo i ambai na to bala-balang anu pinosake'.

YUNUS 1:4 ပူးပေါင်းရင်းမြစ်များ

MAZMUR 135:6

Ia molakukan apaa na anu nu kahanda'i, i langit ka' i tano' i ambai ka' i ndalangon anu maleeng hondo.

MAZMUR 135:7

Lengkat mae i puus nu tano' Ia nompotokamo mae kundom, pinokilaton-Nyomo de tudun na ujan. Lantas Ia nompalentahmo mombun da mosabat mae i tampat pinompo'una'an-Nyo.

MAZMUR 148:8

o kilat ka' ujan eis, ujan batu ka' kundom, baleba' anu makansang hondo anu pinalentahmo nu Tumpu!

NOSABATMO 10:13

I Musa nohangkatmo tokonnyo, ka' Tumpu nompotimbalimo mombun lengkat i kabete'an aijo'mo na nonsongkohi lipu' aijo' toka sansina-sinaa ka' sampahu-pahu. De subu-subumo mombun aijo' mompuhakonmo mae kihi-kihi' haha aijo'

NOSABATMO 10:19

Sahingga binali'anmo nu Tumpu na jalan nu mombun nu kinsoban anu makansang hondo. Kihi-kihi' haha aijo' pinuuhakonmo nu mombun ka' binoanyomo nokiijo' i Ambai Gelagah. Sa'angu' pe'e madi' ko anu tinontuha' i songko-songko na tano' nu Mesir.

NOSABATMO 14:21

Lantas tinangkakonmo i Musa na limanyo nokiijo' i ambai, sahingga Tumpu nompotimbalimo baleba' nu kabete'an anu makansang hondo so'mo nompuuhakon sahingga ambai nokekesmo. Sinampahu na pinuuhan nu baleba' aijo' sahingga ambai nongabali'mo, tinimbalimo katano'an.

NOSABATMO 15:10

Panyo ola minsan na Tumpu tolo husa mompotokamo sinaa anu mompolugi'. Aha tinatanomo susumo timah anu maboat i uno nu bokon anu daka' hondo.

YEREMIA 51:16

Ola pinalentah, binuhokanmo na uee aita' ilangit. Lengkat mae ipuusnyo nu tano' songko-songko pinotoka-Nyomo mae na kundom, ka' pinojadinyomo na kilat da pojohonjit i uno nu ujan, ka' pinokau-Nyomo mae na mombun lengkat mae itampat pinompo una'annyo.

AMOS 4:13

Bungkutnyo ka' mombun, Tumpu na nompotimbali; tanga'an-Nyo pinotoa-Nyomo hi manusia. Binau-Nyomo na sinaa tiba pihi; i buannyo nu dunia, na Ia i lumajangmo. Tumpu Anu Daka' Na Kuasanyo aijo'mo na sanggo-Nyo.

NOMBILANGMO 11:31

Mamanga ahi' Tumpu nompotokamo mae baleba' nolengkat mae i ambai; baleba' aijo' nomboamo mae to tomo-tomonsi' pipido anu lumahap talalo heede' hondo, ola sa'angu' na meten i buan nu tano'. Aha lewa' ko laha-lahab montikubi kemah nu aha aijo' sampe to pia-piangkuka na kilo meten.