YUDAS 1:25 - KITAB NU TUMPU ALLA LELE MA'IMAI'

²⁵ Olamo Ia sa'a-sa'angu'nyo na Tumpu anu Momposalamat kita nontului jalan hi Yesus Kristus Tumpunto. Iamo na Tumpu anu talasanggo, opopodaka', mongkuasai ka' anu o'angga'i salatanmo pe'e naipuan mae sampe tempo' uuka aiya ka' sampe toka sidu-sidutu'. Amin. 1

YUDAS 1:25 ပူးပေါင်းရင်းမြစ်များ

1 TAWARIKH 29:11

Belento totu-totu'u talasanggo ka' daka' na kuasa nu Belento. Belento opopodaka' ka' talalo hondo o adati, anu mongkuasai iwi-iwi'.

MAZMUR 104:24

Talalo hondo manjoo' na anu pinotimbalimo nu Belento, Tumpu, iwi-iwi' pinotutugakonmo nu Belento ima-ima' na nompotimbali; dunia nobuke'mo nu anu pinotimbalimo nu Belento.

MAZMUR 147:5

Daka' hondo na kuasa ka' opalias hondo na Tumpunto, kapandean-Nyo talalo hondo manjoo'.

MAZMUR 78:20

Memang Ia nonsapahimo bungkutnyo nu batu anu mokut hondo, sahingga uee no'ilimo mabohos hondo. Panyo Nupoko ala ahi' suele montoukai roti ka' mombee'i antok nu binatang hi mian anu palesayamo hi Ia?”

YESAYA 12:2

Memang totu'u Tumpu aijo' anu Momposalamat aku, aku palesayamo hi Ia. Aku madi'mo mabuhuk, kalana Ia nompohosonmo mae aku. Anu momposalamat aku aijo'mo Tumpu, aku manyanyimo nyanyian bau pontalima kaseh hi Ia.

YESAYA 45:21

Kalak mae na palakala nu beleyum ka' poto'i mae na bukuti'nyo iwi-iwi', sampamo ahi' na aha basale' hingga-hinggat. Ihe na nompolelemo han aijo' ka' nompoto'imo salatanmo pe'e naipuan mae? Temisa' Aku ahi', na Tumpu? Madi' ko tumpu sangga'at, olanyomo ahi' Aku. Akumo na Tumpu anu adin ka' anu Momposalamat, madi'mo daagi' kosangga'atannyo, olanyomo ahi' Aku!

DANIEL 4:37

Jadi uuka aiya aku i Nebukadnezar mompuji'mo, mompopodaka'mo katalasanggoan nu Tomundo' nu Suluga'. Iwi-iwi' na anu binau-Nyomo totu'u ka' mule' adin ka' moko ala mompota'aluk mian anu kalakuannyo takabun.

MATIUS 6:13

Boli mompojohok kami kakulangan palesaya tempo'nyo kami o sobai panyo lapasakon na kami i kuasanyo Anu Ma'idek. [Kitamo na Tomundo' anu balakuasa ka' opopodaka' toka sidu-sidutu'. Amin.]’

LUKAS 1:47

ka' santuu'ku binilahimo kalana Tumpu Pomposalamatku.

YOHANES 4:22

Komiu mian nu Samaria monsombah anu madi' osumbu' miu, panyo kami mian nu Yahudi monsombah Ia anu osumbu' mami, kalana kasalamatan toka lengkat mae hi mian nu Yahudi.

YOHANES 5:44

Mosia na komiu timbali palesaya, de komiu molio da o puji' nu bubu komiu ka' madi' bala usaha molio pompuji' anu lengkat mae hi Tumpu, anu ola-olamo Ia na Tumpu?

ROMA 11:33

Totu'u daka' na kakaya'an nu Tumpu! Totu'u daka' na kapandean-Nyo tiba ponsumbu'an-Nyo! Ihe na moko ala monsumbu' anu pinoko potantu-Nyomo? Ihe na moko ala monsumbu' bau-baunyo nu Ia mokalaja?

ROMA 11:36

Tumpu na nombau iwi-iwi' aijo'. Iwi-iwi' nolengkat mae hi Tumpu tiba mule' bau kapentingan nu Tumpu. Puji' na Tumpu sampe toka sidu-sidutu'! Amin.

