YUDAS 1:15 - KITAB NU TUMPU ALLA LELE MA'IMAI'

¹⁵ kalana kahanda'mo momputusi mian iwi-iwi'. Tumpu mohukumo to mia-mian anu mombau anu ma'idek kalana hahan anu binaumo nu aha mian anu palaganta. Ka' Ia mohukumje mian anu baladosa' ka' anu uesan kalana iwi-iwi' na potatae anu mompopo ambang tinaloakonnyomo.”

YUDAS 1:15 ပူးပေါင်းရင်းမြစ်များ

MAZMUR 139:20

Aha lewa' mompobau-bau han anu ma'idek mongkona Belento ka' lewa' monsumpa'akon anu madi' totu'u mongkona iwi-iwi' na kota' nu Belento.

MAZMUR 149:9

da ohukumo na to bansa-bansa kalana palentah nu Tumpu. Aijo'mo na ka'untungan nahampate na mian anu Nu kalibosi. O puji' na Tumpu!

MAZMUR 31:18

Boli opojohok mae na aku mohumpak ambang, o Tumpu, kalana aku nongkakasemo hi Belento. Pojohok na mian anu ma'idek na palabuatannyo opopo ambang, ka' hoko-hokot aha mintatau'mo idunia nu mian anu sinilakamo.

MAZMUR 37:6

Ia na momponyata hannyo beleyum tulu-tulutan susumo jingka ka' kahodi'an nu kinyonyoa nu beleyum susumo sinaa.

MAZMUR 73:9

Aha mompisala'imo Tumpu kiita' i suluga' ka' lewa' monsisik anu madi' totu'u hi to mia-mian anu i dunia aiya,

MAZMUR 94:4

Aha lewa' montaloakon potatae anu ma'idek, ka' lewa' mongkabubulakon palabuatan ma'idek anu binaumo nu aha.

MAZMUR 98:9

Kalana ia toka mae da momputusimo hukuman nu dunia; iwi-iwi' na bansa oputusimo na hukuman-Nyo, ka' adin ka' madi' hondo sala'.

NOSABATMO 16:8

Tumpu nombee'imo belemiu ponoha' de mamalomo ka' roti daagi' subu sampe belemiu mobosu, kalana Tumpu nohongomo belemiu saja'mo motambuha' hi Ia. Sabenannyo de belemiu saja'mo motambuha' hi kami, belemiu sumomo saja'mo motambuha' hi Tumpu.”

ANU MOMPOLELE POTATAE NU TUMPU 11:9

O belemiu to oli-olitau ka' to lalangkoyang, oa'i pe'e na kasanangan de daagi olitau ka' langkoyang! Balame-lame'mo de belemiu hau-haunyo tumimpasje. Baumo iwi-iwi' apaa na anu nu kahanda'i nu nyawa nu belemiu, ka' mule' baumo iwi-iwi' apaa na anu iniatmo nu kinyonyoa nu belemiu. Panyo o inau' ahi' na Tumpu anu kiita i suluga', Ia na momputusi saidi' mae palabuatanto iwi-iwi'.

ANU MOMPOLELE POTATAE NU TUMPU 12:14

Tumpu na saidi' mae momputusi iwi-iwi na palabuatanto, anu ma'ima' tiba anu ma'idek, ka' mule' anu sulu-suluk.

YEHEZKIEL 35:13

O bansa Edom, belemiu manjoo' na potatae, ka' motatae buulon hi beleng-Ku. Iwi-iwi' aijo' ihongong-Kumo.

DANIEL 11:36

Tomundo' nu lipu' sasu utara mombaumo yayamo na anu nu kahanda'i nu kinyonyoanyo. Ia takabunmo sahingga nu taloakonmo tukoonyo ia na lebe daka' na kakuasa'an nulingkudui na pilogot maumo pa' iyaya mae, ka' mule' lebe daka' na kakuasa'annyo nulingkudui na Tumpu Anu Matangkas na kuasanyo. Ia timbali mombau sumo aijo' sampeje ahi Tumpu madi'mo motambuha'. Kalana apaa na anu tinantukanmo nu Tumpu tionyo pe'e ahi' jadi.

