YUDAS 1:16 - KITAB NU TUMPU ALLA LELE MA'IMAI'

¹⁶ Mian haha aijo' ola saja' motusa' ka' mompisala'i to mia-mian sangga'at. Aha tumuu' montuluti apaa na anu nukamilui nu aha anu moko baladosa'. Aha mombuulakon posi butong ka' mongakali mian da mohumpak ka'untungan.

YUDAS 1:16 ပူးပေါင်းရင်းမြစ်များ

AYUB 32:21

Madi' ko anu ku tinjohi maumo pa' ihe na aha anu painggaga aijo' ka' madi' ko anu lewa' ku puji'.

AYUB 34:19

Ia madi' montinjohi to tomu-tomundo, kabai lebe mompopodaka' mian anu kaya ka' madi' montapa-tapali mian anu talalo hodo kasiasi. Kalana aha iwi-iwi' Ia na nompotimbali.

MAZMUR 106:25

Aha lewa'mo nongonguyung motusa' i uno nu kemah nu aha, ka' madi'mo mongka'oho' mohongo potatae nu Tumpu.

MAZMUR 15:4

anu monsangka madi'mo ko angga'nyo na mian, de madi'mo nukali-kalinga nu Tumpu, panyo mongadati mian anu mohongo-hongo Tumpu; anu madi' toho' mombaleko'i apaa na anu jinanji'mo, maumo ahi' lugi'

MAZMUR 17:10

aha madi'mo ko kalibosan ka' motatae ko bubuunmo.

MAZMUR 73:8

Aha lewa' mongalu ka' mule' lewa' mompobau-bau anu madi' totu'u, ka' ko bubuunmo, motombuhuk kalana kahanda'mo mompakisa.

AMSAL 28:21

Madi' ma'ima' na mombeda-bedakon samian ka'samian, panyo daagi'je mule' ahi ko mian kopian anu ka'oho' madi' adin ola kalana da mohumpak doi sangkiding.

YESAYA 29:24

Mian anu ponga' balagulu'mo da mangalati' ka' mian anu saja' motusa' sanangmo na opogulu'.”

IMAMAT 19:15

Belemiu tionyo ahi' boli tageo' de momputusi palakala, boli monsangaja'i mian anu kasiasi ka' boli mabuhuk hi mian anu kaya.

NOMBILANGMO 14:36

To mia-mian anu sinaimo i Musa da monselidiki tano'nyo aijo' ninsusule'mo mae, panyo nomboamo mae lele anu madi' totu'u mongkona lipu' aijo' ka' han aijo' nonsaduakonmo aha mian Israel nososonmo hi Tumpu. Kalana aijo' Tumpu nohukumo aha sahingga aha sinilakamo kinona nu panyakit.

NOMBILANGMO 16:11

De beleyum tiba anu monsangaja'i beleyum mososonmo hi Harun, sumo-sumomo belemiu panggagamo hi Tumpu!”

NOMBILANGMO 16:41

Dodododopnyo iwi-iwi' na aha mian Israel lewa'mo pinusa hi Musa tiba hi Harun. Aha notatae, “Belemiu nompateimo mian anu pinalesayamo hi Tumpu.”

LUKAS 15:2

To mia-mian Farisi ka' to gulu-gulu' agama mulaimo nompisala'i. Aha notatae, “Se', na mian aiya montalima to mia-mian anu madi' ma'ima', ka' aijo' mongkaanmo hingga-hinggat tiba aha!”

LUKAS 19:7

Iwi-iwi' na mian anu nontoa aijo' nontampu'unimo nongo-nguyung. Aha notatae, “Se'! Ia mamba sonso' i laigan nu mian anu madi' ma'ima'!”

LUKAS 5:30

To pia-piangkuka na mian nu Farisi ka' to gulu-gulu' agama mongoa'i madi' sanang, lantas notatae hi anu mombatuki Yesus, “Kadaka' komiu iwi-iwi' mongkaan ka' monginum tiba topo tage hasin, ka' to mia-mian madi' ma'ima'?”

YOHANES 6:41

To mia-mian nu Yahudi nontampu'unimo mompisala'i Yesus, kalana Ia notatae: “Aku roti anu nintau' mae lengkat i suluga'.”

YOHANES 6:61

Nusumbu' i Yesus na anu saja' mombatuki Ia mososon mongkona han aijo'. Sahingga Ia notatae, “Te komiu mongkakulangakonmo potataengku aijo'?