ROMA 16:27

Olamo Ia sa'a-sa'angu'nyo na Tumpu, Ia talalo hondo pande. O amalakon da Ia saja' opopodaka' sidu-sidutu' hi Yesus Kristus! Amin. Tabea' mami, I Paulus, posaihon i Kristus Yesus 49

EFESUS 1:8

Binau-Nyo na aijo' kalana Ia talalo hondo mongkalibosi kita, ka' pongkalibosi-Nyo aijo' binee'-Nyo hi kita mola-molabi montului jalan anu ko angga'-Nyo, ka' anu minsoop i akan.

EFESUS 3:10

Pongka'oho' nu Tumpu aijo'mo da tempo' uuka, montului jama'at, iwi-iwi' na anu montoongi kakuasa'an i langa monsumbu' kapandean nu Tumpu anu lupa-lupa na ngahannyo toto sa'angu'.

EFESUS 3:21

Tionyo ahi' Tumpu saja' opopodaka' molapi-lapis na tulunan i uno nu jama'at, montului i Kristus Yesus. Puji' na Tumpu sampe toka sidu-sidutu'! Amin.

1 TIMOTIUS 1:17

Tumpu, Tomundo sampe toka sidu-sidutu', tionyo o'angga'i ka' saja' o puji', kalana Iamo na anu tumuu' sampe toka sidu-sidutu' anu madi' otoa ka' ola sa'a-sa'angu'nyomo! Amin.

1 TIMOTIUS 2:3

Aijo'mo na anu ma'ima' ka' momposanang kinyonyoa nu Tumpu Allah, anu Momposalamat kita.

TITUS 2:10

kabai montomang. Tionyo ahi' aha saja' mompotoa sipat anu ma'ima' ka' tulu-tulutan, da kalana sipat nu aha aijo' mian mompuji pangajalan mongkona Tumpu anu Momposalamat kita.

TITUS 2:13

Uuka aiya kita hau-haunyomo montanda'i Sinaa anu o ima-imaninto aijo'; i Sinaa aijo' dunia montoaje i Yesus Kristus anu talasanggo; aijo'mo Tumpu Anu Matangkas na Kuasanyo ka' Tomundo anu Momposalamat kita.

TITUS 3:4

Panyo Tumpu anu Momposalamat kita nompotoamo kalibosan ka' kanonongan nu kinyonyoa-Nyo hi kita.

IBRANI 13:8

I Yesus Kristus tataap pokakana mau naipuan mae, tempo' uuka, ka' sampe toka sidu-sidutu'.

1 PETRUS 4:11

Mian anu mompotokakon lele, tionyo ahi' mompotokakon lele anu lengkat mae hi Tumpu; mian anu mongkalesang kapalaluan nu mian sangga'at, tionyo mongkalesang nu kahosonan anu lengkat mae hi Tumpu, da i uno nu iwi-iwi na han, Tumpu na opopodaka' kalana i Yesus Kristus. Ia na anu ko kuasa ka' patut opopodaka' sampe toka sidu-sidutu'. Amin.

2 PETRUS 1:1

To Utu-utus anu totu-totu'u pinalesayamo sumo kami! I Yesus Kristus, aijo'mo Tumpu ka' Tomundo anu Momposalamat kita, nompotimbalimo kita palesaya hi Ia, kalana Ia nombaumo anu totu'u. Sulat aiya lengkat mae hi Simon Petrus, samian na posaihon ka' rasul i Yesus Kristus.

2 PETRUS 3:18

Tionyo ahi' belemiu lebemo mongoa'i balakat i Yesus Kristus, Tumpu ka' Tomundo anu Momposalamat kita, ka' tionyo ahi' belemiu lebemo mule' monsumbu' Ia. O puji' na Ia, uuka aiya ka' sampe toka sidu-sidutu'! Amin. Tabea' mami, I Petrus 9

ANU PINOTO'I HI YOHANES 1:6

Ka' nompotimbalimo kita sa'angu' na bansa to ima-imam anu mompojalan palentah nu Tumpu, Tuuma-Nyo. I Yesus Kristus aijo'mo na anu talasanggo ka' anu mongkuasai sampe toka sidu-sidutu'. Amin!