YUDAS 1:6 - KITAB NU TUMPU ALLA LELE MA'IMAI'

⁶ Singkona o inau' na to mala-malaikat anu nolingkuduimo kakuasa'an anu binee'mo hi aha, sahingga namba nompala'imo tampat kajojoongan nu aha. Tumpu nompungumo malaikat haha aijo' nu lante' anu sampe toka sidu-sidutu' i uno nu tampat anu pintung i aluknyo nu dunia. I kiijo' mae na aha o talungku'mo sampe hukuman onabu'akonmo hi aha i Sinaa anu opalias aijo' saidi' mae.

YUDAS 1:6 ပူးပေါင်းရင်းမြစ်များ

MATIUS 10:15

O inau'! I Sinaa Kakiamatan, to mia-mian nu Kota' Sodom ka' Gomora lebe dengke na o ampuni nu Tumpu, ka' de mule' to mia-mian nu kota' aijo'!”

MATIUS 25:41

Lantas Tomundo aijo' notatae hi to mia-mian anu i sasu kowi-Nyo, ‘Lako'mo pokiijo', anu kinutukanmo! Pinsoopmo i uno nu apu anu madi' toho' mate, anu pinosadiakonmo i Setan ka' hi to mala-malaikatnyo!

MATIUS 8:29

Aha nosabat lengkat mae i bolo' nu kubulan, ka' ko kihi-kihis, “Anak nu Tumpu, nu posiamo na kami? Te Belento kahanda'mo monsakisa kami mau mule' ma'isa pe'e tempo'nyo?”

YOHANES 8:44

Ibilis na tuuma miu, ka' komiu mongka'oho'mo mombatuki kahanda' nu tuuma miu. Lengkat pe'e imoonanyo Ibilis aijo' saja'mo nompatei. Ia madi' toho' mosambiha' i kahondoan, kalana madi' ko kahondoan hi ia. De ia baleko', aijo' pantas, kalana sumo aijo'mo na sipatnyo. Ia baleko' ka' pinolengkatan nu leko'.

ROMA 2:5

Panyo komiu panggaga hondo, madi' mongka'oho' mombabaali'i. Kalana aijo' posi komiu na nombau hukuman miu mompaka maboat i Sinaa Kakiamatan, de Tumpu mompotoamo tambuha'nyo, ka' monabu'akonmo hukuman anu adin.

EFESUS 6:12

Kalana kita mahampate misa' mongewa mian, panyo mongewa kahosonan nu to setan-setan iwi-iwi' anu mongkuasaimo tempo' anu ma'idek aiya. Kita mongewa kahosonan nu to roh-roh ma'idek anu mongkuasai langa.

IBRANI 10:27

Me sa'a-sa'angu'nyomo na anu daagi' hi kita, aijo'mo mongahopimo pomputusian nu Tumpu, ka' apu nu tambuha'-Nyo anu mongangoti to mia-mian anu mongewa Ia!

2 PETRUS 2:4

To mala-malaikat pe'e anu baladosa' madi' nu pojohok nu Tumpu da opobebas madi' mohumpak hukuman, panyo o'alin i uno nu nalaka. Aha oposoopmo i uno nu bolo' anu pintung da opo'una' i kiijo' sampe toka i Sinaa Pomputusianmo.

2 PETRUS 2:9

Jadi, nusumbu' nu Tumpu mosia na momposalamat anu montuluti pongka'oho'-Nyo de aha mongahopimo soba'an-soba'an. Ka' nusumbu' nu Tumpu mosia na mompo'una' to mia-mian anu ma'idek da osakisa i Sinaa Pomputusianmo,

YUDAS 1:13

Pokakana sumo bokon anu mabohos hondo i ambai sinumelembua'mo sumo aitu mule' na anu nubau nu aha sinumelembua'mo na anu moko ambang. Aha sumomo to manda-mandala' anu madi' tataap na kajojoongannyo ka' anu tinoukanmo na tampat nu Tumpu i uno nu kapintungan anu talalo okabuhuk sampe toka sidu-sidutu'.

ANU PINOTO'I HI YOHANES 20:10

Lapas aijo' Ibilis anu nongakalimo aha aijo', i lumbu'akonmo i uno nu apu anu sumo ndalangon ka' belelang. I kiijo'mo na tampatnyo nu binatang ka' nabi anu madi' totu'u aijo' ingalin momonanyo. Aha sinakisamo sinaa ka' malom sampe toka sidu-sidutu'.

ANU PINOTO'I HI YOHANES 20:2

Lantas ia nohakop ulo anu daka' hondo aijo', ulo aijo' pininmo hondo – aijo'mo Ibilis kabai Roh anu Ma'idek aijo' – ka' nompungumo ia samadala na taun na kopinnyo.