1 KORINTUS 10:10

Kita madi' timbali mososon sumo anu binau nu sambagian aijo' hi aha naipuan mae, sahingga aha pinatean nu Malaikat Kapatean.

GALATIA 5:16

Makisutku sumo uuka: Sahanyo Roh nu Tumpu na mompotiju' komiu, ka' boli tumuu' mombatuki pongka'oho' nu sipat nu manusia.

GALATIA 5:24

To mia-mian anu i Kristus Yesusmo na tumpunyo, mian haha aijo' nompateimo sipatnyo salaku manusia tiba iwi-iwi' na napisunyo ka' apaa na anu nu ka'ima'i.

PO'ULE' INGULIT 1:27

Komiu motambuha sumo uka, Tumpu mongkaideki kita. Maka' ia nomboa kita nosabat lengkat i Mesin da obe'akon na kita i lima nu mian Amori da mompatei kita.

FILIPI 2:14

Obau na iwi-iwi' aijo', ka' boli motusa' kabai painggaga.

1 TESALONIKA 4:5

Boli tumuu' mombatuki kahanda' nu napisu hi bengkele'um, sumo anu nu bau nu to mia-mian anu madi' monsumbu' Tumpu.

1 TIMOTIUS 6:5

ka' po'uwalian anu madi'mo ko kamingkotannyo. Jalan pikilan nu mian haha aijo' pinu'otmo ka' madi'mo daagi' totu'u. Aha monsangka de bala agama moko timbali kaya.

2 TIMOTIUS 4:3

Kalana tokaje na tempo'nyo, mian madi'mo daagi' mongka'oho' montalima pangajalan anu totu'u. Panyo ola ahi' aha montulutimo posi pongka'oho' nu aha, ka' momposihukmo manjoo' na to gulu-gulu' da o'ajanakon na hahan anu ma'ima' na ohongo nu bihing nu aha.

1 PETRUS 1:14

Otuluti na Tumpu, ka' bolimo tumuu' mombatuki pongka'oho' nu beleyum anu susumo naipuan mae, tempo'nyo belemiu ma'isa pe'e nonsumbu' Tumpu.

1 PETRUS 2:11

To Utu-utus anu okanonongi! Belemiu mian anu i salipu'an ka' anu lumambanan i dunia aiya. Mokonyo aijo' ku poita hondo-hondo da belemiu boli montuluti napisu nu manusia anu saja' mahampate mongewa santuu'.

1 PETRUS 4:2

Kalana aijo', saja' ahi' komiu tumuu' i dunia aiya mombatuki pongka'oho' nu Tumpu, ka' misa' mombatuki pongka'oho' nu manusia.

2 PETRUS 2:10

utamanyo to mia-mian anu montuluti apaa na anu nu kamilui nu aha, aijo'mo napisu anu mahenyu ka' anu monjojoa kakuasa'an nu Tumpu. Baani ka' takabun hondo na to gulu-gulu' anu madi' totu'u haha aijo' sahingga aha madi' bata-bata na monjojoa Tumpu anu opopodaka' kiita' i suluga'!

2 PETRUS 2:18

Aha saja' monsisik anu toto ima-ima' ka' madi' ko kaliangannyo, napisu da masala' nupake nu aha bau pontua to mia-mian anu sala'je montampu'uni mae mompala'i to mia-mian anu tumuu' ginumpomo.

2 PETRUS 3:3

Momonanyo belemiu tionyo ahi' monsumbu' saba' sinaa anu i mihinyo mae, tokamo na to mia-mian anu kantumuu'annyo kinuasanmo nu napisu nu aha. Aha na saidi' mae monjojoamo belemiu

YUDAS 1:15

kalana kahanda'mo momputusi mian iwi-iwi'. Tumpu mohukumo to mia-mian anu mombau anu ma'idek kalana hahan anu binaumo nu aha mian anu palaganta. Ka' Ia mohukumje mian anu baladosa' ka' anu uesan kalana iwi-iwi' na potatae anu mompopo ambang tinaloakonnyomo.”

YUDAS 1:18

Aha nompoto'imo momona hi komiu tukoonyo de malia'mo toka na sinaa kakiamatan lubatmo na to mia-mian anu monjojoa komiu, aijo'mo to mia-mian anu tumuu' montuluti apaa na anu nu kamilui nu aha sahingga monsaduakonmo anu moko baladosa'.