YUDAS 1:12 - KITAB NU TUMPU ALLA LELE MA'IMAI'

¹² Tempo'nyo komiu nombau bau-bauon nongkakaan, kalakuan nu mian haha aijo' nonsaduakonmo komiu to'ua. Kalana aha mongkaan mabebes madi' ko ambangnyo, ka' ola mosi tutugi posi butong. Aha sumo sehu' anu nu puhakon nu mombuun, panyo madi' montudunakon ujan. Aha mule' suele sumo kau' anu madi' mimbua' mau mule' lonunyomo nu pimbua'an nu kau'; to kau-kau' anu ginautakonmo na bakatnyo ka' i nanggasmo hondo-hondo.

YUDAS 1:12 ပူးပေါင်းရင်းမြစ်များ

2 TAWARIKH 7:20

saba' ku sabatakonmo na belemiu da bolimo jojoong i lipu' anu binee'-Kumo hi belemiu. Ka' mule' Ku pala'imo na laigan aiya anu tinantukankumo bau tampat ponsomban Aku. Toka-toka pa' iyaya mae saja' o'alu ka' okokojoi na laigan aiya.

AYUB 8:17

Bakatnyo mongkalaputimo batu anu kiijo' i tano'; mongkalekodi mahoson hondo, ia madi' dengke na mokohenggo.

MAZMUR 1:3

Apaa na anu nukahanda'i nu bau nu mian aijo' iwi-iwi' nu humpak; ia sumo kau' tumuu' i sohipi' nu kau'nyo anu mimbua' de tokamo na lonunyo ka' saja' madi' toho' mangkaluale na honnyo.

MAZMUR 37:2

Kalana aha malia' mingkot susumo hemput, ka' mangkaluale susumo sosu'anon anu molumba'.

AMSAL 25:14

Sinin na janji' anu madi' ko bukuti'nyo sumomo kundom ka' mombun anu madi' montudunakon ujan.

YEHEZKIEL 17:9

Sahingga, Aku, Tumpu Anu Matangkas na Kuasanyo nompokilawamo: Pa' timbali ahi' na kau' anggur aijo' tumuu' ka' mompaka podensu'? Pa' bonyia' anu momona aijo' madi' ahi' monggautakon ia tibamo iwi-iwi' na bakatnyo ka' mohontang bua'nyo iwi-iwi', ka' mompato'i panga'nyo iwi-iwi' ka' mompojohokmo da ia mangkaluale? Madi' palalu mian kabai bansa anu toto hoso-hoson na monggautakon kau'a ijo' sampe toka-toka i bakatnyo.

YEHEZKIEL 34:10

Aku, Tumpu Anu Matangkas na Kuasanyo notataemo hi beleyum, taalu' Aku aiya sampobali' nu beleyum. Dombang-Ku haha atina' po ule'mo Ku ala, ka' madi'mo Ku poki kalesang hi beleyum; belemiu madi'mo daagi' Ku pobee' mompotutugakon apaa na posi kapentingan nu beleyum. Dombang-Ku haha atina' Ku posalamatmo sahingga aha madi'mo daagi' bau kaanon nu belemiu.’ ”

YEHEZKIEL 34:18

Anu atina' hi belemiu daagi' ko anu madi' ma'osa de ola mompomingkot hemput anu ma'ima' hondo, panyo mule' ahi' mompahampeja'akon hemput anu madi' nu otot nu aha! Aha monginum uee anu molino hondo lantas mongketok da mohibu na uee anu madi' nu inum nu aha!

YEHEZKIEL 34:2

“O manusia anu madi' tumuu' batu, pisala'i na to tomu-tomundo' nu aha Israel, ka' poto'i apaa na anu tinaloakon-Kumo nu Aku Tumpu Anu Matangkas na Kuasanyo hi aha, ‘Silakamo na belemiu o to pola-polaya' nu Israel. Belemiu ola mompotutugakon posi kapentingan nu belemiu misa' da bau kapentingan nu domba nu belemiu haha atina.

