YUDAS 1:9 - KITAB NU TUMPU ALLA LELE MA'IMAI'

⁹ I Mikhael pe'e, anu mongkapalai to mala-malaikat, madi' toho' nombau sumo aijo'. Tempo'nyo ia pinainggaga tiba Ibilis i uno nu pahantuda'an mompo'ago pa' ihe na anu mongala bangke' i Musa, i Mikhael madi' baani nompisala'i Ibilis nu potatae anu mompopo'ise'. I Mikhael ola notatae, “Nusegaije nu Tumpu na beleyum!”

YUDAS 1:9 ပူးပေါင်းရင်းမြစ်များ

1 TAWARIKH 12:17

I Daud nonsingkabotimo aha ka' nompoto'i, “De belemiu toka mae aiya kahanda' mosangalu montulungi aku otalima mami na belemiu sanang na kinyonyoa mami montalima belemiu. Panyo de belemiu ko kahanda' toka mae da monsilakaimo aku hi sampo bali'ku, maumo aku madi' nombau anu ma'idek hi belemiu, Tumpu Allah anu osombah nu mompolee'to na monsumbu' ka' mule' Ia na mohukum belemiu.”

NOSABATMO 22:28

Boli monsumpa'akon Tumpu Allah ka' boli montotobi'akon to pola-polaya' bansa nu belemiu.

DANIEL 10:13

Malaekat anu bau ponjagai kalaja'an nu Persia nongewamo mae aku ko pinnyo uampulu' ka' sa'angu' na sinaa. Lantas i Mikhael sala'samian na to pola-polaya' nu malaekat tinokamo mae nontulungi aku. Pinala'iankumo naia ikiijo' mae i Persia.

DANIEL 12:1

Malaekat nu nompusok baju' lenan aijo' po ule' mule' notatae, “Tempo'nyo aijo' tokamo mae na malaekat anu daka' na kuasanyo i Mikhael anu monjagai bansa nu belemiu. Lapas aitu tokamo na tempo' nu kasusa'an anu madi' ko'anu pokakana salatanmo pe'e kino to bansa-bansamo, panyo iwi-iwi' na mian anu atina' hi bansa nu belemiu anu sanggonyo tinulismo i uno nu kitab nu Tumpu Allah, atina na oposalamat.

ZAKHARIA 3:2

Malaekat nu Tumpu notataemo, hi Setan, “Bisa-bisa' nu hukum nu Tumpu na beleyum Setan! Bisa-bisa' Tumpu anu mongkanonongi Yerusalem mohukumo beleyum. Mian aiya sumomo lo'uton anu ihambet mae aijo' i apu anu hau-haunyo moak.”

MARKUS 15:29

To mia-mian anu motulu i kiijo' ko lilo-lilokmo na ubak ka' montaloakon potatae mompopo'ambang i Yesus. Aha notatae, “Ee, Beleyum na anu mongka'oho' mongidei Laigan nu Tumpu, ka' po'ule' mompotinjo ola i uno nu tolun sinaa.

PO'ULE' INGULIT 34:6

Tumpu nolamunmo ia, i sa'angu' na bangka'nyo nu Moab i santoa nu kota Bet-Peor, panyo sampe sinaa uuka aiya madi' ko samian pe'e na monsumbu' hondo-hondo pa' iya mae na kubulannyo.

1 TESALONIKA 4:16

Malaikatje anu talasanggo hondo atina'je na motatae daka-daka', ka' tolompet nu Tumpu opo onyi'mo salaku bau sa'angu' na tanda. Lantas i Tumpu Yesus mintatau'mo lengkat mae i suluga', ka' to mia-mian Kristen anu sinilakamo na po'ule' opotumuu' momona.

1 PETRUS 3:9

Boli mombalosi ka'idekan tiba ka'idekan, kabai monguda-udahi tiba monguda-udahi; panyo ola ahi' obalosi nu momoitakon balakat hi Tumpu. Kalana Tumpu nolagamo belemiu, ko kahanda'nyo da belemiu mohumpak balakat hi Ia.

2 PETRUS 2:11

Sadang pe'e to mala-malaikat anu lebe mahoson ka' mongkuasai to gulu-gulu' anu madi' totu'u aijo', madi'mo mompisala'i Tumpu anu opopodaka' aijo' nu potatae ponjojoa i ahop nu Tumpu.

ANU PINOTO'I HI YOHANES 12:7

Lantas kiita' i suluga' nahampatemo. I Mikhael tiba to mala-malaikatnyo nahampatemo nongewa' ulo anu talalo hondo daka' aijo'. Ka' ulo anu talalo hondo daka' aijo' mule' tinulunganmo nu to mala-malaikatnyo mongewa mule' i Mikhael.