DANIEL 7:20

Kahanda' mule' kusumbu' pa apaa na alati'nyo na sampulu' na tanduk i ubaknyo ka' mule tanduk anu ise' ai-aijo' anu tinumuu' mae lantas nombubutmo totolu' na tanduk haha aijo' anu tinumuu'mo momona. Tanduk anu ise' ai-aijo' ko matanyo ka' mule' ko nganga'nyo ka' potataenyo saja' takabun. Ia talalo hondo okabuhuk nu lingkudui na tanduk haha aijo' sangga'at.

YOHANES 5:27

Ia nombee'mo hi Anak-Nyo hak momputusi hukuman, kalana Ia Anak nu Mian.

SISIKON NU TO RASUL-RASUL 17:31

Kalana Ia nontantukanmo sa'angu' na tempo' da momputusi adi-adin songko-songko na dunia aiya. Kalaja aijo' nubauje nu samian anu noko pile'anmo nu Tumpu na mombau aijo'. Ka' da iwi-iwi' na mian palesaya totu-totu'u i han aijo', sahingga mian anu sinilakamo po'ule'mo pinotumuu' nu Tumpu!”

ROMA 14:10

Jadi, to Utu-utus! Bau apaa na mompisala'i utusum anu sa'a-sa'angu' na kapalesaya'an? Ka' bau apaa na kita Utus monsangka ia madi' ko angga'nyo? Kita iwi-iwi' mo'ahopje hi Tumpu Allah da o putusi.

ROMA 2:16

Sumo aijo'mo na anu saidi' mae timbali i sinaa anu tinantukanmo aijo'. I sinaa aijo' – koonyo nu Lele Ma'ima' anu kupo-kupolele – Tumpu hi Yesus Kristus na momputusi iwi-iwi' na lahasia nu kinyonyoa ka' pikilan nu mian iwi-iwi'.

ROMA 2:5

Panyo komiu panggaga hondo, madi' mongka'oho' mombabaali'i. Kalana aijo' posi komiu na nombau hukuman miu mompaka maboat i Sinaa Kakiamatan, de Tumpu mompotoamo tambuha'nyo, ka' monabu'akonmo hukuman anu adin.

1 KORINTUS 4:5

Mokonyo aijo', kalana misa' pe'e tempo'nyo, boli komiu lia-lia' montantukan batu-batu mian kosala'nyo kabai madi'. Tanda'i tokaje na Tumpu. Iaje na mompoto'i iwi-iwi' lahasia anu sulu-suluk i uno nu pintung. Iaje na mompotalang tanga'an anu sulu-suluk i uno nu kinyonyoa nu mian. Tempo'je aitu ka' batu-batu mian mohumpak pompuji' lengkat hi Tumpu anu patut nu talima.

1 TIMOTIUS 1:9

Tantu tionyo o inau' saba' atulan anu binau misa' toka hi mian ma'ima', panyo toka hi anu molanggai atulan, to mia-mian anu ma'idek, mian anu palaganta, toka hi mian anu baladosa', mian anu madi' ko agamanyo, mian anu ola mongka'ima'i dunia, toka hi mian anu mompatei tuuma kabai tinanyo, anu saja' mompatei mian,

YUDAS 1:16

Mian haha aijo' ola saja' motusa' ka' mompisala'i to mia-mian sangga'at. Aha tumuu' montuluti apaa na anu nukamilui nu aha anu moko baladosa'. Aha mombuulakon posi butong ka' mongakali mian da mohumpak ka'untungan.

ANU PINOTO'I HI YOHANES 13:11

Lantas aku nontoa sa'angu' na binatang sangga'at i lubat mae i uno nu dunia. Ia nintanduk ohua' sumo tanduk nu Anak nu Domba. Potataenyo sumo potatae nu ulo anu talalo hondo daka' aijo'.

ANU PINOTO'I HI YOHANES 22:20

Ia anu nompotokamo mae lele aiya iwi-iwi' notatae, “Totu'u, Aku malia'mo toka!” Amin! Tokamo mae o Tumpu Yesus!

1 SAMUEL 2:3

Bolimo lewa' motatae anu madi' kokaliangannyo! Bolimo lewa' motatae anu madi' ko patunyo! Kalana Tumpu, aijo'mo Tumpu Allah anu monsumbu' hondo iwi-iwi'; anu momputusi iwi-iwi' apaa na anu nu bau nu mian.