YEHEZKIEL 34:8

Atas sanggong-Ku Tumpu Allah anu tumuu' palahatikan ahi'! Dombang-Ku haha aijo' sina'umo ka' mule' kinaanmo nu binatang anu mahangas, kalana madi' ko anu nolaya' aha. Belemiu to pola-polaya'-Ku madi'mo nongkalesang domba haha aijo'. Belemiu ola ahi' mompotutugakon posi butong nu belemiu, misa'mo kapentingan nu domba haha aijo'.

HOSEA 6:4

Panyo Tumpu notataemo, “O Israel tiba Yehuda! Apaa na anu tionyo Ku bau hi belemiu? Liibosum hi beleng-Ku malia' hondo saimpotulu susumo sehu' kabai dondu'ok daagi' subu-subu hondo.

IMAMAT 14:43

De anu mapukmo aijo' mompo'ule' mule', padahan batu haha aijo' i laigan binolosanmo ka' mesennyo haha aijo' kinahuganmo ka' po'ule'mo pinelester,

MATIUS 13:6

Panyo salatan sinaa tolohangkatmo, bine' anu sala'je tumuu' aijo' magayou, lapas aijo' ia manggas ka' mate, saba' bakatnyo madi' talalo maleeng.

MATIUS 15:13

I Yesus nontaami, “Batu-batu pomulaon anu madi' sinu'an nu Tuumang-Ku i suluga' o bubutakon.

MARKUS 4:6

panyo tempo'nyo sinaa matangkasmo, bine' aijo' anu sumpenyo montampu'unimo magayou lapas aijo' i nanggas ka' mate, kalana bakatnyo madi' talalo maleeng.

LUKAS 12:45

Panyo de pokauhon aijo' motatae i uno nu kinyonyoanyo, ‘Tuanku daagi' pin minsusule'je mae,’ lantas dinokenyo iwi-iwi' na posaihon, ka' nongkaan nonginum sampe nalangu,

LUKAS 16:19

“Daagi' ko samian anu kaya. Pakeannyo to maha-mahan, tiba mule' kantumuu'annyo tumuu' molabi-labi sansina-sinaa.

LUKAS 21:34

“Ojagai na butongum, boli komiu talalo mongka'ima'i mombau bau-bauon ka' lewa' monginum inumon anu moko langu, kabai talalo mompotutugakon kapalaluan nu kantumuu'anum, sahingga komiu madi' mosadia sampe toka sinaanyo aijo' anu nu potolokengkeng mae.

LUKAS 8:6

Daagi' mule' ko anu ola nanabu' i tampat anu ko batunyo. Salatan tinumuu'mo, anu sinu'annyo aijo' ola nangkaluale, kalana tano'nyo madi' ma'omuk.

EFESUS 4:14

Sahingga kita madi'mo po'ule' mingana-anak anu sumo nupuuhi nu mombun oboa mokiijo' mo'uuka mae nu ngangahan nu solok nu pangajalan lengkat hi to mia-mian anu pande na mongakali. Aha mompotimbali mian ponga' nu kapandean nu aha mongakali.

FILIPI 3:19

Kantumuu'an nu to mia-mian anu sumo aijo' mingahenje nu kapatean, kalana pilogot nu aha aijo'mo apaa na anu nu nuka'ima'i nu butong nu aha. Hahan anu mongambangi, aijo'mo ahi' na anu nunu kabubuulakon nu aha; kalana aha mompopikilakon ola saja' anu mompahakona tiba dunia aiya.

1 TIMOTIUS 5:6

Panyo balu anu mongka'oho' tumuu' ola basana-sanang, ia natemo mau mule' ia daagi' tutuu'.

IBRANI 13:9

Boli mompojohok iwi-iwi na ngahan nu pangajalan anu madi' minsoop i akan aijo' ola mompokalilu komiu. Kinyonyoanto tionyo ahi' opohoson nu kanonongan nu Tumpu, aijo' na ma'ima'; boli ola kalana atulan haha aijo' mongkona anu o kaan. To mia-mian anu naipuan mae nombatukimo totu-totu'u atulan haha aijo' madi' nohumpak apa-apaa anu ko gunanyo.

YAKOBUS 5:5

Komiu tinumuu'mo molabi-labi ka' nongoa'imo kasanangan nu dunia aiya. Komiu sumomo anu hau-haunyo mompilompo'imo butong miu da o kolot toka i sinaanyo.